自駕德島｜郭珮文比堅尼上衣連環派福利 貼身小背心玩飛索極度吸睛

TVB「最強Body」！

一共兩集的旅遊節目《大灣區航空日本四國德島航線呈獻：自駕德島》，由黎諾懿、陳懿德（德德）及郭珮文（Juliana）擔任主持，今晚（9日）8時翡翠台播映最後一集。

德德猜輸做柴可夫，搞爛gag不斷爆搞笑趣事！

德德再次猜輸成第一人挑戰飛索。

玩到瞓地兼甩鞋！

繼上集遊覽位於東北端的鳴門市，及被譽為「日本秘境」的西部祖谷地區，今集三位主持從祖谷出發前往眾多戶外冒險者趨之若鶩的聖地—大步危和小步危，親親大自然，同時參與冒險活動挑戰膽量。黎諾懿今次卸下「自駕達人」一職，換由猜輸包剪揼的德德擔任「柴可夫」做司機，諾懿笑指Juliana最醒目：「因為佢冇車牌，淨係做乘客，幾疏肝。」初中過後遠赴英國升學的半個「鬼妹仔」德德，聞後表示不明白「疏肝」的意思，諾懿無奈解釋一輪指「舒服」、「佗佻（音：他條）」的意思；未幾，當諾懿講解「大步危」命名的由來，德德再爆爛gag指可命名為「大步機」：「有危自有機嘛！」諾懿和Juliana零反應的dead air場面十分爆笑！

緊接到Juliana，貼身小背心勁吸睛！

緊接到Juliana，貼身小背心勁吸睛！

緊接到Juliana，貼身小背心勁吸睛！

陳懿德玩到甩眼睫毛 黎諾懿：終於見識到女演員甩嘢
三位主持首站先體驗全長360米的森林高空飛索，德德再次猜輸成為「第一人」試玩，著陸時不但背面倒地，更玩到鞋都甩，隔著屏幕也感受到股刺激！穿著貼身小背心的Juliana，與諾懿包剪揼battle猜輸，成為第二人玩飛索，自爆畏高的她邊行邊腳震震，但仍然勇敢挑戰。之後，三人去到日本漂流聖地之一的吉野川挑戰激流，Juliana和德德隨即換了比堅尼上衣stand by，再次向觀眾派福利。挑戰激流期間，德德不斷高呼狂叫：「差啲心臟病發！」三人又體驗淋瀑布，以天然呆見稱兼偶爾語出驚人的Juliana形容：「好似失戀喺街度淋雨咁。」認真可愛。德德則玩到假眼睫毛都甩埋，遭諾懿取笑：「終於見識到女演員，由第一站開始甩少少嘢、甩少少嘢，甩到最後冇晒嘢，佢真係為呢個節目犧牲咗好多！」

黎諾懿係「包剪揼之王」。

德德同Juliana穿比堅尼再派福利。

德德同Juliana穿比堅尼再派福利。

挑戰吉野川激流。

體驗淋瀑布，德德玩到假眼睫毛都甩，仲被諾懿笑！

阿波牛性價比極高。

兩女體驗穿和服。

Juliana親製獨特貼身禮物送畀「曾生」
消耗完體力，三人去食阿波牛醫肚，德島出產的牛肉比起東京、大阪等地性價比極高，約66港元便可大歎黑毛和牛牛肋肉、約197港元則可歎2件黑毛和牛菲力牛排，抵食度爆燈！之後，三人駕車50分鐘抵達「德島版京都」美馬市，Juliana和德德穿和服坐人力車感受道地傳統日式文化；又去到藍染工房，識趣的Juliana還親手製作獨特圖案的藍染T恤送給「曾生」。他們又到了德島近年新地標Kurukura道之驛的美食廣場，爽歎每日限定10碗、2kg重的三層高魚生丼，有齊超過12款不同魚生，只盛惠5,800日元（約298港元），非常抵食。

Juliana親身DIY獨特嘅藍染T恤送畀「曾生」。

三層高巨型魚生丼只係300港元，抵到爛！

宣明會一直關注身處飢餓的兒童及群體，多年來與全球各地多個社區和伙伴合作，全力回應因氣候變化、衝突及貧窮等因素引致的飢餓問題。除了推行各類緊急糧食援助工作，亦致力協助受影響的家庭改善糧食供應及營養情況，為飢餓孩子帶來希望。今年3月至6月期間，宣明會「糧家村」故事系列更首度伙拍英國經典童書Mr. Men Little Miss及羚邦集團（2230.HK）舉行一連串籌款活動，以可愛、親民的漫畫分享更多飢餓及營養不良問題。

