阿姐汪明荃演唱會請Anson Lo做嘉賓 合唱鄭少秋歌曲

阿姐演唱會好多藝人捧場。

一連兩場「信興集團呈獻：阿姐•汪明荃演唱會 2024」尾場已於昨晚（24 日）於紅磡香港體育館圓滿完成，胡楓、薛家燕、狄波拉、姜大衞、李琳琳、張德蘭、張繼聰、謝安琪、劉雅麗、林奕匡、陳恩碩、黃妍和歐信希等均是座上客，表演嘉賓則分別為楊千嬅、容祖兒和 Anson Lo 盧瀚霆。

好友薛家燕捧場

點少得好友胡楓、仲有張繼聰、謝安琪夫婦

姜大衞、李琳琳都有到場支持

汪阿姐繼續以黃金、紅寶石、珍珠、翡翠和鑽石共 5 種珠寶顏色造型在台上和觀眾見面，在唱畢《傾城之戀》後，汪阿姐說：「當初我邀請呢位歌手做我今次演唱會嘉賓嗰陣，佢話俾我知要度期，原來佢本來有演唱會係同我今次演唱會嘅日期非常接近，但係佢專登調動檔期去配合我，所以我真係好多謝佢，好！我哋多謝楊千嬅！」

呢個係黃金造型

好華麗

汪阿姐以鑽石造型出場

綠寶石造型夠優雅

一首接一首無停

紅寶石夠搶眼

此時，千嬅從升降台升到台上，走到汪阿姐身旁後先和全場觀眾打招呼，汪阿姐說：「我記得有一次妳開演唱會，我做妳嘉賓，我就特登學咗一首妳嘅歌唱俾妳聽，不如我哋唱呢首歌回憶吓？首歌係幾耐之前？」千嬅說：「我要分享吓呢首歌，呢個係我第一次同阿姐建立嘅緣份，應該係20 年前喺 《開年大典演唱會》，嗰陣好膽粗粗，因為覺得阿姐好代表女性精神，我張演唱會海報都係楊門女將造型，係好似着住盔甲當兵嘅衫咁樣。我記得當日我好緊張咁想請阿姐嚟，但去到 show 嘅時候，我把聲好唔舒服沙咗，但係阿姐嚟到真係好冷靜，佢話千嬅唔緊要啦，今晚我坐埋一邊，佢唱俾我聽。」汪阿姐說：「但係當時你唔知我唱咩歌？」千嬅說：「唔知，因為當時阿姐係瞞住我，同編呢首歌嘅鋼琴老師秘密練咗兩星期，叫咗我嘅造型師做咗一套衫，去 match我嗰一 part 去做呢次演出，我好感動。阿姐當時俾我嘅印象就係好有義氣，同埋好大愛，俾咗好多 support 喺我嗰個演唱會度，雖然我係泣不成聲，但係呢個記憶喺 20 年後嘅今日，我終於可以同阿姐喺返呢個舞台度表演一次，多謝阿姐妳俾咗個機會我，你對我嘅人生演藝成長路俾咗好多鼓勵同支持，感謝妳俾呢個機會我，等我可以返嚟紅館嘅舞台同大家演出，多謝妳！」

