孫慧雪日前到新城廣播接受譚玉瑛、何基佑及黃筠兒主持的《QK玉瑛室》訪問。
孫慧雪大談遇過的瘋狂粉絲，初出道便成為「宅男女神」的阿雪，自爆2016年宣布結婚即出現「脫粉潮」，「結婚前我啲粉絲99%係男仔，一宣布結婚就好多人走，最深刻有位粉絲話好嬲我，佢話好傷心，喊咗成晚。」阿雪透露早年在寓所附近工作完畢，於是選擇走路返家，卻赫然發現一名男子跟蹤自己，令她嚇破膽。「我企喺到望住佢，等佢驚，佢再匿入去條柱入面，我就急步走，好彩都撇甩佢。不過我好多粉絲都好窩心，會成日關心我，好感受到佢哋嘅支持。」
點擊看圖輯
孫慧雪日前到新城廣播接受譚玉瑛、何基佑及黃筠兒主持的《QK玉瑛室》訪問
婚後誕下兩名可愛兒子的阿雪，自嘲是師奶並已失去魅力
阿雪童年時父母已經分開，她從小由嫲嫲湊大，嫲孫感情十分深厚
孫慧雪日前到新城廣播接受譚玉瑛、何基佑及黃筠兒主持的《QK玉瑛室》訪問
婚後誕下兩名可愛兒子的阿雪，自嘲是師奶並已失去魅力，不過譚玉瑛大讚她，「當初認識阿雪，覺得佢好靚又高大，好主動同人傾偈，又成日笑，我最鍾意呢啲女仔；同埋我對佢印象特別深刻，因為佢同我講佢『M痛』，我心諗『M痛咪M痛囉，我都幫你唔到』，乜呢啲都會同人分享咩？」阿雪大笑回應：「我有分享症，乜都講晒畀人聽先舒服。」
婚後誕下兩名可愛兒子的阿雪，自嘲是師奶並已失去魅力
譚玉瑛對阿雪讚不絕口
另外，阿雪童年時父母已經分開，她從小由嫲嫲湊大，嫲孫感情十分深厚，「嫲嫲依家99歲，係好可愛嘅一個人，我媽咪喺我好細個已經離世，我同佢由細到大都冇乜相處，有人會用可憐眼光睇我，但我真係冇嘢，因為嫲嫲畀咗好足夠嘅愛畀我。」
阿雪童年時父母已經分開，她從小由嫲嫲湊大，嫲孫感情十分深厚
《中年好聲音3》鍾凱瑩（車仔）日前到新城接受老公何基佑(Kay)與譚玉瑛、黃筠兒主持的《QK玉瑛室》訪問，分享她人生首支派台歌《不散筵席》的背後故事，以及她從破碎家庭中走出來的心路歷程。
《中年好聲音3》參賽者鍾凱瑩（車仔）日前到新城接受老公何基佑（Kay）與譚玉瑛、黃筠兒主持的《QK玉瑛室》訪問，分享首支派台歌《不散筵席》背後的心路歷程。
車仔在訪問中透露，自己來自一個聽障家庭，父親聽力受損，小時候她與父母溝通主要靠手語。雖然父親聽不到她唱歌，但仍會在她比賽或表演時默默坐在現場支持：「對一個聽唔到嘅人嚟講，其實係好悶，但我爸爸都會坐喺度支持我。」她參加《中年好聲音3》的其中一個原因，正是想做一件令父親驕傲的事。
車仔12歲時母親去世，此前她與母親的關係並不好，更曾遭受虐打、疏忽照顧及遺棄。她回憶，母親最後一次從台灣回港時，買了一大袋衣服給她：「我而家回想，佢想道歉，但佢就冇講對唔住，想做一啲事表示對你好。」
左起：何基佑、佑鍾凱瑩、譚玉瑛、黃筠兒
當時年紀尚小的她未能理解母親的心意，反而感到憤怒：「當我乞兒咩？買一袋嘢，你自己唔啱就買俾我？」及後母親離世，她來不及處理情緒，也來不及與母親和解。如今成為人母的她，反思這段經歷時說：「如果我嗰時成熟啲，我都可以唔使佢講嗰三個字（對唔住），我都可以擁抱佢。」
車仔表示，她過去並不喜歡與人談論自己在兒童之家成長的背景，也不願透露來自聽障家庭。她感謝丈夫何基佑的鼓勵，令她願意打開心扉：「我同佢講完之後，反而佢會鼓勵我，其實你有咁樣嘅人生經歷，你應該多啲同人分享，可以鼓勵到別人。」
車仔自揭來自聽障家庭，12歲時母親去世，曾遭受虐打及遺棄。
她坦言，當她願意分享自己的故事後，不少背景相似的聽眾告訴她，原來這樣的人生經歷也可以坦然說出來，令他們不再介意面對和接受自己。「我覺得同人講嘅時候，唔單止可以接納自己，都可以鼓勵別人接納自己，我覺得呢個對我人生嚟講係更加有意義嘅事。」
提到新歌《不散筵席》，曲、詞、監製為高皓正，當她收到歌詞時，被其中一句「未春天，就已變了昨天，未再見，就已到了這天。」深深觸動。她表示，人生中往往未準備好就要面對各種情況，而這首歌正是提醒大家要活在當下，珍惜每一次與人相處的機會。
車仔感謝老公鼓勵她打開心扉，希望以自身經歷鼓勵別人接納自己。
MV男主角特意邀請了張頴康（康仔）演出，因為需要一位演技精湛的演員來帶動整首歌的情緒。車仔又分享邀請張頴康的經過：「我Send訊息俾康仔，話我嘅MV想搵一個好戲嘅人，佢就話『你問我老婆啦，你同我老婆聯絡』。我同佢老婆講完之後，佢老婆回覆嘅時候就話『你未畀期我喎』，都唔使再問任何嘢！」她表示十分感謝兩夫妻的全力支援。
而車仔的一對寶貝仔女也有份參與MV拍攝。兒子更在拍攝現場說：「我已經想抱佢（康仔）好耐。」車仔又大爆丈夫何基佑擔心兒子在拍攝空檔搗亂，故出動「殺手鐧」：「爸爸驚佢唔使埋位時會搗亂，所以出咗啲數學練習畀佢做，等佢安靜一下。」
詳細節目內容，請重溫4月9日，下午3-4時，新城知訊台《QK玉瑛室》，網址：https://www.metroradio.com.hk/MetroInfo/