世界宣明會「我要世界走飢餓」籌款活動

世界宣明會「我要世界走飢餓」籌款活動

為讓更多人聽見世界飢餓的聲音，宣明會將於4月25及26日假荷里活廣場舉行「我要世界走飢餓- Go & Seek！」活動，更邀得暖男爸爸黎諾懿及細心好媽李佳帶同她的兒子親身到場，分享他們對飢餓的親身體驗和看法，藉此呼籲更多市民齊齊為踢走飢餓出力！

黎諾懿過往多次與宣明會合作，他大讚機構為很多貧瘠地區的人出力，亦希望將來有機會與仔仔一同與宣明會到不同地方探訪，親身了解世界飢餓問題。而首次與宣明會合作的李佳，機緣巧合下於去年與兩位仔仔成為了親子助養者。她去年在網上見到宣明會的助養計劃，立刻打電話去，然後就成為了助養者：「我一直都有留意飢餓問題，因為細個嗰陣，媽媽帶我去雲南一個比較貧瘠嘅地區參觀，當時有好多小朋友伸隻手出嚟跟住我哋架車跑，我就將自己手上嗰包朱古力畀咗佢哋食，呢個畫面好難忘。而家小朋友都好幸福，所以希望通過呢件事（成為助養者）畀佢哋知道，其實世界上仲有好多地方嘅小朋友係好艱難無地方住。而且我用仔仔名義去助養，過兩年當佢哋自己可以對零用錢有自主權，到時佢哋就會知道，有責任要幫助小朋友。」

暖男爸爸黎諾懿

對於食物，兩位家長同樣注重教育兒子們要好好珍惜，黎諾懿經常教導「小春雞」黎峰睿及「小冬牛」黎奕辰不可以浪費食物：「去餐廳食嘢，一定要食得到先好嗌。的而且確，香港嘅小朋友係好幸福，無論係物資定食物都好富裕，差唔多佢哋想要嘅嘢都有，正正因為咁，我哋更加要教識佢哋，有好多小朋友都唔係咁，所以我會帶佢哋睇多啲，希望教識佢哋知足。有機會，我都想畀佢哋感受飢餓，亦都想同佢哋去做探訪。」

圖片來源：黎諾懿IG

李佳指雖然未曾感受過飢餓，但記得疫情隔離期間，為兒子們準備兩餸飯：「佢哋食一餐都可以，但係食幾餐就好唔願意，嗰陣細仔唔肯食，情願自己餓住都唔食，我就同佢講好多小朋友冇嘢食，你幾幸福，佢最後都食咗幾啖，所以有機會嘅話，我都想帶佢哋去外地探訪，畀佢哋親身感受吓。」

雖然兩人都認為香港小朋友物質充裕，但要面對讀書的壓力。早前曾提出「讀書冇用」的黎諾懿，希望能以活動教學的形式，讓小朋友開心成長：「香港小朋友好多都（被）要求分數，又要去補習班、興趣班，填到好滿，我希望我嘅小朋友喺身心有個平衡。其實，關於『讀書冇用』呢件事係一個美麗嘅誤會，我係話『讀死書係冇用』，而家AI嘅年代，對比起傳統嘅學習，我哋需要去協調，我仲要澄清返唔係話乘數表冇用，我係話如果佢唔係做科學家，去背啲科學物理表，對小朋友冇咩用。最重要係跟住小朋友自己嘅才能發展，因為每個小朋友都唔一樣，唔可以用同一種方法去教。」

細心好媽李佳

李佳教育兒子們一向比較嚴謹：「我老公初初同我都有唔同意見，但係我兩個仔都喺香港本地小學讀書，中國教育同外地真係唔同，好似午飯咁，有好長嘅時間佢哋係唔食或者食得好少，佢哋成日問我可唔可以帶飯，但係我會問『點解人人都食，係你哋唔食得？』真係餓就會去試食少少㗎啦。」

細心好媽李佳與仔仔

至於馬年的工作大計，黎諾懿將到馬來西亞開工：「大部分時間暫時都喺馬來西亞，希望香港都可以有多啲節目拍攝，可以同大家見面啦。」而李佳稍後亦會推出新歌，屆時希望讓大家看到不一樣的佳佳。

宣明會「我要世界走飢餓 – Go & Seek！」活動將於4月25及26日假荷里活廣場舉行，除了有黎諾懿及李佳擔任嘉賓，屆時亦有親子互動遊戲、藝術工作坊，更有多款糧家村聯乘Mr. Men Little Miss的期間限定紀念品。另外，4月指定期間惠顧大家樂特定套餐系列可獲贈糧家村聯乘Mr. Men Little Miss的期間限定透明打卡相框及限量版立牌等 (見附表)；而山崎麵飽和鴻福堂亦會於指定期間設捐款箱，讓市民一同以行動支持這項既有趣又有意義的活動！詳情請瀏覽本會網站：https://www.worldvision.org.hk/hungry