千嬅與阿姐建立嘅緣份在20 年前 《開年大典演唱會》

汪阿姐：「好期待妳嘅演出，咁我哋而家唱呢首歌好唔好？」千嬅：「好呀，有啲緊張㖭。」汪阿姐：「因為 20 年冇唱。」千嬅：「係呀，我由少女唱到變成中女，而家妳唱又變返少女。」兩人便合唱《少女的祈禱》 。唱完此曲後，阿姐將個台交給千嬅，千嬅續說： 「大家好，好耐冇見，好開心可以喺度再次為大家演出。感謝阿姐邀請我做佢演唱會嘉賓，除咗我可以再次返呢個舞台度同大家唱歌之外，最重要嘅一個原因係可以分享阿姐嘅音樂。我覺得阿姐俾到我最大嘅能量係除咗佢嘅勇氣同埋堅持，對學習嘅熱誠同進步之外，作為後輩可以得到佢嘅支持，呢一點係好重要。好感謝喺我每一個演藝嘅人生階段，阿姐都好似及時雨咁俾到我好多鼓勵，呢個係我好感動嘅事。今日可以唱阿姐嘅歌，我揀咗隻好有意思嘅歌叫《郎歸晚》，點解會揀呢首歌？因為呢首歌非常有意義，同埋所用嘅文筆非常之漂亮同凄美，當然有一種傷感，但係作為後輩有機會可以傳承阿姐嘅音樂，我覺得我要表達一份心意嘅時候，都要認真諗清楚到底呢首歌去到我嘅人生階段又可以代表到乜嘢？一首好嘅作品喺唔同嘅人生階段，可以唱到唔同嘅內容出嚟，去到今日我發現《郎歸晚》係講一種等待，一種思念，但係今日好想表達嘅係人生只要堅持，你亦都可以喺任何年紀，任何狀況去做到自己想做嘅嘢，令到自己嘅夢想成真，所以一切都係未晚，喺度送俾大家《郎歸晚》。」

兩人合唱《少女的祈禱》

再唱《郎歸晚》

及後當汪阿姐獻唱《問我》時，容祖兒突然現身台上和她合唱，唱畢此曲後，汪阿姐說：「歡迎容祖兒！」「妳真係好似一隻唔識飛嘅雀仔，冇時停，祖兒其實我哋係幾時相識？」祖兒答：「印象係好耐！」汪阿姐：「其實我哋係用同一個髮型師，嗰陣容祖兒好細個，佢嚟到我面前同我講我叫容祖兒，我係羅記羅文嘅學生，好有禮貌。嗰陣妳開始灌唱片未？」祖兒：「「嗰陣我驚妳唔識我。應該係啱啱開始灌錄咗一首歌。」汪阿姐：「妳而家已經係天后級，好嘢，妳嘅努力大家睇到。」祖兒：「我想講好開心，我嘅人生其中一個成就係可以同阿姐嘅距離拉到咁近，近到可以而家企喺佢個台度做佢嘅嘉賓，另外一樣嘢想同大家分享嘅就係阿姐食過我煮嘅餸。」汪阿姐：「哇！真係好犀利呀，係全餐，不過佢搞咗一日，煮嗰個意大利飯用咗幾多個鐘頭？」祖兒：「四個鐘，但係阿姐你鍾意食到要攞走。」汪阿姐：「打包唔好嘥吖嘛！」祖兒：「呢個係我人生成就。」汪阿姐：「我哋雖然唔係成日見面，但係如果妳喺香港，我哋都會通吓電話，去私房菜食返餐，佢識好多新嘅食嘢地方。」祖兒：「所以我其實都希望可以成日見到阿姐，在公在私，今次多謝阿姐邀請我做妳演唱會嘉賓，我好開心。」汪阿姐：「其實妳有首歌我好鍾意，我哋一齊唱呢首歌好唔好？」祖兒：「呢個係第二個成就解鎖，阿姐唱我首《我的驕傲》！」她倆合唱完後，汪阿姐將舞台交給容祖兒。祖兒：「阿姐慢慢，等妳有充足嘅時間換衫。大家好，我係羅文老師嘅學生容祖兒，今日好開心好榮幸可以企喺阿姐嘅舞台上面，亦都見到好多支持阿姐好多好多年嘅歌迷，希望大家會有一個好開心嘅晚上。今日揀咗一首阿姐嘅歌，阿姐有好多歌，所以都好難揀，唔知揀邊首好，但係今日呢一首係其中一首我好鍾意嘅阿姐嘅歌，《用愛將心偷》，送俾大家。」

