中年好聲音3｜高正洋獲車婉婉嗌「正洋師兄」 顏志恒師弟張家豪獲評審激讚

新秀Re-Union！

《香港李衆勝堂保濟丸呈獻：中年好聲音3》由車婉婉擔任主持，評審團有肥媽、張佳添、周國豐、伍仲衡和海兒，逢周日晚上8時30分翡翠台播映。

高正洋

海兒同周國豐同步撳高正洋盞燈！

香港區賽區百強正式登場，唱將一季比一季厲害，昨晚（27日）首集（香港賽區）已經誕生五位5燈選手，直接晉級，除了經歷愛妻意外身亡兼生意失敗的「中年好司機」劉建偉、獻唱《李香蘭》的英國人Dan James之外，還有幾位唱得之人表現極為亮眼，包括「中3王菀之」陳芷盈、「豬農」胡家健、「顏志恒師弟」張家豪、來自雲南的劉洋。

同樣參加新秀歌唱比賽嘅車婉婉，嗌高正洋做「正洋師兄」。

陳芷盈無論聲線同容貌都好有王菀之影子！

被車婉婉封為「中3王菀之」的38歲陳芷盈，報稱音樂機構執行主任，昨晚以輕鬆愉快旋律獻唱《有了你》，無論聲線、容貌均跟王菀之確有幾分相似，難怪毫無懸念集齊5燈成為首位直接晉級的選手！評審們對陳芷盈表現有讚無彈，唱畢改用厚底聲線自我介紹的她，相當百變，張佳添大讚她是眾選手中「喉嚨最鬆的一人」：「好有王菀之影子，唔單止有佢嘅聲線，仲有佢嘅音樂感喺裡面，呢個好難得。呢種音樂節奏冇音樂感會唱到好平淡，聽咗咁多個，你暫時係喉嚨最鬆嘅一個。」周國豐高舉姆指大讚：「表情同聲音帶到好快樂感覺，始終陳百強版本太經典，鋼琴聲種唯美好難取替，你同音樂總監諗到咁樣打破框架係一件好高明嘅事。」

胡家健係一名豬農。

胡家健係一名豬農。

拭眼淚呢吓動作，肥媽加晒分！

周國豐讚豬農胡家健「溫柔殺手」：啲豬死得好甘心！
53歲胡家健繼承父母衣缽打理養豬場，從小在養豬場成長，以「不可分割」來形容與豬的關係，並分享面對母豬難產的感受：「有時母豬難產痛到流眼淚，見到會心痛。」他每早風雨不改5時起床工作，更因人手關係已長達4年沒有放假休息，平日靠唱歌紓壓，並笑言一群豬就是他的特別聽眾。這位「有笑有淚養豬人」胡家健選唱《眼淚為你流》作賽，周國豐評語時笑謂：「你係一個好溫柔嘅殺手，如果你對住啲豬唱呢首歌，啲豬都會死得好甘心！」相當爆笑。

張家豪係《中年2》顏志恒嘅中學師弟，同樣都係做西餐廚師。

海兒激讚張家豪唱功Bravo，仲話係暫時最鍾意嘅表演。

劉洋來自雲南，係一名火鍋店老闆。

來自加拿大嘅梁楚琪，獲讚台風十足。

38歲張家豪不但是《中年》首季第五名顏志恒的中學師弟，還與顏志恒一樣任職西餐廚師，選歌《怎麼捨得你》作賽的張家豪，一開聲即成功冧倒肥媽：「你一開聲我就好鍾意，好舒服。」美女女高音海兒激讚：「Bravo！暫時我最鍾意嘅一個表演，各方面做得非常之好。」伍仲衡貫徹「搞笑擔當」角色謂：「點解你同顏志恒都係廚師，身形爭咁遠？我覺得你身形係幫到你，有氣！」來自雲南的火鍋店老闆42歲劉洋，獻唱《默》獲周國豐大讚懂得透過歌聲說故事：「我認識那英的版本、張惠妹的版本，本來是一首很暗黑的歌，就是說世界沒有你，變得沒有顏色、聲音，我覺得你的感覺抓得非常的好。」

此外，還有兩位4燈唱將值得關注，分別是55歲直播博主高正洋和來自加拿大的36歲地產經紀梁楚琪。獻唱《愛是永恆》的高正洋，曾參加第十屆新秀歌唱比賽，獲新秀出身的車婉婉稱呼做「正洋師兄」之餘，更與同屆參加新秀的周國豐「相認」，周國豐說：「因為呢個節目，有網民摷番我同高正洋合唱嘅《沒有你之後》片段。」至於獻唱《七級半地震》的梁楚琪，則獲海兒和張佳添大讚台風、肢體動作及力量感十足，並有完美運用舞台。

