梁諾妍大女Amber成楊茜堯細仔女朋友仔 洪永城即變「呷醋外父」阻Eden埋身

藝人羅子溢與太太楊茜堯婚後育有一對子女，兩公婆一向注重家庭，只要不用開工就會陪仔女四圍去，大女小珍珠（羅翊心）將於4月16日迎來6歲生日，爸爸媽媽近日就為小珍珠舉行生日派對提早慶生，更邀請了洪永城和梁諾妍帶同兩個囡囡，但卻令洪永城變身「呷醋外父」？！

羅子溢與太太楊茜堯日為大小珍珠舉行生日派對。

梁諾妍在IG Story分享小珍珠生日會的照片及影片，可見小珍珠穿上公主衫，頭戴小皇冠，五官越大越精緻，完美遺傳父母的優良基因，相當靚女！小壽星與一大班小朋友玩得她開心，但當中見到小珍珠弟弟Eden與洪永城大女Amber玩得特別親密，宛如糖黐豆，楊茜堯更大爆：「細佬話Amber係佢第一個女朋友仔！」

影片截圖

影片截圖

影片截圖

在影大合照時，可見Eden本來想用左手搭Amber的膊頭，但站在後排的洪永城即伸手捉住Eden的小手，又露出兇狠的表情，還搞笑留言：「細佬B要過咗我嗰關先！」「呷醋外父」的舉動非常搞笑！

洪永城好搞笑！

復活節長假唔少藝人都帶小朋友出外「放電」，楊茜堯同洪永城就不約而同揀咗去內地海洋王國主題樂園。不過同一個地方，兩位家長卻展現出完全唔同嘅「戰鬥力」，形成強烈對比！

由於老公羅子溢忙於拍劇未能同行，楊茜堯今次要「一拖二」帶住兩個小朋友出遊。不過佢完全冇壓力，一手拖住女兒「小珍珠」，仲背住大背包，全日行程依然精神奕奕，體力驚人。

老公羅子溢忙於拍劇未能同行

楊茜堯今次「一拖二」

睇表演時，佢更被邀請上台互動，仲不忘同觀眾席女兒揮手，勁有活力，完全係「超能媽媽」代表。

睇表演時，佢更被邀請上台互動

另一邊廂，帶住兩個女兒同行嘅洪永城就明顯「頂唔順」。佢喺社交平台搞笑發文：「在這裏，我找到所有爸爸的一個共通點。」仲晒出自己攰到攤喺BB車旁邊嘅照片，自嘲已經開始「懷疑人生」。

晒出自己攰到攤喺BB車旁邊

洪永城都「一拖二」，不過就攰到不似人形

佢仲化身「觀察員」，影低其他爸爸喺樂園角落瞓覺嘅畫面，一個個攰到好似打完仗咁，畫面極度真實，引來大量網民爆笑留言：「100%代入到」、「爸爸日常寫照」。

洪永城影低其他爸爸喺樂園角落瞓覺嘅畫面