《異空感應》阮浩棕生日百無禁忌拍入院戲晒超強胸肌大嘆「娛樂圈真係好黑暗呀！」

娛圈事

《異空感應》阮浩棕生日百無禁忌拍入院戲晒超強胸肌大嘆「娛樂圈真係好黑暗呀！」

2024年12月05日 13:06 最後更新：15:51

由王心慰（Amy姐）監製，戴德廣編審的《大灣區航空日本四國德島航線呈獻：異空感應》，逢星期一至五晚8時30分翡翠台播映，主要演員包括陳家樂、陳曉華、阮浩棕、譚凱琪、何遠東、魯振順、文雪兒、龔慈恩、陳嘉輝、彭翔翎等。

《異空感應》自播出以來，男女主角顏值一直贏盡正評，不知是否「靚仔大晒」，連帶陳家樂及阮浩棕似是疑非的Hehe情亦大受歡迎，有網民更笑言陳曉華才是第三者。為了回饋觀眾，家樂與阮浩棕本周初期大派福利，除了齊齊玩健身晒肌，其中一幕阮浩棕為家樂按摩的戲份，阮浩棕的驚人老鼠仔及家樂的搞笑「深呼吸」反應均相當搶戲，加上老戲骨文雪兒「嚇到眼凸」的搞笑表情，為緊張劇情增添不少輕鬆惹笑元素。

點擊看圖輯

阮浩棕呢個生日應該夠晒難忘。

阮浩棕呢個生日應該夠晒難忘

《異空感應》逢周一至周五晚翡翠台播映

原來家樂與阮浩棕唔止三角戀咁簡單，昨晚（4日）劇情講到Duncan（阮浩棕飾）之前因為一個舉手之勞，竟令神經質女子Candy（丁樂鍶飾）瘋狂愛上自己，Candy除了在Duncan活動範圍失驚無神老是常出現，到處聲稱是Duncan女朋友外，還騷擾到Duncan身邊人…Duncan忍無可忍下決定攤牌，豈料因而刺激Candy情緒、發晒癲大聲吼叫兼玩自殘，混亂間Duncan遭意外刺傷送院。在Duncan留院接受治療期間，由於要包紮傷口關係未能扣上上衣鈕扣，以致內裏的超結實胸肌若隱若現，加上阮浩棕自身的高顏值，成功在網絡引發熱議，網民除留言：「你咁大隻得唔得？」，更以「大波波」形容阮浩棕，相當搞笑。

談到醫院場口，阮浩棕在IG透露是女PA即場雀躍地轉達導演要求指要「解開啲鈕」，並透露由於拍攝當日「撞正生日」，故獲同場的家樂及曉華送上蛋糕慶祝，豈料期間竟有人伸出魔掌，令他大嘆：「娛樂圈真係好黑暗呀！」觀乎阮浩棕上載的短片，伸出鹹豬手的真兇是陳家樂！只見陳家樂全程笑住為阮浩棕寬衣解帶，阮浩棕無奈地任人魚肉的同時，陳曉華則嚇至掩晒眼。問到有圈中「隱藏版大隻仔」稱號的阮浩棕拍攝前有否刻意操胸，他透露於開劇前已接獲Amy姐order要練大隻，並花了約一個月時間日日做gym build肌，阮浩棕更乘機賣關子謂：「我之所以要練大隻，係同Duncan嘅背景有關，大家繼續追落去就知架喇。」

至於飾演「變態戀愛腦」的丁樂鍶（Janice），亦憑藉靚靚外表、Gfable的甜美笑容，及揮灑自如的癲喪特寫鏡頭吸引關注，網民更封她為「趙希洛2.0」：「丁丁好靚女，希望多D戲份」、「燈勤女朋友幾正，我鍾意」、「有唐詩詠影子，媲美趙希洛」、「入咗行咁多年都仲keep得好好」、「痴女咁正又真係唔錯」。丁樂鍶Janice於2009年藝訓班畢業後即憑《美女廚房》中的「美味天使」腸粉身分備受觀眾熟悉，入行多年亦曾參與過不少劇集拍攝，當中較突出的除有《殺手》中的兔女郎，還有《旁觀者》中的超不負責任Mk妹媽咪。這次Janice再度突破自己飾演「變態愛情腦」，對此Janice接受tvb.com訪問時，一再感恩Amy姐看到她「不為人知」的一面：「我由細到大都係古古怪怪、有少少神經質嘅，估唔到Amy姐會留意到，好多謝佢夠膽用我演啲咁有發揮、又得意嘅角色，我之前真係好少有機會講咁多對白。」

