黑色月光｜郭鋒由頭帶到落尾贏盡好評 演病重老人獲網民讚不絕口：連歪嘴都入戲

郭鋒活到老學到老專業精神令人佩服！

被視為《黑色月光》靈魂角色的卓昊天（郭鋒飾）昨晚（11月21日）一集離世。余滿月（楊茜堯飾）及SK（張頴康飾）以調虎離山計成功從卓慧雲（Vivian）手上搶回卓昊天。看清Vivian真面目的卓昊天，原本打算與侄仔SK簽訂合約，於過世後將王卓賣給SK，可惜在動筆之前突然離世…另邊廂，Vivian找人擄走曦晨（黃翠如飾），逼令滿月交出卓昊天，幾經波折原以為得逞的Vivian，到最後得手的只是卓昊天屍體，令Vivian再度崩潰暴走，更瘋狂至掌摑卓昊天屍體，郭鋒早前受訪時笑言該幕戲遭薇薇「摑甩牙」。

焦點圖片

焦點圖片

郭鋒今次飾演卓昊天贏盡熱話，幾乎每集出場都有正評，尤其後期與薇薇的多場對壘戲，網民盛讚郭鋒演活了病重老人：「爺爺演技才叫一流，連歪嘴都入戲」、「演出了垂死掙扎的感覺」、「真的很像生病的老人」。其實郭鋒的細節位及微表情確實是教科書級別，無論躺在病床上嘴震震叫救命、不時虛弱地手震震、臨死前立遺囑的尊嚴與得戚並重樣均相當搶焦；而且雖然病重動作不能很大，但郭鋒單憑眼神已能清晰展示嬲怒、否認、賴皮、得戚等多種情緒，實力不凡。

郭鋒嗌救命時，唔單止臉部肌肉係咁抽搐，仲要眼泛淚光，相當像真。

郭鋒嗌救命時，唔單止臉部肌肉係咁抽搐，仲要眼泛淚光，相當像真。

呢個「冇你咁好氣」樣好搶，網民讚郭鋒歪嘴都有戲。

呢個樣真係好遺憾咁。

呢個樣真係好遺憾咁。

呢個眼神正。

郭鋒接受tvb.com專訪，便大讚角色好玩，並揚言對演戲仍有濃厚興趣：「首先人哋肯搵我，雖然依家我就半退休，但有咁嘅機會，就一拍即合。」郭鋒言論間更流露了「活到老、學到老」的專業精神：「我由訓練班出嚟咁耐，71年到依家仲係不斷學習緊，因為日新月異，潮流天天也不同。」

面對救命恩人滿月，卓昊天笑得開懷又真心。

面對救命恩人滿月，卓昊天笑得開懷又真心。

面對救命恩人滿月，卓昊天笑得開懷又真心。

談到被指「霍景良再現」，郭鋒覺得卓昊天與霍景良是完全不同的角色，並感激觀眾厚愛謂：「其實唔似嘅，只不過觀眾覺得霍景良嘅形象仲喺度，所以睇時仲係覺得好似。霍景良個角色比較直接，你話佢奸唔係奸，在商場上做生意手段上會有利益衝突。今次呢個角色係幾得意，佢有反覆，冇畀觀眾睇清點解佢會咁，有追看性。」

原本卓昊天仲對自己新立嘅遺囑沾沾自喜。

原本卓昊天仲對自己新立嘅遺囑沾沾自喜。

點知轉個頭畀真孫女激親。

點知轉個頭畀真孫女激親。

呢個冷笑樣又係正。

郭鋒是次演出，另一最大討論點是角色很多場景要配音，對此郭鋒坦言有8成場口要配音，直言覺得遺憾：「如果我真係開到聲，我可以將個聲音調教，因為每個角色除咗說話技巧、節奏唔同，我可以將把聲改得都會改。」郭鋒透露當時有足足7至8日開不到聲，並感恩沒有發燒及不精神等其他問題，但仍為失聲影響到其他演員感到不好意思：「初時剛開聲真係好辛苦，連對白都唔係好講到，自己都好忟，因為好想講到個對白畀對手聽，對手先做到戲有反應。」