汪阿姐話祖兒已經係天后級

二人合唱《我的驕傲》

再唱《用愛將心偷》

汪阿姐於表演完《像白雲像清風》後說：「其實今次我開呢個演唱會，真係好開心，因為可以借住呢個機會，同我啲歌迷見面，又可以見到好多我啲好拍檔，仲有好多歌手朋友，有唔同嘅 Diva，亦都有年輕啲嘅歌手，搵佢哋做嘉賓，又個個都好好，全部都無拒絕。有一位，我話想請佢做嘉賓，佢就即刻俾咗個手勢我，話俾我知 ok ok，有請 Anson Lo !」Anson Lo 從升降台升到台上後音樂便響起《紫釵恨》前奏，汪阿姐即說：「吓！你唱鄭少秋嘅歌？」兩人合唱完此曲後，汪阿姐說：「多謝 Anson Lo，多謝晒你。」 Anson Lo 說：「多謝阿姐邀請我，Hello，我係 Mirror 嘅 Anson Lo 盧瀚霆。」汪阿姐問 Anson 出道多少年，Anson 答她今年是出道第 6 年，汪阿姐讚嘆道：「你已經有咁多 followers，犀利，你一定係好勤力，做得好好，所以有咁多人擁戴，繼續加油。」Anson： 「做好每一日嘅本分，唔好令到支持我嘅粉絲，支持我嘅神徒，支持我嘅觀眾同朋友失望，盡自己努力。」汪阿姐：「要做好自己！點解會請你做嘉賓？其實我哋係咪好熟？好似唔係好熟。」Anson：「本身我哋唔係好熟，但係每一年我哋起碼都會見一次，就係拜年嘅時候，咁就同妳拜過幾次年。每次去阿姐度拜年都好多嘢食，佢嘅蘿蔔糕好好食，又可以飲到阿姐嘅湯，總之拜年嗰日嘅早餐午餐都千祈唔好食。」汪阿姐問 ：「點解你會唱呢首《紫釵恨》？其實呢首歌係 Anson 揀，唔係我揀，點解呢？」 Anson：「首先我要多謝阿姐妳俾咗好大嘅自由度我去揀妳嘅歌，我覺得呢一首歌係你其中一首經典之作，妳會唱得好有女人味，好有風情，好 Classy 好高貴，好有感情，有好多 Story 嘅感覺，我每次睇妳嘅演出，同唔同嘅單位唱呢首歌，完全係視覺同歌聲上嘅享受。今日好開心，除咗唱呢首歌之外，我仲嗲咗阿姐好耐，問佢可唔可以唱多一首歌？」汪阿姐： 「呢首歌好配合個環境，全部都係粉紅色！好，我哋就唱呢隻《迷人 Pink Lady》。」唱畢此曲後，汪阿姐說：「你好鐘意呢首《迷人 Pink Lady》噃！」Anson： 「梗係鍾意啦，有邊個唔鍾意呢首歌。」汪阿姐：「好多人羨慕我可以握住 Anson Lo 隻手。」Anson： 「好多人羨慕我可以捉住阿姐隻手就真，今晚我全家都嚟欣賞妳演唱會。」之後汪阿姐便把舞台交給 Anson Lo。

Anson Lo 揀了《紫釵恨》同阿姐合唱

再唱《迷人 Pink Lady》

汪阿姐：「好多人羨慕我可以握住 Anson Lo 隻手。」

Anson Lo 獨唱前說：「首先好多謝好榮幸可以接受到阿姐嘅邀請，好榮幸可以做到阿姐演唱會嘅嘉賓，呢一個演唱會嘉賓係我自己諗都冇諗過，一定係我人生同事業嘅里程碑，在座有我嘅全
家同我嘅親戚，我爹哋媽咪同我家姐都嚟咗睇，佢哋都覺得係一件好開心嘅事。呢個絕對係一個好大嘅榮幸，阿姐喺香港嘅娛樂圈真係一個經典，亦都係一個影響咗香港咁多年以來嘅文化嘅一個 icon，所以好想大家喺呢個時候用掌聲再次多謝阿姐。」「真係好多謝阿姐可以俾機會我上到呢個舞台，係一個好珍貴嘅回憶，我重新可以踏上呢個舞台同大家一齊，可以表演俾大家睇，而表演永遠係我自己最鍾意，永遠都唔會放棄嘅一個項目，我一定會用 100%回饋返俾所有觀眾。」「我本身對阿姐嘅印象係一個冰山雪人美女，阿姐佢好有禮貌，嗰陣我真係同佢唔係咁熟，我唔係好夠膽同佢講嘢，我淨係記得第一次拜年嗰陣，我只係默默低頭喺度食，食晒佢嘅蘿蔔糕，而我記得阿姐第一次同我嘅對話係問我要唔要攞一底返屋企？咁最後我真係有攞到，因為真係太好食，我諗阿姐整嘅蘿蔔糕係我人生食過最好食嘅蘿蔔糕。之後再次去拜年，或者
喺唔同嘅工作環境見到阿姐同家英哥，佢哋就冇咗當初嗰種我自以為感受到嘅距離感，因為佢哋係一對好栽培後輩、好錫我嘅長輩，甚至乎係喺我路途上好緊要嘅老師。阿姐今次邀請我做嘉賓，當我哋喺排練室綵排嗰陣，我都感受到阿姐嘅愛，因為每一次唱完之後佢都同我講你真係唱得好好喎，好多謝阿姐真係好 support 我。唱歌方面佢俾咗好多 advice 我，點樣可以唱佢嘅歌再唱得好啲，佢又同我講想加啲其他嘢都得。」之後 Anson Lo 便跳唱了他的《Hey Hey OK!》給大家欣賞。