談到拍攝難忘事，Janice笑言是「深愛阮浩棕」：「有時同阮浩棕對戲，會Feel到佢對我嗰種厭棄，一望到咁樣我就有啲驚，覺得自己好難愛上呢個人，加上我哋拍之前完全唔識大家，所以成件事並唔係想像中咁簡單，我最後唯有打畀張達明老師嗌救命，佢就教咗我一啲快速投入角色嘅方法。（點解會搵張達明？）之前Join過佢嘅演技班，佢喺我心目中係師父，佢真係好似爸爸咁，就算個Course完咗，你有咩問題佢都好Welcome你打去問佢。」Janice續指造型上「愛的紋身」及刀疤，也是難度所在，皆因相當花時間及功夫：「拍嗰時天氣都幾乾燥，著長袖衫會好易整甩個妝，所以要不停邊拍邊補；同埋因為啲刀疤要用風筒吹乾，所以都會流血同爆拆。仲有就係啲刀疤要Keep住相同嘅數量啦，有時都要謹記住同提番個化妝師。」

Tags:

阮浩棕

往下看更多文章

胡鴻鈞獲封番禺龍舟文化宣傳大使初次扒龍舟被姐姐讚體會團隊精神可貴

一年一度的端午節即將來臨，不同地方均舉行龍舟競渡比賽，其中胡鴻鈞（Hubert）更獲番禺委任為「龍舟文化宣傳大使」，他更親身落船扒番轉，被姐姐大讚他「幾有力」。

Hubert6月3日特別到番禺參觀當地龍舟隊練習過程，與麥玲玲一同接受「龍舟文化宣傳大使」榮譽，並從傾談中更深入了解扒龍舟這項中國傳統文化，亦學習扒龍舟的技巧，他更獲邀落船試玩，見Hubert都扒得有板有眼，跟同船姐姐好快就建立默契。

事後Hubert對於初次扒龍舟，自言感覺好新鮮，因為過往睇過不少扒龍舟，但真正可以扒龍舟都是第一次，而為了今次扒龍舟，他可謂做足準備：「睇我呢身裝束就係特登為扒龍舟而買，之前特別上網睇下人地扒龍舟嘅裝束，本來有啲簡單嘅背心短褲，但我比較怕曬，基本上今日呢套衫係for潛水，全套係水上活動嘅裝備，以扒龍舟嚟講好似有少少誇張咗，但呢啲叫做好尊重個場合嘛！」

提到扒龍舟後感覺如何，他認為都有點天份：「同船啲姐姐都有讚我，咦，幾有力喎，都跟到佢地個節奏。」Hubert認為扒龍舟最吸引人地方就是大家一齊聽住鼓聲、聽住指揮同心合力去做一件事，認為這種默契同團結十分難得，本來Hubert更想嘗試做鼓手滋味，但可惜沒有人跟他的節奏去扒，唯有自己打鼓玩下。

經過今次之後，問他端午節會否希望在香港參加扒龍舟比賽，Hubert立即說：「香港太勁啦，今日嚟體驗一下就可以，香港落得去玩嘅全部訓練有素同埋專業，我諗我都係食稯算啦！」

被委任為龍舟文化宣傳大使，問他如何宣揚龍舟文化，Hubert說：「龍舟係中國傳統文化，好值得去宣揚，我好鼓勵啲年輕人，特別鍾意水上活動，試下扒龍舟，因為唔係講個人，係講團體精神，對培養默契同隊員之間配合，點樣成為一個好領袖去帶領隊員跟鼓聲去扒，都唔係容易。」

你或有興趣的文章

《異空感應》阮浩棕生日百無禁忌拍入院戲晒超強胸肌大嘆「娛樂圈真係好黑暗呀！」

娛圈事