薇薇呢場戲又係贏盡好評，獲讚「演技炸裂」，網民話睇到想打佢。

薇薇呢場戲又係贏盡好評，獲讚「演技炸裂」，網民話睇到想打佢。

薇薇呢場戲又係贏盡好評，獲讚「演技炸裂」，網民話睇到想打佢。

薇薇呢場戲又係贏盡好評，獲讚「演技炸裂」，網民話睇到想打佢。

另外，昨晚全劇最大奸角Vivian終向滿月承認是自己在其咖啡中落藥，並將滿月送到蔣基俊（馬志威飾）手上，二人正式宣戰交鋒，網民直呼期待！昨晚楊茜堯亦展現了多層次演技，除衝上薇薇辦公室時，谷住道氣、含著淚水、咬牙切齒地向著薇薇咆哮甚有感染力外；當得悉親妹曦晨因自己報仇而慘被綁架時，楊茜堯亦多層次展現了激動、徬徨又自責的複雜心情。

好激動、好徬徨又要扮鎮定。

好激動、好徬徨又要扮鎮定。

呢兩個樣都完美演繹咗谷住道氣同嬲到喊嘅狀態。

呢兩個樣都完美演繹咗谷住道氣同嬲到喊嘅狀態。

呢兩個樣都完美演繹咗谷住道氣同嬲到喊嘅狀態。

余滿月同卓慧雲正式宣戰，網民大嗌期待。

余滿月同卓慧雲正式宣戰，網民大嗌期待。

余滿月同卓慧雲正式宣戰，網民大嗌期待。

余滿月同卓慧雲正式宣戰，網民大嗌期待。

余滿月同卓慧雲正式宣戰，網民大嗌期待。

余滿月同卓慧雲正式宣戰，網民大嗌期待。

余滿月同卓慧雲正式宣戰，網民大嗌期待。

蔡誌恩親揭被佳導睇中真相。

優酷視頻和TVB聯合製作的台慶劇《K Cash業主私人貸款呈獻：黑色月光》，由《新聞女王》總監製鍾澍佳（佳導）與謝穎再度聯手炮製，並由關文深及權香蘭聯合監製，逢周一至周五晚翡翠台九點半播出。

王浩信連個背影都夠晒無力。

楊茜堯呢吓擺手獲網民激讚有感染力。

下周一及二播出大結局的《黑色月光》，昨晚（27日）劇情進入高潮，除了蔣基俊（馬志威飾）回歸對劇情造成極大張力，男、女主角王浩信及楊茜堯的演技，亦因為一場喊戲，齊齊獲得高度評價！劇情講述余滿月（楊茜堯飾）眼見卓慧雲（林夏薇飾）連扶自己上位的Kenny（蔡誌恩飾）也狠心炒掉，為了幫助成風（王浩信飾）盡快搏取卓慧雲信任，竟做手腳令成風好友SK（張頴康飾）輸掉半份身家。成風得悉真相後，怒氣沖沖衝上滿月家對質，滿月先是強辭奪理解釋自己所做的一切皆有苦衷，又邊道歉邊吻向成風及指自己也可以為男方付出所有；不過就在二人情到濃時，滿月卻因憶起昔日被強暴片段被逼終止與成風親熱，哭成淚人的滿月痛苦地一再自責的同時，又極度哀痛地要求成風不要再幫助她；眼見滿月全程哭得極無助，成風亦不知所措，二人最終緊抱落淚，令不少網民哭紅雙眼。