Anson Lo多謝阿姐好 support 佢

Anson Lo 跳唱了他的《Hey Hey OK!》

家英哥都有上台

仲做埋表演嘉賓

在 Encore 環節時汪阿姐說：「咁多年嚟，我都好享受喺演藝界嘅工作，由演員，歌手，到粵劇演員，去到一啲行政嘅工作，為業界去貢獻，每一個崗位，我都會盡心盡力，因為我知道，大家都對我哋嘅演出有期望，有要求，所以我先可以不停改進，不停增值。喺度要多謝你哋嘅支持，陪住我一直行呢條娛樂之路，同我一齊享受呢個美麗嘅世界。」最後汪阿姐以 《Make my day》為一連兩晚「阿姐•汪明荃演唱會 2024」畫上圓滿句號。

最後汪阿姐以 《Make my day》為一連兩晚「阿姐•汪明荃演唱會 2024」畫上圓滿句號

大家後台爭住同阿姐影相

好多人嚟支持

阿姐好受歡迎

睇完演唱會要同阿姐影相打卡

我們這一代人此生遇到的千禧年只有一個，而英皇娛樂正值誕生於千禧前夕—1999 年。一路走來的 25 年伴隨港人，乃至全球華人度過不少喜怒哀樂的時刻，也成為各世代人的成長背景插曲，甚至主題曲。英皇娛樂，感恩有你。當時間巨輪持續轉動，這座城市的金曲記憶將全面甦醒。

英皇娛樂大合照

由英皇娛樂主辦、英皇鐘錶珠寶、英皇金融及國泰贊助的《25+英皇群星演唱會》將於2026年5月4日在啟德體育園主場館盛大舉行。演唱會總投資額逾億元，屆時英皇娛樂旗下藝人包括天王天后、影帝影后、實力唱將與耀眼新星將齊聚一堂，上演破天荒的跨世代驚喜合作，讓陪伴大家走過 25 年的經典旋律以創意聯乘形式震撼重現，以別開生面的形式向觀眾呈現不一樣的經典歌曲。

《25+英皇群星演唱會》不止是一場音樂會，是難以定義、千錘百煉的舞台演出，更是一次集結全城心跳回憶的世紀盛宴。演唱會以「Ensemble」為主題，其核心意義是共創同行糅合音樂演唱及演奏、電影、戲劇舞台、舞蹈與跨界表演等效果，銳意將啟德體育園主場館打造成一個世紀樂園，與觀眾共行穿梭過去未來，成就當下。

演唱會特意邀來強大主創陣容指導，包括由香港電影領軍人物之一、金像奬最佳導演、全運會總導演劉偉強擔任總監製以深厚的電影語言與舞台創意呈現廣東歌的精彩絕倫；曾參與《阿飛正傳》、《重慶森林》、《東邪西毒》、《花樣年華》、《2046》、《讓子彈飛》及《一代宗師》等殿堂級華語電影、屢獲金像獎殊榮、最具國際影響力的美術指導、服裝設計師及剪接師之一張叔平擔任演唱會美術總監，向觀眾呈現前所未有的體驗；並由為謝霆鋒啟德演唱會擔任音樂總監、香港殿堂級音樂製作人王雙駿擔任音樂總監。