張佳添

周國豐

伍仲衡

無綫全新處境劇《愛‧回家之三代同糖》（下文簡稱《三代同糖》），由羅永賢Marco監製，馬俊縈編審，馬俊縈、謝浩洋、潘逸豪執行監製，今日正式公布將於8月10日隆重登場，並逢周一至五晚八點翡翠台播映。

全新處境劇《愛‧回家之三代同糖》將於8月10日起，逢周一至五晚八點翡翠台播映，劇集由羅永賢監製，車婉婉、吳若希、李茵彤（Desta）組成「婆媽孫」組合。

日前，劇中主要演員車婉婉、吳若希、李茵彤（Desta）、趙浚承、何依婷、李偉健、侯雋熙（Duncan）、關曜儁、周志康、容天佑、胡敏芝、林沚羿及潘靜文等，以「彩虹色調」鮮艷造型雲集電視城錄影廠，為劇集拍攝Opening；當中較為特別的，是車婉婉、吳若希及李茵彤Desta這個「三代同糖」組合，齊齊以Candy Purple造型現身。據知，《三代同糖》Opening共有三個主景，分別是吳若希、車婉婉、Desta屋企、吳若希公司，及舅父仔李偉健經營小店，全部真人拍攝配以AI生成的夢幻繽紛場景，現場還有大量巨型糖果道具配合「同糖」主題，相當有心思。

雖然拍攝當日劇集還未正式開工，但在劇中一唱一和的「婆孫」婉婉及Desta已完全零隔膜，還在鏡頭前大擺親密甫、盡顯默契。至於先後以黑白女強人造型、及Purple Lady造型現身嘅吳若希，則與劇中「死對頭」趙浚承大擺「史密夫決戰史密妻」Chok甫，望落相當吸引。而首次亮相《三代同糖》宣傳活動的何依婷，則以迷人Pink OL造型亮相，並連番向劇中老闆仔容天佑獻殷勤，相當搞笑。

車婉婉坦言接棒《愛‧回家》有一定壓力，形容是「好大嘅使命。

吳若希大讚劇本夠寫實，笑言：「人生嚟架？」

李茵彤（Desta）

趙浚承首擔大旗即演奸角，為配合「退役男團」人設遭監製勒令增肌兼要Chok。

談到首演處境劇，何依婷與容天佑及周志康一起接受《娛樂新聞台》訪問時，笑指由於自覺沒有幽默感、唔識搞笑，故事前有做大量功課：「會不斷諗究竟我角色點樣做先有更多喜感，都諗咗好多唔同嘅方向。」至於飾演依婷同事及容天佑下屬的周志康，則直指角色是公司「潤滑劑」兼女人湯圓：「我同好多女同事好Friend，Even生理期問題都會傾，我又可能突然之間有衞生巾（借畀佢哋）咁…點解我會有（衞生巾）？我叫『何媽』（角色暱稱）嘛，媽媽嚟，好照顧其他女同事，但又有保持距離，係好乖嘅爸爸、先生，同我真人一樣。」

何依婷以Pink OL造型向容天佑獻殷勤，周志康則自爆角色是「女人湯圓」。

日前眾演員拍攝Opening。

Duncan遭勒令要變瘦削
同樣首度參演處境劇、兼拍劇經驗近乎白紙的趙浚承，原來首擔大旗即要挑戰「奸角」：「個角色內心有陰暗面，所以反而我係奸嘅。」他續指為了配合「退役男團」設定，遭監製勒令增肌兼要一味夠Chok：「我真人都係退役男團，哈哈！」、「呢個角色要有信心啲、要Chok。」主持許文軒聞言即追問：「所以要扣少幾粒鈕？」趙浚承聞言搞笑回應：「係呀，爆開架，原本扣咗。」而劇中飾演趙浚承弟弟的Ducan，一聽到趙浚承接指令要增肌，即笑言自己相反被勒令要變番「細隻仔」，並笑謂可將私家蛋白粉借給趙浚承，Duncan：「監製要我瘦啲，咁我都停咗蛋白粉，但Gym照做。」

至於劇中主角吳若希，受訪時則大讚劇情極生活化：「原來我哋鬥嘴得嚟都幾好笑喎，好無聊、好雞毛蒜皮，但係好Life囉，人生就係咁」、「我覺得劇本咩嚟㗎？人生嚟㗎？」車婉婉則搞笑「訴苦」：「到依家都唔知邊個係我老公。」吳若希聞言即接招：「張智霖都OK。」十分搞笑。談到接棒處境劇，婉婉坦言有一定壓力：「個壓力嚟自因為我覺得有一個使命感，我嘅功能係乜嘢？我到底可以點樣做提供到一個good嘅entertainment可以陪伴大家？我自己覺得呢個係嚟緊半年，自己一個好大嘅使命。」