兩人獲讚合力交出了一場好戲。

網民讚楊茜堯哭得崩潰仍能咬字清晰

對於楊茜堯的喊功，網民一面倒洗版式力讚是「封神示範」，並認為楊茜堯是今年視后不二之選：「楊怡哭戲又一封神片段，太絕了」、「楊怡的表現非常細膩」、「貢獻了許多教科書式的演技」、「現在看她哭，即使這部劇我還沒追完也莫名鼻酸、不知所措嘅感覺」、「楊怡一哭，全世界都對不住她」、「哭都哭得咁靚，好入戲」、「這段哭戲不用看劇情都很共情，想跟著她哭，這段太厲害了」、「不僅演技好，而且就算她哭得那麼崩潰，不看字幕，台詞都聽得很清晰」、「我要是王浩信，我命都給她」、「這演技這屆視后得她拿了吧，真的很有感染力，看得我也不知名的跟著流淚」、「這段演得確實好！慚愧自責無助痛苦，成風心疼死了」。

嘩！蔡誌恩咁嘅樣話會幫你，真係齋睇相都寒。

網民錯重點問楊茜堯衛衣邊度有得買

除了茜堯，王浩信這段戲的演技亦獲得了一再認證，獲讚表現到位兼神助攻：「王浩信，接住了演得很好」、「王浩信真係演出心疼和不知所措」、「王浩信也很有感染力」、「其實一個演員演技好是需要對手交到戲的，如果對手不好，另一個再好也沒用」、「這段真是教科書般的演技，兩個人都好有感染力」。更搞笑的是，有網民錯重點指楊茜堯身上衛衣很好看，並問哪裏可以買到。

另向來大膽起用新人的鍾澍佳（佳導），在《黑色月光》中起用了蔡誌恩Vincent擔任要角，飾演先後周旋於郭鋒、張頴康及林夏薇之間的「三重無間道」Kenny（霍建堃）。昨晚劇情講到一直野心勃勃的Kenny，由於密謀叛變卓慧雲做得太出面及高調，結果終惹怒卓慧雲落得「被辭職」下場！其實連日劇情，蔡誌恩多番皮笑肉不笑地向卓慧雲挑機，令網民看得相當暢快，並在網絡洗版式留言大讚蔡誌恩字正腔圓、表現出色、有新鮮感及官仔骨骨之餘，還笑指他「奸在骨子裏」。原來一直演開專業人士的蔡誌恩，這次獲機會釋放奸氣，全因佳導獨具慧眼，蔡誌恩接受tvb.com訪問時透露：「事緣拍《新聞女王》嗰陣，佳導睇完Playback見到我有啲角度同神情有啲陰險，所以嗰時佳導已經同我講，想搵我試演啲反派角色、等我有啲反差。可能我平時畀人感覺都係比較官仔骨骨、斯文同專業啲，佳導就覺得咁樣形象嘅人去做陰險嘅角色，可能帶到啲驚喜畀觀眾，所以嗰時已經應承話會有個咁角色畀我，真係好感激佳導願意畀機會我嘗試。」

蔡誌恩奸得嚟又囂張。

他又感激郭鋒及薇薇兩位前輩指點。「佢哋幫咗我好多，我好記得有一幕，嗰時我都仲做緊卓生（郭鋒）嘅手下，有一吓我要陰險得嚟又鬼鬼崇崇咁，嗰幕一開始拍時我個感覺做得唔係好夠，但鋒哥好好，嗰時其實佢拍完架喇，但佢冇即刻走，佢有留喺現場睇吓我做成點，佢見我爭少少時，都有即刻教我點樣調整，佢同導演仲畀咗少少時間我消化，之後兩Take就順利完成喇。薇薇都係好好，佢自己本身都好多嘢要記，但佢同我對戲時，都會好耐心咁畀意見我，例如提我某啲位可以眼神放番柔少少，之後再銳利番，有個對比會好啲咁，佢真係好Nice好Friendly。」蔡誌恩續指與郭鋒其實已相識超過15年，大家私下是波友：「佢非常之搞笑架，我哋係打羽毛球識嘅，打到依家，大家私下相處亦師亦友咁。所以前階段我做佢手下好自然架，我會想去照顧佢同跟出跟入咁。」並笑言由於二人沒有架子，故與二人合作零壓力。

而佢同薇薇嘅對戲亦相當精彩！