港鐵車廂內的扶手柱，經常引發乘客間爭執，皆因有不少「柱男柱女」總是喜歡挨靠在柱上，罔顧其它需要使用的人士。日前有港女看不過眼問到「可唔可以唔好挨住」，對方竟寸爆回應：「關你咩事？」
threads 圖片
柱女無視勸喻繼續挨着企
有港女發帖大呻，在港鐵車廂遇到「柱女」，由樓主貼出的照片見到，一名身穿粉紅上衣的女子，一邊看手機一邊將身體挨靠在扶手柱上，而周圍看似有不少乘客企立。樓主此時忍不住問到「可唔可以唔好挨住」，對方竟寸爆回應「關你咩事？你咪捉上啲囉！」
資料圖片
樓主感嘆無人肯出聲：個個都咁怕事？
樓主聽到對方如此理直氣狀，並質問對方「條柱拎嚟挨？」，怎料對方竟毫無歉意回答「係呀」，之後當無事發生過，繼續挨柱而立。而周圍雖然有不少乘客因此女子的行為，而不能使用扶柱，但卻無人肯出聲，令樓主深感不忿及無奈，並感嘆「其實係咪個個都咁怕事？」。於是她決定拍下照片，網上公審這種決德的行為！
資料圖片
網友：應該增加車廂廣播，叫乘客唔好挨扶手
網民都紛紛留言批評該女子的自私行為，「呢條叫扶手，唔係靠背」、「無腰骨」、「開到聲都咁無恥？少見啲喎」、「應該增加車廂廣播，叫乘客唔好挨扶手」、「呢個社會啲人已經開始倒退，除咗挨扶手，仲有隨地拋垃圾隨地吐痰，唔再顧其他人感受」、「以前俾人話都會知衰縮開，宜家衰到係駁返轉頭」，還有人揶揄對方，「我唔准你（樓主）歧視天生脊椎有問題嘅病患者，人哋咁後生就得個咁嘅病，已經好慘」。
示意圖。《愛回家》劇照
網民分享反擊招數：打個大乞嗤！
不少網民更分享各種反擊招數「打個大乞嗤」、「大聲喺佢耳仔邊喝佢：唔該」、「問佢：『你係柱女呀？』」、「我有起釘的戒指，邊個鍾意挨落嚟就挨啦」、「佢問關你咩事，我話：『關呀，因為我同其他人扶唔到好危險，跌親係咪你賠償？』」、「我試過用力捉住佢一小束頭髮同扶手，個女仔痛到企喺度」、「如果佢話扯到佢啲頭髮，撻返佢一句：『關我咩事』」、「揸實佢膊頭當扶手，佢問就答返佢關佢咩事」。
