暖男爸爸黎諾懿+細心好媽李佳為慈善發聲 分享育兒理念兼澄清「讀書冇用論」

宣明會一直關注身處飢餓的兒童及群體，多年來與全球各地多個社區和伙伴合作，全力回應因氣候變化、衝突及貧窮等因素引致的飢餓問題。除了推行各類緊急糧食援助工作，亦致力協助受影響的家庭改善糧食供應及營養情況，為飢餓孩子帶來希望。今年3月至6月期間，宣明會「糧家村」故事系列更首度伙拍英國經典童書Mr. Men Little Miss及羚邦集團（2230.HK）舉行一連串籌款活動，以可愛、親民的漫畫分享更多飢餓及營養不良問題。

世界宣明會「我要世界走飢餓」籌款活動

世界宣明會「我要世界走飢餓」籌款活動

為讓更多人聽見世界飢餓的聲音，宣明會將於4月25及26日假荷里活廣場舉行「我要世界走飢餓- Go & Seek！」活動，更邀得暖男爸爸黎諾懿及細心好媽李佳帶同她的兒子親身到場，分享他們對飢餓的親身體驗和看法，藉此呼籲更多市民齊齊為踢走飢餓出力！

黎諾懿過往多次與宣明會合作，他大讚機構為很多貧瘠地區的人出力，亦希望將來有機會與仔仔一同與宣明會到不同地方探訪，親身了解世界飢餓問題。而首次與宣明會合作的李佳，機緣巧合下於去年與兩位仔仔成為了親子助養者。她去年在網上見到宣明會的助養計劃，立刻打電話去，然後就成為了助養者：「我一直都有留意飢餓問題，因為細個嗰陣，媽媽帶我去雲南一個比較貧瘠嘅地區參觀，當時有好多小朋友伸隻手出嚟跟住我哋架車跑，我就將自己手上嗰包朱古力畀咗佢哋食，呢個畫面好難忘。而家小朋友都好幸福，所以希望通過呢件事（成為助養者）畀佢哋知道，其實世界上仲有好多地方嘅小朋友係好艱難無地方住。而且我用仔仔名義去助養，過兩年當佢哋自己可以對零用錢有自主權，到時佢哋就會知道，有責任要幫助小朋友。」

暖男爸爸黎諾懿

對於食物，兩位家長同樣注重教育兒子們要好好珍惜，黎諾懿經常教導「小春雞」黎峰睿及「小冬牛」黎奕辰不可以浪費食物：「去餐廳食嘢，一定要食得到先好嗌。的而且確，香港嘅小朋友係好幸福，無論係物資定食物都好富裕，差唔多佢哋想要嘅嘢都有，正正因為咁，我哋更加要教識佢哋，有好多小朋友都唔係咁，所以我會帶佢哋睇多啲，希望教識佢哋知足。有機會，我都想畀佢哋感受飢餓，亦都想同佢哋去做探訪。」

圖片來源：黎諾懿IG

李佳指雖然未曾感受過飢餓，但記得疫情隔離期間，為兒子們準備兩餸飯：「佢哋食一餐都可以，但係食幾餐就好唔願意，嗰陣細仔唔肯食，情願自己餓住都唔食，我就同佢講好多小朋友冇嘢食，你幾幸福，佢最後都食咗幾啖，所以有機會嘅話，我都想帶佢哋去外地探訪，畀佢哋親身感受吓。」

雖然兩人都認為香港小朋友物質充裕，但要面對讀書的壓力。早前曾提出「讀書冇用」的黎諾懿，希望能以活動教學的形式，讓小朋友開心成長：「香港小朋友好多都（被）要求分數，又要去補習班、興趣班，填到好滿，我希望我嘅小朋友喺身心有個平衡。其實，關於『讀書冇用』呢件事係一個美麗嘅誤會，我係話『讀死書係冇用』，而家AI嘅年代，對比起傳統嘅學習，我哋需要去協調，我仲要澄清返唔係話乘數表冇用，我係話如果佢唔係做科學家，去背啲科學物理表，對小朋友冇咩用。最重要係跟住小朋友自己嘅才能發展，因為每個小朋友都唔一樣，唔可以用同一種方法去教。」

細心好媽李佳

李佳教育兒子們一向比較嚴謹：「我老公初初同我都有唔同意見，但係我兩個仔都喺香港本地小學讀書，中國教育同外地真係唔同，好似午飯咁，有好長嘅時間佢哋係唔食或者食得好少，佢哋成日問我可唔可以帶飯，但係我會問『點解人人都食，係你哋唔食得？』真係餓就會去試食少少㗎啦。」

細心好媽李佳與仔仔

至於馬年的工作大計，黎諾懿將到馬來西亞開工：「大部分時間暫時都喺馬來西亞，希望香港都可以有多啲節目拍攝，可以同大家見面啦。」而李佳稍後亦會推出新歌，屆時希望讓大家看到不一樣的佳佳。

