相信大家仲記得「美誠月餅」，最近又有聲稱是「蛋卷界Hermes」的「上水美圓」蛋卷引起香港網民熱議！
蛋卷界的天花板 最適合用來當手信
近日有小紅書用戶發帖文稱，去香港買手信時獲朋友推介買「上水美圓蛋卷」，又稱這個蛋卷是「蛋卷界Hermes」，見到「一定要衝衝衝」。
小紅書圖片
「香港味道」與「香港風味」兩齊全
蛋卷罐上可以見到印有「上水美圓(Sheung Shui My)」、「手作黃油味蛋卷」等字眼，而主理人則是一名叫鄺錦洪的男子。這名男子不但是「世界健力士中式點心廚王」，更是「香港飲食業管理協會專業顧問」，所以「上水美圓」可謂「香港味道」、「香港風味」兩齊全。
小紅書圖片
在內地電商平台京東有售
小紅書另有網民指，「上水美圓」蛋卷在內地電商平台京東有出售。
小紅書圖片
網民：又係香港人唔識既嘢
帖文引發香港網民熱議，有人直接在小紅書直接留言「香港並沒有這個品牌」、「香港人，從來沒聽過這品牌」，亦有facebook網民討論，「上次月餅、今次蛋卷？下次試燒賣定糯米雞？」、「如果有元朗版就好了」、「美誠，美圓，下次美乜」、「美元我就識」。
小紅書圖片
公共交通工具上周不時會遇上有乘客睇片聲浪過大，而引起其它乘客不滿，繼而起衝突，輕則口角收場，重則大打出手。不過近日一名港男的經歷卻意外地「治癒」，他在港鐵車廂內以婉轉方式提醒鄰座阿叔，未料對方一句率真回應，令他當場哭笑不得，帖文曝光後隨即引發網民熱議。
示意圖。AI 生成圖片
該名男網民日前於社交平台Threads發帖，指在港鐵車廂內遇上一名中年阿叔以手機睇片，聲浪過大。於是他選擇較「婉轉」方式，望着對方的手機問道：「你開咁大聲，係咪想我一齊睇呀？」樓主原以為對方能明白他的意思，豈料那為中年阿叔竟然「露出慈祥笑容」，反問：「你冇帶手機呀？」而且還將手機遞近到樓主面前，示意可以與他一同觀看。面對如此「率真」回應，樓主坦言當下笑咗出來，直言「嗰下即刻笑咗」、「佢咁Chill又大方，燥唔落又真心笑咗」，他指其後那位阿叔自行戴上耳機離去。
示意圖。AI 生成圖片
帖文一出引來網民熱議，留言笑稱「你呢招我用過好多次，個個都係即刻熄聲，點知你遇咗個咁奇特既」、「個故事結局 好warm」、「咁都好過大家鬧交」、「幾純真」、「笑，真係可以解決好多問題」、「智商不詳，心地善良」、「樓主你畀魔法打敗咗」、「可能係一段美好友誼嘅開始」、「其實佢哋聽力可能下降，未必明其實已經滋擾緊人，件事係值得躁底嘅，但不妨解釋吓情況，提議吓佢可以戴耳機」，亦有人認為「佢地好叻扮蠢」。
資料圖片
但部分網民亦指曾遇上類似事件，「上次又係咁，我直接哄埋去一齊睇，佢笑笑口之後仲特登就埋我角度打斜部電話比我睇，即刻嬲唔落」、「我都試過同隔離姐姐咁樣講，結果一齊追劇追到飛埋站」、「試過同幾個朋友搭巴士遇上大聲睇片嘅阿嬸，我哋行埋去哄住佢電話講同一樣嘅說話，佢笑晒口介紹片中佢啲孫我哋識」。
資料圖片。(不是涉事者)
