41歲苟芸慧新相搣甩浮腫 重回顏值巔峰

女神歸位！

41歲的前華姐苟芸慧早年因甲狀腺問題致身形暴脹，體重高峰期曾達170磅，被嘲「肥苟」。身形時肥時瘦的她，早前出席聚會時，更因肚凸凸及用手遮肚影相，惹來懷孕猜測。

早前苟芸慧出席聚會時明顯肚凸凸，惹來大肚疑雲。

苟芸慧日前現身好友黎瑞恩演唱會，在IG晒出打卡照，並寫道：「一人有一個夢想???你哋嘅夢想係咪呀？期待以久嘅V union演唱會，琴晚有幸可以同我多倫多朋友們欣賞到。小恩，今晚繼續Good Show la ?」

苟芸慧現身為好友黎瑞恩演唱會撐場。

重現黃蜂腰！

從照片中看到，身穿白色套裝的苟芸慧成功搣甩浮腫，重現黃蜂腰，身材皮膚狀態均Fit爆！大批網民看到茍芸慧新相後都大讚，更留言表示：「pretty lady」、「瘦好多啊」、「女神最美」。

面型明顯瘦削。

42歲的前華姐冠軍苟芸慧（苟姑娘）去年宣布與錫礦大王後人兼賽車手陸漢洋（William）離婚，回復單身後，她狀態大勇，昔日身材時胖時瘦的她為了保持現時Fit爆的身材，相當注重健康，近日她就出席了健康體驗活動。

苟姑娘自離婚後隨即復出娛樂圈。

狀態明顯回勇。

苟姑娘在IG晒出席活動的靚相，雖然她全黑上陣，但依然見到身材凹凸有致，更輕露事業線，性感又有女人味！她留言表示：「早前去咗「反『胖』健康基地」活動，現場好多互動體驗區，玩得開心之餘仲可以好好反思自己嘅健康狀況......活動仲令我學到肥胖唔單止係飲食或運動問題，而係一種成因複雜嘅慢性病，同時仲隱藏超過200種健康風險！我自己之前因為健康問題體重暴升，試過好多次減肥但又復胖，深刻體會到『搖搖效應』，不斷喺減磅同反彈之間來回。嗰陣時真係覺得力不從心，甚至影響咗工作同生活。」

苟芸慧IG圖片

苟姑娘又表示：「今次體驗完，更明白體重管理唔可以只靠意志力硬撐，而係要用有科學實證嘅方法去應對。每個人身體狀況都唔同，唔需要同其他人比較，最重要係搵專業醫生，度身訂造適合自己嘅減重方案，先至健康又可持續！」

苟芸慧IG圖片

苟芸慧IG圖片