炎明熹萬聖節化身女鬼同聲夢學員現身主題樂園扮相相當搞怪可愛

娛圈事

炎明熹萬聖節化身女鬼同聲夢學員現身主題樂園扮相相當搞怪可愛

2024年11月01日 10:30 最後更新：17:07

巨型黑眼圈臉色蒼白冇血色！

現年19歲「樂壇小天后」炎明熹憑《聲夢傳奇》爆紅，不過早前傳出因續約問題而工作量大減。10月30日炎明熹分享了多張與一班聲夢學員到海洋公園慶祝萬聖節的相片，炎明熹女鬼扮相相當搞怪可愛！

點擊看圖輯

雖然前景未明，但Gigi並沒有氣餒。

不時在社交平台分享自己的日常生活。

Gigi化身日本女鬼

鍾柔美一齊

飄過~

好詭異

頭上兩把火

原來扮嘅係燒鵝

令人眼前一亮

扮相好成功

好可愛

古靈精怪

幾有feel

同聲夢好友一起

到主題樂園玩

炎明熹與一班聲夢學員到海洋公園慶祝萬聖節，並以長文留言：「一係就唔講，一講嘢就講多啲！一係就唔玩，一玩就要玩盡啲！好開心同大家渡過第一次嘅Halloween，也謝謝我的大學同學幫我化這個妝（本身諗住自己化，但係覺得好似好lonely之後就搵咗佢一齊！）今次這個盲盒襯衫不成功（睇相就知……）同埋我嗰日着咗件Heattech喺入面，好熱。今次我扮嘅係燒鵝，頭上兩把火，再加胸前的燒鵝（有啲押韻）」，她續說：「我化完妝之後，不對，就嚟化晒嘅時候我就已經開始笑，笑到上車去到海洋公園嘅時候仲繼續偷笑緊，勁驚人哋以為我係咪發生咗啲咩事，再加上呢個妝然後就好詭異（又押韻咗）」。

相中可見當日一齊去主題樂園的有《聲夢傳奇》隊友包括鍾柔美、潘靜文、張馳豪、林智樂、林沚羿及蔡愷穎，大家都花盡心思扮鬼扮馬，而炎明熹將臉塗白化身日本女幽靈，看上去毫無血色，面青口唇白！

Tags:

萬聖節

往下看更多文章

Gigi炎明熹新歌挑戰全新風格展現型格魅力 MV攜手幕後音樂人驚喜演出兼滿足學車願望

繼上一首作品《Colors in the Air 原色》後，Gigi炎明熹近日推出全新單曲《Bye Bye Bye》。作為她加盟Sony Music後的第三首作品，今次Gigi再度挑戰全新音樂風格，打破過往形象，展現其歌聲的更多可能性。

全新音樂風格帶來挑戰監製Edward：直覺適合Gigi

新歌《Bye Bye Bye》曲風型格且節奏感強烈，對Gigi而言是一次全新嘗試。面對新風格，Gigi坦言在摸索演繹方式與語調時花了不少工夫，多番嘗試後才找到最適合的演唱方式：「因為呢首歌個節奏好唔同，所以都試咗幾個語調去唱。」最終在監製Edward Chan及Edwin Tong的指導與溝通下，才找到最完美的詮釋。雖然錄音過程充滿挑戰，但監製Edward透露早於收到Demo時，便認定歌曲非Gigi莫屬：「呢首歌旋律感覺有種冷豔瀟脫，直覺上好適合一把輕柔通透嘅聲音，所以就諗起Gigi。」

點名小克填詞坦言起初擔心「駕馭唔到」

《Bye Bye Bye》歌詞由小克創作，Edward透露這正是Gigi本人的心願。然而Gigi收到初版歌詞時一度缺乏信心：「一開始收到份歌詞時，我以為自己駕馭唔到，所以就同監製Edward同小克再溝通。」經Edward及小克討論後才誕生出《Bye Bye Bye》的最終版本歌詞。Gigi更笑言為了能完全代入歌詞情境，錄音時堅持要全程閉上雙眼：「試過擘大眼同瞌埋眼唱，我就知道我就算唱錯都要瞌埋眼繼續唱！」

拍MV滿足學車願望攜手幕後音樂人驚喜演出

MV方面，除了Gigi擔當主角，更特別邀來一眾幕後音樂人參與，包括今次作品的作曲人Edwin Tong，以及上首作品《Colors in the Air 原色》的作曲人James Wu，聯同另外兩位音樂人Harry Kwan及Laurence Lo參演，組成一支樂隊出演MV。能藉由拍攝聚首一堂，讓Gigi感到相當高興。此外，最讓她興奮的莫過於在拍攝中體驗駕車感覺：「導演教咗我啲揸車嘅技巧，雖然唔係真係揸，但算係少少滿足咗我想學揸車嘅夢想！」Gigi更笑言，經過這次拍攝後，更肯定自己要學習駕駛的目標。

全新型格形象拍攝「瞓身」演出樂此不疲

為配合《Bye Bye Bye》冷酷形象，Gigi特別換上賽車手外套與全新型格髮型拍攝MV。她表示從服飾到妝髮都是前所未有的嘗試，絕對是一次全新體驗。今次拍攝Gigi更是字面意義上的「瞓身」演出，所指的是其中一幕她需要表現出「自由落體」的感覺。為了呈現最佳效果，即使導演要求反覆重拍，Gigi依然樂此不疲，每每Cut機過後都不禁笑言：「好好玩！」盡顯其率真貪玩的性格。