演唱會特意邀來強大主創陣容指導，包括劉偉強、張叔平及王雙駿。

總監製劉偉強表示：「能夠擔任這盛事的總監製實在是意義非凡，英皇娛樂自 1999 成立以來，為華人世界帶來不少膾炙人口的經典歌曲，如何以舞台及電影手法呈現當中的轉折及串連，對我來說是一個大挑戰。舞台設計亦是破天荒的，期待為觀眾帶來多重感官享受的盛宴。」

劉偉強

美術指導張叔平則表示：「英皇娛樂已經是一個家傳戶曉的文化產業品牌，歌影視藝人陣容規模龐大，囊括了業內眾多重量級及潛質藝人。多年來打造不少巨星，在全球華人娛樂文化界佔有舉足輕重的地位。如何透過這 25 年盛典，推陳出新，不斷在自我之上突破自我，是我替英皇娛樂思考的重要問題。最後我決定以插畫方法，以表現品牌生生不息的求變多變精神。」

張叔平

音樂總監王雙駿說：「以往做音樂會主要是考慮每個章節之間的流暢度；今次同兩位重量級人物合作，以英皇娛樂的源起故事為主線，並以極具震撼力及爆炸力的視 和沉浸方式，和出人意表的音樂陣容貫穿 25 多年來英皇娛樂打造的經典時代曲，為香港樂壇留下深刻印記，算是我一個大突破！」

王雙駿

《25+英皇群星演唱會》主視海報由本地著名插畫師sketchup操刀，是本地獨立音樂人ketchup的另一個身份。sketchup承接ketchup簡單和清新的自家製音樂風格，以「繪畫草圖、意念速寫」的方式，用手繪小清新的法式風格將英皇娛樂旗下所有歌手單位悉數繪出，充分把握大家的小神情及小動作，多元活潑，盡顯幽默本色；讓人一眼就認出英皇娛樂歌手的鮮明個性，不禁發出會心微笑。

《25+英皇群星演唱會》 海報

今次演唱會可謂「傾巢而出」，作為英皇娛樂「元祖級」成員謝霆鋒有感：「我從小在英皇長大，我常常對外笑稱我的人生有超過一半的時間與英皇有關，見到整個大家庭越來越多新成員加入，我由心感到高興，我自己都好期待和他們有合作火花。」超過25年的核心成員容祖兒（Joey）感性表示：「我自1999年在英皇娛樂正式出道，多年來與公司一同成長，這裡不單是我事業的起點，更加是人生的起點，在這裡我收穫了可貴的親情和友情。對我而言，英皇是我的家，老闆、老闆娘，以及每一位同事都是我的家人。我非常期待在這個晚上，透過音樂，用我們的『看家本領』，與大家分享英皇娛樂特有的人情味和團結精神。」

謝霆鋒笑言自己人生超過一半時間與英皇有關。

容祖兒視英皇為家，收穫了事業親情友情。

霍汶希（Mani）從昔日經理人走到今天，成為英皇娛樂集團營運總裁，至今已超過25年，對於這次週年演唱會別具一份堅持：「楊博士曾說過，有人的地方就有娛樂，要與這片土地及人們連繫起來，相信演唱會是最直接、最能與眾同樂的方式。」

英皇娛樂營運總裁霍汶希表示演唱會是最可以與眾同樂的方式，一同與觀眾慶祝25周年。

活動將有一連串與各友好伙伴及單位的聯乘宣傳企劃，包括為慶祝英皇娛樂成立25+周年，一系列耳熟能詳的品牌將推出不同精選產品與港人同歡。而英皇娛樂亦會與不同的藝術單位及品牌聯乘，推出各項極具收藏價值的紀念精品；讓全城引頸以待，迎接英皇娛樂《25+英皇群星演唱會》舞台演出！

演出詳情：

活動日期：2026年5月4日
活動時間：7:00PM
地點：KAI TAK STADIUM（啟德體育園主場館）
票價：HKD $1680 / $1380（企位/座位）/ $980 / $680

開售日期：
優先訂票：3月11-13日11AM Klook 
公開發售：3月19日 快達票HK Ticketing、大麥