梁諾妍見證洪永城馬拉松衝線喜極而泣 楊潮凱負傷上陣咬實牙關完成賽事

三位都好厲害！

36歲的梁諾妍（Inez）一向熱愛跑步，參與過不同的馬拉松賽事，連懷孕期間都會keep住跑步鍛煉身體，更感染老公洪永城（Tony）一齊跑。兩公婆近日就與「第三者」楊潮凱一同到日本神戶參加馬拉松，先完成賽事的梁諾妍見證老公衝過終點後更感動得喜極而泣！

梁諾妍熱愛跑步。

感染老公洪永城一齊跑。

陀B都Keep時就慢跑鍛煉身體。

連囡囡都跑埋一份。

早前兩公婆與楊潮凱一同為神戶馬拉松練跑。

楊潮凱變成兩公婆之間的「第三者」。

三人日前一同出戰神戶馬拉松。

梁諾妍在IG分享完成神戶馬拉松的感想，「2024年11月17日 神戶馬拉松。完走時間唔重要！（04:06:53），首先講下自己跑成點呢，未開跑前已經出陽，都估到會曬住跑，一開始都保守做5:35-5:40/K驚爆，但係神户馬不容易呢，咁多斜路嘅，點知保守地跑到35K都係爆咗，開始抽左邊小腿，然後到右邊，然後左邊大腿，再右邊大腿，然後就知道，原本嘅目標做唔到了，就輕輕鬆鬆享受住咁完走，完走已經好開心！」

梁諾妍又指令她更開心的是老公洪永城都順利完成賽事，「等佢過程已經好期待，過線嗰刻真係好滾動，見我咁情深咁望住Sir就知我開心過佢，今次隻馬雖然唔係靚時間，但係意義最大，多謝 @guruhung 陪我一齊癲下隻馬跑咩好呀Sir？」從梁諾妍分享的影片可見，她見到老公衝過終點後即飛撲上前抱住對方，更感動得喜極而泣，兩公婆又嘴咀慶祝，非常有愛！

影片截圖

影片截圖

影片截圖

影片截圖

影片截圖

影片截圖

影片截圖

而楊潮凱都有在IG分享感想，「在缺乏練習的情況下，出發前感冒，練習中觸發右腳舊患，連行都有問題，再加上連續數天來回內地拍劇的舟車勞頓，昨天來到神戶時已感到很疲倦，完全不是一個比賽的狀態，當然攰還攰，我仍記得自己當天對自己的承諾，一定要完成！」過程雖然辛苦，但他都咬實牙關完成賽事，「衝過終點嗰一刻，我好感動，感動到想喊，感動嘅係原來有啲嘢只要你唔放棄，就一定會做得到，我為我自己沒有放棄而驕傲，我可以好大聲咁同CatherineBB及雞蛋仔講：『你爸爸係一個完成到馬拉松嘅人！』希望佢哋都會proud of me。」

關注一下過去24小時娛圈事Top 5熱話。

中山美穗事務所發聲明公布驗屍結果：入浴時發生的意外事故

日本女星中山美穗憑經典電影《情書》紅遍亞洲，12月6日被發現陳屍在家中浴缸內，享年54歲。8日其事務所發聲明公布驗屍結果，指美穗的死因是在入浴時發生的意外事故，並不涉及其他事件，即表示她並非自殺，亦沒有他殺的可能性。同仁和親友都非常痛心。因為家屬仍在處理後事，告別式和葬禮等細節尚未確定。

▼詳情點擊圖片查看或按連結

仙氣落選港姐嫌人工低離巢創業兼重返校園 楊帆宣布完成MBA課程晒畢業靚相

2018年落選港姐楊帆（Krystal）入行不久便決定退出娛樂圈並轉投金融界，近年更重返校園修讀工商管理碩士（MBA），並於近日順利畢業，她在社交平分享靚靚畢業照。

▼詳情點擊圖片查看或按連結

石修新抱林佑蔚著比堅尼野餐 性感下裝設計極少布陷走光邊緣

石修的兒子陳宇琛（Sam）與有線前主播林佑蔚（Camille）於2017年結婚，2022年迎來「小公主」陳翎（Luna），一家三口生活幸運美滿。林佑蔚近年積極發展KOL事業，並發現自己的流量密碼，不時在社交平台分享大膽的性感照，近日又公開了身穿比堅尼野餐的片段，睇到網民嘩嘩聲！

▼詳情點擊圖片查看或按連結

洪永城41歲生日獨自在吉林慶生 太太梁諾妍Po相公開表白：我們都好愛你

藝人洪永城（Tony）近期前往內地吉林工作，而12月6日是他的41歲生日，沒有太太梁諾妍在旁陪伴的他在社交平台發文表達感受：「多謝晒大家嘅祝福，又大一歲40+1，感恩工作中渡過，屋企嘅姐姐都好開心，除咗無我煩住佢之外，佢仲話喺出邊搵唔夠錢唔好返嚟。老實講，嚟緊幾年大家嘅變化都可能會好大，我自己就抱着有機會就去追嘅心態，機遇唔會經常出現，盡量去諗、去捉住佢，生活就可能有少少唔同喇，因為我（同你）都相信best is yet to come！」

▼詳情點擊圖片查看或按連結

林明禎甩底電影首映禮道歉 導演彭發：贊助商都唔想佢出現

林明禎昨日（12月6日）以「丟失護照」為由，臨時缺席她擔正的電影《手機見鬼 》首映禮。導演彭發受訪時指林明禎在活動前兩三小時，才通知團隊無法出席。彭發明顯表示失望：「佢喺邊我唔知，佢梗係冇同我交代啦。」他又不滿說︰「聽講佢個護照失咗蹤，我都覺得得意，奇怪過我拍鬼片，可能係本護照見鬼。」

▼詳情點擊圖片查看或按連結