TVB台慶 | 準爸爸蕭正楠眼濕濕分享忐忑心情 生仔定女「謎底得翠如先知」

43歲的黃翠如日前宣布懷孕，與先生蕭正楠婚後6年終於迎來好消息，翠如亦透露曾經歷流產之痛，夫妻二人相互扶持依靠，終於走出流產陰霾，迎來新生命。

19日是一年一度的城中盛事《萬千星輝賀台慶》，蕭正楠亦在宣布榮升準父母喜訊之後首度現身，慶祝無綫踏入57周年台慶之餘，亦籍次機會與大家分享喜訊。

蕭正楠。巴士的報記者攝

面對記者們的恭喜與祝福，蕭正楠難掩喜悅之情，再次迫不及待與大家分享喜悅。蕭正楠指，由於曾經經歷失去的痛苦，所以同太太一路都非常小心謹慎，形容自己全程「好開心又好擔心」，忐忑不安直到確定BB安全，才與大家分享喜訊。

黃翠如日前公布懷孕的喜訊！

黃翠如晒出驗孕棒。

黃翠如同時又透露之前曾流產。

蕭正楠表示不願再重提回望傷心的日子，上一個生命的驟逝對他們來說是無法用言語形容的傷痛，「用了很長的時間才終於走出來」。如今，終於度過安全期，每日亦都好真實的感受到BB大力踢太太，二人都期待著與bb見面的日子。

蕭正楠。巴士的報記者攝

蕭正楠。巴士的報記者攝

蕭正楠。巴士的報記者攝

對於為何選擇此時公開喜訊，蕭正楠搞笑指有詢問bb的意見，「當日準備好所有資料，有問bb是否ready，要介紹佢俾大家認識」，蕭正楠指有同bb講，「若你已經ready了就踢一腳」，最終bb用最大力踢咗蕭正楠一腳，「踢到我手都彈咗一下」。

蕭正楠。巴士的報記者攝

蕭正楠。巴士的報記者攝

蕭正楠。巴士的報記者攝

新生命將降生，大家都關心是B仔還是B女，蕭正楠繼續發揮搞笑本質，笑言「暫時謎底得太太翠如知」，雖然自己也已開始慢慢估到，但他希望將謎底留給他與翠如，「 翠如想留到最後一刻，暫時雙方家長都未知BB性別」。

家有大肚婆，又是「高齡產婦」，蕭正楠形容翠如的孕期非常幸運，「過去幾個月翠如心情非常好，可能是bb給了她力量，她自己心中亦有好大的喜悅，完全不是好難應付的大肚婆」，蕭正楠又指有了bb後太太對自己的態度反而變好，地位反而變高，「因為需要我的日子更加多了」

不少人佗B都有嚴重孕吐反應，而翠如算是幸運，蕭正楠指翠如迄今僅僅試過一次食太飽而嘔，之後未再試過不適，「佢目前都係少食多餐，會多了想食不同的菜式，而我亦都會盡量滿足佢」，喜悅之情，溢於言表。

蕭正楠（阿蕭）與黃翠如一向是圈中的恩愛夫妻，自從去年3月誕下兒子「蕭哈哈」後，常常在社交平台分享三口子家庭生活照，令人艷羨非常。不過自從兒子到來，兩夫妻的生活都起了翻天覆地的變化，除戒掉不少壞習慣外，也比之前更注重健康。日前阿蕭及翠如為健康食品品牌善存拍攝全新廣告，就分享了不少為人父母後的改變。

夫妻檔拍廣告，借機拍拖。

阿蕭與翠如分別為「善存專業特選營養組合男士40+」及「善存專業特選營養組合女士40+」拍攝了兩段廣告片，過程中乘機放閃，真情流露甜蜜互動，今次夫妻檔合體搵奶粉錢，翠如透露過程很有趣：「客戶好放手俾我哋用返自己嘅默契去演繹，所以大家睇條片其實好多都係一shot落，過程好好玩，因為我哋而家身份轉換咗，好多時候習慣咗做爸爸媽媽，今次可以喺片裡面得返我哋兩個，算係一次小拍拖。」阿蕭亦不禁回想起兩人當初在劇集《師奶MADAM》初邂逅的情景：「就算我哋電視劇冇再合作，喺廣告再合作都係非常之開心！」

兩公婆不禁難得合體拍廣告，令蕭正楠回想起兩人當初在劇集《師奶MADAM》初邂逅的情景。

二人表現專業，跟導演何嘉華商討拍攝。

蕭哈哈遺傳唱歌天分

蕭哈哈雖然上月才剛滿一歲，但已十分有camera face，被問會否考慮跟兒子一齊拍廣告，翠如坦言：「暫時未諗住俾小朋友接觸呢個行業，因為其實BB參與拍攝係好辛苦，畢竟拍攝環境沙塵滾滾，亦有好多唔同聲音，對BB嚟講唔多習慣。」阿蕭就大爆兒子有唱歌天分：「我發現佢遺傳咗我，就係佢好鍾意唱歌，可能當時佢喺媽媽肚入面經常聽我唱歌，所以潛移默化。」

翠如透露暫未有計劃跟兒子合體拍廣告。

注重養生食supplement

自從成為父母後，二人都比以前注重養生，更戒掉夜瞓的壞習慣，翠如說：「每朝一早起身就會同BB開始搏鬥到佢夜晚瞓覺，所以好多時飯都未食完，忍唔住已經喺廳嗰度瞓著咗，所以而家變得好養生，好多時候都可以早睡早起。」阿蕭自言為了能陪伴BB成長也要努力養生：「運動方面加操咗，因為每日要抱住佢同佢玩，其實體能上都幾大消耗。同埋以前好鍾意飲冰水，而家我係每朝起身會先飲暖水，令到腸胃舒服啲。」

自從成為父母後，二人比以前注重養生，更戒掉夜瞓的壞習慣。

除此之外，阿蕭表示：「今次客戶介紹嘅產品，可以每日只係用一小包，就已經精準滿足到唔同年齡階段所需要嘅營養，其實真係幫到手，特別係我哋經常外出嘅人，真係好方便攜帶。」

蕭正楠黃翠如為親子關注養生。

不捨外出過夜工作

阿蕭與翠如每次要去開工都很掛念兒子，阿蕭透露兒子已開始懂性，知道父母出門會很失落：「而家仔仔知道我哋有時走咗去開工，佢會唔開心。有幾次同翠如一齊出咗去做嘢，走嗰時冇嘢，走咗之後，我哋聽到佢突然爆喊，跟住就指住個門口，意思係『點解走咗呀』，我哋真係好好好好唔捨得呀！同埋有時真係可能我哋出咗去做嘢，佢望見我嘅視頻，突然間係會笑得好high囉，同埋揸住我啲相喺度『爸爸、爸爸』，sweet到爆炸，搞到而家除咗真係必要嘅工作，盡可能都唔希望喺出面做過夜。」

兩公婆因為兒子不捨得外出過夜工作。