得寵先生｜周秀娜謝安琪邱士縉齊撐首映 廖子妤自覺中年危機感謝新戲令她振作

Fish表示：「好多謝呢套咁好心地嘅電影，將我喺中年危機，撈返番嚟！」

寰亞電影《得寵先生》昨日（11月28號）上映，前一晚在MCL新都城戲院舉行首映，全院滿座，反應熱烈。適逢男主角鄭丹瑞（旦哥）69歲生辰，除了電影導演兼編劇何英毅和李志偉、女主角盧慧敏（Amy）、廖子妤（Fish）、馮允謙（Jay）和黃美芬等一齊睇戲，還有近百位圈中好友入場支持，非常熱鬧。完場後觀眾席上好友林珊珊、林超賢導演、陳慶嘉導演、陳德森導演、謝安琪、邱士縉@MIRROR和周秀娜等星級觀眾發言，令人感動。Fish更自爆一度覺得自己步入中年危機，對事途迷惘，但這部電影令她振作，對世界再抱希望。

《得寵先生》日前舉行首映，全院滿座！

電影完場，觀眾報以掌聲，Amy、Jay和Fish突然拉住旦哥上台玩驚喜，手忙腳亂地替他戴皇冠、彩帶和送鮮花，主持旨呈哼歌助慶。旦哥突然「佳叔」上身鬧人：「搞乜呀？咪整亂我個頭呀！」全場爆笑，觀眾大叫「好靚仔」！而旦哥另一部電影飾演女兒的鄧月平，亦準備了生日蛋糕送上台，旦哥好開心。

眾演員在映後分享感受。

Amy、Jay和Fish拉住旦哥玩驚喜。

旦哥另一部電影的「女兒」鄧月平亦準備了生日蛋糕。

旦哥好開心！

Fish感嘆：「我依家嘅人生好似有好多好混亂嘅嘢，我要重新去接受，我又要照顧爸爸媽媽，爸爸媽媽開始老啦，我嘅事業去到一個位，我應該點做？頭先睇完套戲，諗：『如果我去到70歲，我嘅人生係咁失敗，我會點呢？』但係只要唔放棄，人生幾多歲都可以重啟。我一路睇戲一路覺得，其實我啲問題好細，只係需要去學習。尤其是悅娜（Amy飾演）角色，點解有人咁好心地？但係真係有眾多咁好心地嘅人，支持緊呢個世界，而呢個世界唔係我想像中咁差，好多謝呢套咁好心地嘅電影，將我喺中年危機，撈返番嚟！」

Fish指這部電影令她振作，對世界再抱希望。

旦哥說：「今日我69歲生日，真係緣份，竟然有一部自己嘅戲上映。香港拍電影唔容易，拍完呢部戲佢哋都唔知幾時再有得撈，今日我生日，邀請到一班真心好朋友嚟同我一齊，睇一部有火嘅電影。」觀眾席上林超賢導演大叫：「成套戲對你（旦哥）挑戰好大啦！」旦哥哈哈大笑說：「識貨！」

旦哥

林珊珊抹眼淚，對旦哥說：「真係做得好好，好為你驕傲，旦！當然Jay Fung都做得好，個個演員都做得好好。多啲呢啲戲，我哋就感受多啲溫暖、多啲希望！」而旦哥的「永遠女神」周秀娜亦感動落淚，她說：「旦哥係一個好幽默嘅人，好少會見到佢呢一面，我無諗過我會喊，好感動，旦哥真係演得好好，我好鍾意！」

林珊珊

林珊珊睇到落淚。

兩年前在電視劇《野人老師》中，與旦哥飾演父子的Stanley說：「我同旦爸拍劇嘅時候，佢同期拍緊呢部電影，佢真係好犀利，同一時間駕馭兩個完全唔同嘅角色，最值得學習係旦爸對戲劇嘅追求，超級respect（敬佩），亦多謝導演拍咗一部咁誠懇嘅電影！」

Stanley

去年與旦哥合作新戲的謝安琪，先恭喜旦哥生日快樂，她說：「睇到一個好不一樣嘅旦哥，而題材將被遺棄嘅狗仔同獨居老人串連埋，好有感受。我哋嘅城市好繁忙，忙住生活，好多時忽略咗生命與生命之間嘅感情。你喺我心目中係一個又健康又開心又正能量嘅人，喺呢部戲見到你落泊嘅神情，一個獨居老人，我好傷心。希望多啲人被呢部戲感動，多啲關心身邊嘅人、身邊嘅生命，讓我哋嘅社會多啲愛！」

謝安琪

與旦哥相識幾十年的導演林超賢笑說：「剛才娜姐（周秀娜）話未見過你呢一面，其實幾十年前，你啲樣衰我哋見好多。」旦哥笑說：「所以我要鼓起勇氣叫晒《小男人周記》團隊、阿嘉（陳慶嘉導演兼編劇）嚟睇。」林導認真地說：「多謝台前幕後，老人與狗嘅戲大家睇好多，呢部喺自己生活世界入面，特別打動，尤其是講到棄養，造出好多不幸，令人好感概！旦哥，你喺鏡頭前喊，我第一吓接受唔到，但你繼續喊，我真係畀你打動，好嘢！」身旁的陳慶嘉說：「呢個唔係我見到嘅阿旦，好犀利，見到一個唔熟悉嘅你，做得好好！」