宣明會「我要世界走飢餓 – Go & Seek！」活動將於4月25及26日假荷里活廣場舉行，除了有黎諾懿及李佳擔任嘉賓，屆時亦有親子互動遊戲、藝術工作坊，更有多款糧家村聯乘Mr. Men Little Miss的期間限定紀念品。另外，4月指定期間惠顧大家樂特定套餐系列可獲贈糧家村聯乘Mr. Men Little Miss的期間限定透明打卡相框及限量版立牌等 (見附表)；而山崎麵飽和鴻福堂亦會於指定期間設捐款箱，讓市民一同以行動支持這項既有趣又有意義的活動！詳情請瀏覽本會網站：https://www.worldvision.org.hk/hungry

有志者事竟成，首屆中年《中年好聲音》亞軍李佳獲獎後默默耕耘四年，終於圓夢推出首張個人專輯《李佳MIRANDA LEE》。昨天（8月9日）她在會展的「2026香港高級視聽展」中舉行簽唱音樂會，圈中好友紛紛到場支持，除了「Rita老師」韋綺姍及唱片監製張家誠，還有大班「中聲」戰友，包括「中一」的周⁠吉佩、羅啟豪、⁠吳大強、⁠林彥言、丁文俊和李泇霖；「中二」的⁠顏米羔和⁠沈宗賢，以及「中三」的劉洋和陸東成等。

李佳推出首張個人專輯《李佳MIRANDA LEE》，並在會展的「2026香港高級視聽展」中舉行簽唱音樂會。

大班「中聲」戰友到場支持。

大班「中聲」戰友到場支持。

一開場，司儀道盡粉絲的心聲：「這位實力女唱將一早就應該擁有自己嘅唱片，不過佢希望用時間提煉自己嘅思維，以經歷灌溉自己嘅音樂。終於今日，佢喺大家嘅見證下，推出自己第一張唱片！」這時李佳及監製Alan張家誠登場，分享新碟製作點滴。儘管一般發燒碟常以慢歌主導，但佳佳這張碟打破傳統，以充滿強烈律動感的爵士舞曲《Shake It!》作第一主打。Alan表示是希望突顯她澎湃激昂的唱功。

Alan張家誠、李佳

佳佳即場演繹了《Shake It!》炒熱全場氣氛後，台上感覺為之一轉，因為討論焦點落在碟內另一首風格截然不同的慢歌，就是林子祥原唱的《追憶》。佳佳表示：「我嚟香港後才認識呢首歌，內容正正係我同爸爸嘅故事……」佳佳父親是京劇演員，她21歲時，爸爸在舞台表演時心肌梗塞猝死，難以言喻的哀傷一直藏在她心底。Alan特意把這首感人之作重新編曲給佳佳演繹，抒發她對慈父的感恩和思念。

李佳

李佳

舞台上的射燈落在佳佳身上，溫暖的弦樂編曲下，佳佳以真摯感情獻唱了這個2026版《追憶》，眼角數度湧出淚水，最後她終於忍淚唱完了這首歌。司儀問她有什麼對天上的爸爸說，佳佳吐出心聲：「爸爸，希望您為我感到自豪！」全場感動，觀眾的歡呼聲中更混和著一份敬意與溫暖。

李佳

李佳

李佳

來到碟內第三首歌《拉丁綠洲》，Alan表示創作上以拉丁節奏為主軸，又是佳佳情有獨鍾的音樂風格。他還在台上公開了一個秘密：原來佳佳這首歌是為老公Sunny而唱的！佳佳表示：「我喺音樂路上一直有他默默支持，無怨無尤，我實在有說不出嘅感謝！」原來Sunny與佳佳最愛一起跳拉丁舞，佳佳亦覺得自己失意時有老公愛護及關懷，有如沙漠中的綠洲，因此新歌叫《拉丁綠洲》。然後佳佳首度現場演繹這首新作，一邊唱一邊到台下與觀眾握手，全場打成一片。

李佳與丈夫

李佳與兩個兒子

唱完碟內三首歌，並與現場觀眾玩過趣味問答遊戲後，佳佳送上音樂會的壓軸甜點，就是唱出三首不同語言的歌曲。這包括她為新劇《翻身蜜語》演唱的廣東話主題曲《記住我是誰》、Johnny Mathis的英文歌《Misty》，以及那英的國語歌《白天不懂夜的黑》。佳佳還表示：「未來我除了唱新歌，更希望以新編曲演繹更多大家耳熟能詳嘅廣東歌，我已有很多心水曲目了！」

李佳

在大眾一片歡呼聲下，司儀代佳佳道出了新碟的意義：「讓我們把最好嘅人同事留在昨天，好好『追憶』。一起活在當下，面對挑戰時要像『Shake It!』一樣從容面對，創造未來嘅『拉丁綠洲』！」演出過後，佳佳為買了碟的觀眾逐一簽名和拍照。場館外排長龍，觀眾的熱情教人感動難忘，為這次新碟音樂會寫上了圓滿句號。佳佳的新碟在這天首賣後，很快就會在各大唱片店上架。

李佳