「羅啟豪冬日約會迷你市集」登陸赤柱美利樓2樓 玩食買Chill做善事一站式滿足

喜愛享受美食、音樂又鍾意打卡的你，這個無論是I人定E人都適合的市集，一定會令人大開眼界，大家不容錯過！

由12月15日開始至26日，於赤柱美利樓2樓全層有一個為期七日的活動，名為「羅啟豪冬日約會迷你聖誕市集」，是舉辦多年、赤柱廣場聖誕市集的一部份。活動開幕日請到啟豪一眾圈中朋友齊為巿集剪綵，於市集最後一日（12月26 日），「生命小戰士會」合唱團更會到場表演，當然不少得啟豪現身，以美利樓如此有歷史價值的建築物作背景獻唱，以歌聲去為這個獨一無二的市集徐徐閉幕，氛圍感拉滿！

今個12月美利樓舉行以歌手羅啟豪為主題嘅聖誕市於15日開幕。

啟豪將會於12月26日以歌聲為市集展開閉幕。

⁠配合啟豪愛回饋社會在場有社企產品售賣。

「羅啟豪冬日約會迷你聖誕市集」市集免費入場，並備有多個玩食買Chill做善事亮點，不容錯過！

1）美食滿滿：贈送多款免費窩心手工烘焙曲奇，以及特製暖心飲品供市民品嚐，如小熊沐浴曲奇、檸檬方磚蛋糕、紅心巧克力（士多啤梨熱朱古力）、花果協奏曲（柑桔檸檬伯爵茶）等；

免費熱飲答謝前往參觀《羅啟豪冬日約會迷你市集》嘅訪客。

⁠免費美食答謝前往參觀《羅啟豪冬日約會迷你市集》嘅訪客。

2）CP滿滿：設有免費攤位遊戲贈送精美禮品及扭蛋機贈送微縮模型，另有手工藝工作坊及比賽；

非常精美、啟豪有份設計嘅市集周邊產品。

3）打卡位滿滿：多個好玩打卡點——包括一個2.5米高的聖誕花圈；市集採用晴空與大地融合之色調佈置，加上溫馨的北歐設計風格，以呼應設計系出身的主人翁；

4）善心滿滿：為配合常希望回饋社會的主角，同時為因要交換聖誕禮物而煩惱的朋友設想，市集會出售多家本地社企特色產品；在場更有啟豪的二手衣物義賣，以及拍賣由他親手上色的鴨仔，籌得之善款，會捐到服務癌症兒童及其家人的「生命小戰士會」，令市集更添意義。

啟豪為將會拍賣嘅鴨子上色，善款捐俾「生命小戰士會」 。

市集目的正希望透過今次活動，特別是當中一個沉浸式的影音空間，讓更多市民了解羅啟豪為何是本地難得一見的歌手。

「羅啟豪之冬日約會迷你市集」：

日期：12月15、21-26日
活動時間：中午12:00-晚上8:00（15日延遲至下午4時開幕、26日提早至下午4點閉幕）
活動地點：赤柱美利樓 2 樓

「羅啟豪之冬日約會迷你市集」閉幕日演出：
日期：12月26日
「生命小戰士」演出時間：下午3點半
羅啟豪演出時間：下午5點
活動地點：赤柱美利樓入口

羅啟豪（Ramon）近日忙於籌備六月偕譚輝智合作的紅館《雙聲演唱會》，仍不忘在社交平台分享新搞作「羅啟豪音樂小劇場之《歌單中的密碼》」，Ramon說：「最近有音樂串流平台邀請我主持一個鐘頭嘅音樂節目，可以揀自己鍾意嘅歌、同聽眾傾吓偈，一收到呢個邀請就好開心，我真係有好多sidetrack或者滄海遺珠想同大家分享。」

羅啟豪忙於籌備六月紅館演唱會仍不忘創作小搞作。

Ramon靈機一觸，想到將所選的14首歌串連成一個故事，並以劇場版呈現網上最熱門劇情「撞跌對方耳機」去開展的愛情故事 ，可惜基於技術問題，直播時聽眾聽不清楚部分獨白，Ramon決定動手將整個小劇場重新錄製一次，並放在社交平台分享。

啟豪完成音樂小劇場好有滿足感。

Ramon表示，完成後好有滿足感，首先今次與團隊一起創作獨白，亦有運用AI幫助，啟豪坦言：「自己中文真係唔叻，而家入咗行真係要進步得快啲，AI幫自己創作之餘，亦有幫自己改善中文。」小劇場當中有好多精警或者感動嘅句子，問到是否自身經歷，Ramon說：「都有啲㗎，亦有啲係觀察身邊人嘅故事。」獨白包含迷惘、深情、激動、失而復得等各種情緒演繹，啟豪解釋：「其實自己都好有興趣演戲，但暫時未有機會，正好借住呢個音樂小劇場過吓戲癮，希望可以不定時咁做落去，當成係試鏡等導演監製睇吓我有冇演戲潛質！」Ramon外表斯文，心底裏卻渴望嘗試不同片種，甚至殺手、奸角等等反差極大的角色，他笑言：「總之我想演啲同自己完全唔同嘅角色，俾人知道其實我仲有其他面貌！」

羅啟豪以關淑怡舊作《告別戀曲》作爲音樂小劇場《歌單中的密碼》之開場歌曲並配以療癒系動畫。

今次選曲類型非常廣泛，由關淑怡、鄭秀文、許茹芸，到英文歌甚至衛蘭今年新歌《因爲你世界又多一份光亮》，以及許志安剛剛推出的《信天翁》，Ramon忙於預備演唱會都有時間聽新歌？他說：「入行前已習慣每一日都會上網，睇吓當日出咗乜嘢新歌或者新碟，而家確實係忙咗，但係都擺低唔到呢個熱愛，當日一聽到《信天翁》就好鍾意，諗過喺網上面翻唱，點知遇到呢個機緣，就一定要揀呢首歌，感覺仲特別！」

啟豪為新歌及演唱會宣傳，接受譚玉瑛及何基佑電台訪問。

在《雙聲演唱會》又會不會演繹《信天翁》及小劇場的歌單？Ramon說：「我同製作團隊開咗好多次會，希望帶嚟最精彩嘅成果畀每一位入場嘅觀眾，rundown 暫時要保持神秘感，可以講除咗會唱自己歌之外，順應近期八、九十年代經典廣東歌嘅熱潮，我同輝智會唱好多大家一定好鍾意嘅金曲，亦有一啲大家可能少啲聽，但係一聽就心諗：『係喎，唔記得咗呢首咁正嘅歌添！』我哋會用各自唔同得嚟又好夾嘅方法去演繹呢啲歌，有信心觀眾一定會好鐘意！」

「豪吧」在畫展場內所設餐廳特設演唱會主題餐飲。

有啟豪所喜愛之小鴨及水豚甜品布甸。

羅啟豪音樂小劇場之《歌單中的密碼》 介紹：

羅啟豪：「我鍾意聽歌尤其是sidetrack，鍾意到一個病態嘅地步，決定會不定期將我喜愛嘅歌曲製作成一個小劇場去分享俾大家，希望更多滄海遺珠被聽見、被欣賞，希望你會喺我分享嘅歌單裏面，搵到你都想循環播放嘅旋律 。」

啟豪形容自己喜愛sidetracks至病態地步。

歌迷會「豪吧」於進行中之畫展向歌迷送上劇場版獨白收藏卡坐紀念品。