三跑十公里賽｜一現身即成全場焦點！周潤發跑步見飛機升降感覺「好得意」

發哥對現場市民的自拍要求都來者不拒，好親民！

機場三跑道系統十公里國際賽今日（11月17日）早上舉行，一向熱愛跑步的發哥周潤發當然有參加，他對今日自己表現滿意，而發哥一現身即成為全場焦點，他亦非常親民，對現場市民的自拍要求都來者不拒！

發哥完成三跑十公里賽。（本網記者攝）

發哥一現身即成為全場焦點。（本網記者攝）

市民爭相與發哥自拍。（本網記者攝）

發哥亦來者不拒。（本網記者攝）

問到在三跑上跑步的感覺，發哥表示今次跑得好舒服，有點風，又沒有太人參賽，並指第一次在機場跑道上跑步好特別，跑步期間又見到飛機升降，感覺「好得意」，雖然開跑前曾擔心下雨跑不了，但幸好到達現場後便停雨，而且在跑步期間更「好好風」。

發哥指今次跑得好舒服。（本網記者攝）

發哥又透露和他一齊跑的教練在20幾年前曾跑過機場跑道，而他當年因工作忙碌所以沒有參與，「佢第一次嗰陣係廿幾年前，佢嗰陣時10幾歲係度跑，咁依家第二次跑，第三次嚟跑嗰陣時佢都唔知幾多歲，如果我第三次跑可能90幾歲。」

發哥笑言下一次再跑機場跑道可能90幾歲。（本網記者攝）

問到有沒有為賽事有些特別準備？發哥表示沒有，因為平日他就已經有跑步做運動，「跑半個鐘頭，3、4K，依家跑個double。」發哥又透露已報名明年2月9日的渣打馬拉松的半馬賽事。

發哥與在場記者自拍

現年84歲的資深藝人盧海鵬（鵬哥）自2018年接受「通波仔」手術後，逐漸減少幕前工作，近年亦甚少公開露面。不過近日鵬哥開設小紅書帳號，開始同大家分享近況，更跟侄仔盧俊宇回到內地與親友聚首，狀態相當唔錯。

鵬哥回鄉探親

鵬哥早前更親自拍片向大家報平安，只見他精神奕奕、笑容滿面，而且中氣十足，霸氣宣布：「我而家咩病都冇！」至於身體仍有甚麼小毛病？鵬哥就笑言主要是「眼睛不好所以走路走慢點」，整體健康狀況相當理想。

更加令人驚喜的是，過往曾困擾鵬哥的「三高」問題，如今據他分享已經全部消失，84歲仍然保持如此精神，難怪網民睇完都大感放心。

講到點解身體狀況可以有咁大轉變，鵬哥就將功勞歸功於好友周潤發（發哥）。

原來發哥一直都相當關心鵬哥的健康，更親自帶他加入晨運跑步行列。鵬哥透露，自己79歲開始跟發哥跑步，慢慢養成每日運動的習慣。雖然每天只會慢跑約半小時，但他認為對身體的血液循環及整體機能都有明顯幫助。

鵬哥透露，自己79歲開始跟發哥跑步

而最有趣的是，發哥唔止帶鵬哥跑步，仲親自傳授「獨門」呼吸法！

鵬哥大方公開發哥的心得，指慢跑時應該盡量用鼻呼吸，而唔係用嘴巴呼吸，因為用口呼吸容易出現口乾。至於鼻呼吸，就要配合深呼吸，吸氣後讓氣息深入丹田，再由丹田呼出。鵬哥認為持之以恆，有助身體循環以及血壓、血糖控制。

發哥心得，用鼻深呼吸，吸氣後讓氣息深入丹田，再由丹田呼出

由於鵬哥近年甚少公開露面，今次突然以如此精神的狀態現身，自然令大家相當驚喜。尤其是侄仔盧俊宇一直陪伴在旁，對叔叔近年的巨大轉變亦深有感受。

身為廣東地區知名主持人的盧俊宇透露，自己今次特別來港探望鵬哥，最令他感到震驚的，就是叔叔生活習慣出現「180度轉變」。

盧俊宇憶述，以前自己來探望鵬哥時，對方習慣夜瞓，甚至經常睡到中午過後才起床，因此每次探訪都會擔心會唔會打擾叔叔休息。點知如今的鵬哥已經完全唔同——為了健康，他每天早上都會自己起床出門晨跑。

如今的鵬哥每天早上都會自己起床出門晨跑

由昔日夜瞓夜起，到如今每日朝早準時起身跑步，呢個轉變連侄仔都覺得相當不可思議。

對於已經84歲的鵬哥來說，能夠保持如此自律的生活習慣，加上精神狀態大有改善，確實令人刮目相看。難怪網民見到他親口報平安，紛紛留言表示：「鵬哥精神！」、「見到你咁健康就放心喇！」