林超賢

林超賢、陳慶嘉

台上旦哥哽咽，他說：「呢啲說話由我合作得最耐嘅好朋友講出嚟，真係頂唔順，多謝！」至於另一位導演好友陳德森非常感觸，因為感同身受，他說：「獨居長者同隻狗，我隻狗啱啱過咗身，好難過。我一直都有關注流浪狗，呢套戲我一定會好好推介，多謝你哋！」

陳德森

此外，捧場的圈中好友還有《得寵先生》音樂總監T-Ma（馬敬恆）、向海嵐、林珊珊兩位女與李澄和李怡、梁釗峰、雲浩影、Vian@me&、許恩怡、音樂人Heyo、「中年好聲音」 的丁文俊、羅啟豪、魏家信和林鉫偉等，星光熠熠。

鄧月平

謝安琪

向海嵐

林珊珊兩位女與李澄和李怡

雲浩影、梁釗峰

Vian@me&

許恩怡

Heyo

「中年好聲音」 的丁文俊、羅啟豪、魏家信和林鉫偉。

由譚惠貞執導、關錦鵬與管東銚監製的英皇電影《像我這樣的愛情》已於11月27日正式上映，並迅速成為話題之作。主演廖子妤及陳家樂，勇於觸及身障人士的情慾需求與愛情權利，融合社會議題與細膩情感，獲觀眾及影評高度評價。而二人的表現獲網民睇高一線，被視為來年金像獎熱門。

英皇電影《像我這樣的愛情》已於11月27日正式上映.。

《像我這樣的愛情》上映後話題不斷，廖子妤與陳家樂在電影主題節目《像我這樣的訪談》壓軸一章中，請來《破．地獄》導演陳茂賢與《毒舌大狀》導演吳煒倫擔任嘉賓。四人圍坐一圈，氣氛輕鬆爆笑，從經典愛情電影聊到香港愛情片變遷，再到對兩位主演的「狠批」與真心讚賞，笑聲不斷，卻又句句戳心，宛如一場老友聚會。

廖子妤與陳家樂壓軸請來《破．地獄》導演陳茂賢與《毒舌大狀》導演吳煒倫擔任嘉賓受訪。

訪談一開場，廖子妤笑說：「兩位導演平時只會宣傳自己電影，今次幫我哋宣傳，真係好有面子！」談到愛情電影，吳煒倫先分享震撼自己的愛情片，《藍宇》4K修復版讓他「看完真的哭到崩潰」，尤其結尾那個鏡頭，情感深到骨裡。而陳茂賢則大推《甜蜜蜜》，笑言年輕時看完後覺得「細個睇完覺得我懂愛情啦，呢啲事我處理到，結果證實到而家都處理唔到！」引來全場爆笑。廖子妤回憶小時候嚮往《天若有情》的轟烈浪漫和《金枝玉葉》的都市美學。

觀看相關影片按連結：https://youtu.be/s7or0J2ylm0

談到香港愛情電影的轉變，四人感慨萬千。陳茂賢認為，八九十年代社會發展急速，大家有空間做夢，而愛情片劇情正正夢幻中帶現實；而如今社會節奏快、壓力大，愛情電影都貼地實際：「確實近年少了一些比較夢幻的愛情感覺」。吳煒倫補充，創作者拍自身經歷，故多混雜喜劇或諷刺，避免純愛太難掌控。廖子妤興奮分享新片《像我這樣的愛情》的元素：「兩個破碎的人，相遇後有沒有資格追求愛情？這不只是浪漫相遇，而是探討自我價值與禁忌界線。」正好呼應片中義工與身障者的模糊情愫，叩問「施與受」的愛情真義。

《像我這樣的愛情》劇照

訪談中其中一個有趣高潮落在導演們稱讚兩位主演，其中吳煒倫盯著廖子妤說：「你好脆弱呀！但正正係呢份脆弱，你超適合演戲！」吳煒倫指Fish情緒大起大落，讓她能在鏡頭間瞬間切換；合作後更見其直覺進步，「佢係一個好勤奮的演員，佢喺之前會準備好要怎樣演，佢諗好咗，但佢去到一開機時，一叫Action，佢一走入去，佢有權突然推翻自己嘅想法，很直覺地跟住去演，其實我很喜歡佢呢種直覺。」

《像我這樣的愛情》劇照

而陳茂賢則調侃陳家樂：「佢個樣有時好討厭，睇起嚟厭世！」；家樂聞言解釋：「我其實喺度聽緊你講嘢！」陳茂賢透露，試過收到家樂半夜打電話問其意見，知道對方為角色減肥壓抑到情緒低落，而家樂笑言自己有「被虐傾向，向陳茂賢表示：「你唔插我兩刀，我先唔安落！」陳家樂笑到彎腰，引場全場哄堂大笑。

《像我這樣的愛情》劇照

另外，兩位導演異口同聲一致讚賞從廖子妤及陳家樂眼神中充滿渴求，因為這代演員機會少，「不過佢哋有狠勁，因為唔全力以赴就未必有下次。」四人齊推介觀眾走進戲院欣賞《像我這樣的愛情》中這段「現實中仍敢發夢」的邊緣愛情關係。

《像我這樣的愛情》劇照