破．地獄｜孖周家怡梁雍婷現身電影劇照展 衛詩雅獲未婚夫現身送驚喜

一對準新人首度一同現身公開場合！

英皇電影年度鉅作、由陳茂賢執導兼親自執筆《破．地獄》即將於11月9日上映。電影由黃子華、許冠文（Michael）、衛詩雅（Michelle）、朱栢康及周家怡領銜主演，秦沛、金燕玲、韋羅莎、梁雍婷、白只、鍾雪瑩等聯合演出，以香港殯儀業為題材，道教儀式破地獄，探討人與人之間聯繫、生與死議題。

《破．地獄》即將於11月9日上映。

導演陳茂賢、衛詩雅、周家怡及梁雍婷日前現身海港城《破．地獄》電影劇照展現場，再次回味電影中多張精選劇照，三人大讚劇照師攝下一眾角色當下最真實的情緒。而眾人於活動後向慈善拍賣得主頒贈證明作親身答謝。

導演陳茂賢、衛詩雅、周家怡及梁雍婷日前現身《破．地獄》電影劇照展現場。

近日忙於到不同戲院出席映後分享的三位演員於活動上透露今次除了答謝觀眾，意料之外得到很多感動的回饋，Rachel分享剛過去的週末遇到一位白髮蒼蒼的女觀眾，分享讓她非常感觸：「嗰位滿頭白髮嘅婆婆同我哋分享，呢部電影喚起佢一啲記憶，療癒咗佢自身嘅經歷。佢講完之後，我哋先發現原來佢身後有七個兒孫同場陪佢一齊睇，大家都邊睇邊喊，令我覺得佢哋對某啲事情釋懷。」而家怡雖然未有跟Rachel參與同一場分享，但聽畢後亦表示：「觀眾需要喺咁多人面前，願意將自己嘅親身經歷，或者經歷緊嘅事分享出嚟，我覺得呢件事已經好感動。」

衛詩雅、周家怡及梁雍婷表示出席映後分享後意料之外得到很多感動的回饋。

梁雍婷

周家怡

而剛出席完東京國際電影節回港的衛詩雅，分享日本觀眾同樣看得相當投入：「我初初有擔心，外地觀眾睇唔睇得明我哋嘅破地獄文化？好開心佢哋又睇到箇中意義，代表呢部戲成為世界各地嘅共通語言，以死亡帶出生命。」Michelle更指日本觀眾同樣被觸動：「日本觀眾相對上喊得比較含蓄一啲，至少分享環節上面遇到唔少移咗民去日本嘅香港人。」

衛詩雅

至於電影劇照展展期中，設有海報競投部份的環節，而所得之捐款將撥捐保護遺棄動物協會（SAA）。活動尾聲，衛詩雅未婚夫周祉安（Kenley）更驚喜現身，原來Kenley為支持Michelle主演新作《破．地獄》及做善事，早前於活動網站上競投多幅電影海報，結果日前收到大會通知成功投得海報並邀請他親身到會場確認領取事宜。

衛詩雅未婚夫周祉安驚喜現身。

原來周祉安為支持未婚妻主演新作《破．地獄》及做善事，早前於活動網站上競投多幅電影海報。

Kenley於活動後到達現場，低調為Michelle送上驚喜，原來今次同場更是一對準新人更是首度現身公開場合，令事前毫不知情的主創及工作人員大感驚喜，Michelle亦透露自己亦是出發活動前才得知，更笑言「估唔到會親自頒贈海報俾呢位善長人翁」！Kenley對Michelle的貼心支持更被眾人大讚浪漫，而活動亦在眾人言談甚歡的氣氛下結束。

大合照

影后衛詩雅（Michelle）及KOL吸金女王陳凱琳（Grace）盛裝出席《Merz Aesthetics® Gold Record Award 10周年暨頒獎典禮及記者會》擔任頒獎嘉賓，Michelle表示非常慶幸有個醫美醫生老公周祉安（Kenley），可以隨時請教護膚貼士，但同時亦大感壓力：「人哋談情時會好情深望住對方眼睛，但我老公嘅視線就游走喺自己塊面，一時話多條紋、一時話有斑，搞到我有無形壓力，好多時唯有問佢點樣做！」Michelle笑言，最不滿意自己的高度，如果需要微調的話，她一定選擇增高。

陳凱琳及衛詩雅盛裝出席《Merz Aesthetics® Gold Record Award 10周年暨頒獎典禮及記者會》擔任頒獎嘉賓。

Merz Aesthetics®️ 香港區總經理Candice Wong與兩位品牌大使擔任頒獎嘉賓

前日（24號）是Michelle的生日，收到姪仔「You Still Young」訊息而心花怒放，去年Kenley送上帽子作生日禮物，並不合Michelle心意，今年壽星女學精了，自己買下綠松石首飾，然後把賬單交給首次以老公身份相伴過生日的Kenley，Michelle難忘踏入重要一刻的搞笑情景：「佢（凌晨）十二點就熄燈，叫我扮唔知、扮驚喜，但個蛋糕根本就係我同佢一齊買！」

擔任Belotero® 品牌大使多年的衛詩雅對產品非常有信心。

對於生日願望，正為新戲開工的Michelle希望拍攝順利、身體健康及世界和平，可有計劃生BB？Michelle回應：「我覺得做父母需要考牌，都有問自己，咁大責任，可唔可以教育一個人仔？我就未有資格，做媽媽太難，同埋而家我哋兩個生活好正，如果有小朋友，想去旅行都要諗過。」Michelle指老公對生育持開放態度，只在乎她的感受，兼且雙方家長都沒有給予壓力，即使領養也可以。

衛詩雅

同樣性感登場的陳凱琳，透露早前趁有三天假期，帶六歲大仔飛往三亞旅行，老公鄭嘉穎則留在香港照顧兩個細仔，Grace說：「開學前爸爸帶咗大仔去新加坡玩，今次就輪到我，大仔鍾意食，好easy going，好聽話唔難湊。」在三亞的最後一晚，兩母子躺在酒店牀上傾心事，剛升讀小一的大仔，自揭仍想繼續留在傳統學校讀書，並表示很喜歡中文科的鄭老師，Grace笑道：「阿仔有爸爸同老師兩個鄭Sir，老師知道佢從小講英文多，所以鼓勵佢可以試吓用中文發問。」大仔嘗試後即獲讚賞，他亦看到自己中文有進步，加上認識到不少新朋友仔，覺得在這間學校讀書很開心。

Xeomin® 品牌大使陳凱琳十分信賴德國製造的Xeomin®️零雜質_純淨+配方。

問到兩位弟弟有否投訴媽咪「大細超」？Grace自言相當公平，已跟兩個細仔約定明年由爸爸鄭嘉穎帶他們一起旅行，Grace大讚老公：「佢係好親力親為嘅爸爸，我好感恩身邊有個咁錫小朋友嘅爸爸，呢段時間小朋友好需要家長陪伴，我就轉咗型，喺屋企都可以拍到視頻，多咗好多時間陪佢哋。」Grace 變身KOL相當成功，有沒有考慮與嘉穎以夫妻檔上陣？她說：「佢唔得，做戲對佢嚟講最有滿足感，所以我唔會逼佢做唔鍾意嘅嘢，佢亦好支持我嘅工作。」

陳凱琳