《中年好聲音3》鍾凱瑩接受老公何基佑深情訪問 勇敢分享童年被母虐打遺棄故經歷

《中年好聲音3》鍾凱瑩（車仔）日前到新城接受老公何基佑(Kay)與譚玉瑛、黃筠兒主持的《QK玉瑛室》訪問，分享她人生首支派台歌《不散筵席》的背後故事，以及她從破碎家庭中走出來的心路歷程。

《中年好聲音3》參賽者鍾凱瑩（車仔）日前到新城接受老公何基佑（Kay）與譚玉瑛、黃筠兒主持的《QK玉瑛室》訪問，分享首支派台歌《不散筵席》背後的心路歷程。

車仔在訪問中透露，自己來自一個聽障家庭，父親聽力受損，小時候她與父母溝通主要靠手語。雖然父親聽不到她唱歌，但仍會在她比賽或表演時默默坐在現場支持：「對一個聽唔到嘅人嚟講，其實係好悶，但我爸爸都會坐喺度支持我。」她參加《中年好聲音3》的其中一個原因，正是想做一件令父親驕傲的事。

車仔12歲時母親去世，此前她與母親的關係並不好，更曾遭受虐打、疏忽照顧及遺棄。她回憶，母親最後一次從台灣回港時，買了一大袋衣服給她：「我而家回想，佢想道歉，但佢就冇講對唔住，想做一啲事表示對你好。」

左起：何基佑、佑鍾凱瑩、譚玉瑛、黃筠兒

當時年紀尚小的她未能理解母親的心意，反而感到憤怒：「當我乞兒咩？買一袋嘢，你自己唔啱就買俾我？」及後母親離世，她來不及處理情緒，也來不及與母親和解。如今成為人母的她，反思這段經歷時說：「如果我嗰時成熟啲，我都可以唔使佢講嗰三個字（對唔住），我都可以擁抱佢。」

車仔表示，她過去並不喜歡與人談論自己在兒童之家成長的背景，也不願透露來自聽障家庭。她感謝丈夫何基佑的鼓勵，令她願意打開心扉：「我同佢講完之後，反而佢會鼓勵我，其實你有咁樣嘅人生經歷，你應該多啲同人分享，可以鼓勵到別人。」

車仔自揭來自聽障家庭，12歲時母親去世，曾遭受虐打及遺棄。

她坦言，當她願意分享自己的故事後，不少背景相似的聽眾告訴她，原來這樣的人生經歷也可以坦然說出來，令他們不再介意面對和接受自己。「我覺得同人講嘅時候，唔單止可以接納自己，都可以鼓勵別人接納自己，我覺得呢個對我人生嚟講係更加有意義嘅事。」

提到新歌《不散筵席》，曲、詞、監製為高皓正，當她收到歌詞時，被其中一句「未春天，就已變了昨天，未再見，就已到了這天。」深深觸動。她表示，人生中往往未準備好就要面對各種情況，而這首歌正是提醒大家要活在當下，珍惜每一次與人相處的機會。

車仔感謝老公鼓勵她打開心扉，希望以自身經歷鼓勵別人接納自己。

MV男主角特意邀請了張頴康（康仔）演出，因為需要一位演技精湛的演員來帶動整首歌的情緒。車仔又分享邀請張頴康的經過：「我Send訊息俾康仔，話我嘅MV想搵一個好戲嘅人，佢就話『你問我老婆啦，你同我老婆聯絡』。我同佢老婆講完之後，佢老婆回覆嘅時候就話『你未畀期我喎』，都唔使再問任何嘢！」她表示十分感謝兩夫妻的全力支援。

而車仔的一對寶貝仔女也有份參與MV拍攝。兒子更在拍攝現場說：「我已經想抱佢（康仔）好耐。」車仔又大爆丈夫何基佑擔心兒子在拍攝空檔搗亂，故出動「殺手鐧」：「爸爸驚佢唔使埋位時會搗亂，所以出咗啲數學練習畀佢做，等佢安靜一下。」

詳細節目內容，請重溫4月9日，下午3-4時，新城知訊台《QK玉瑛室》，網址：https://www.metroradio.com.hk/MetroInfo/

藝人郭晉安昨日（8月28日）接受新城知訊台由譚玉瑛、何基佑及林柏希主持的節目《放飯ICU》訪問， 大談演藝生涯、傷患經歷，以及與一對子女的相處點滴。他分享，《戇夫成龍》、《阿旺新傳》中「阿旺」的成功反而為他帶來「困擾」，特別在内地拍劇總有幾集要演「阿旺」。

郭晉安昨日（28日）接受新城節目《放飯ICU》訪問，大談經典角色「阿旺」帶來的「困擾」。

最愛做反派 自爆甩唔到「阿旺」
被問到哪個角色最難抽離，郭晉安直言最愛《忠奸人》中的反派角色：「嗰套劇我真係感覺到自己係一個演員，之前嘅角色我可以好快上身、好快掉走，但《忠奸人》之後，我會諗『我下次會唔會再遇到一個咁嘅角色』。」

至於經典角色「阿旺」，郭晉安笑言角色的成功反而帶來「困擾」：「唔知點解，我做咩戲，特別係返內地拍劇，都總有幾集要我演阿旺！甚至試過發夢夢見自己傻咗！」不過他坦言，若今日再演阿旺，已無法重現當年的感覺：「當年係我當年嘅心態，今日我都成長咗，要我再做返同一個角色，未必會係以前嗰個阿旺。」

熱心推廣網球 獲推選為藝人網球聯盟會長
郭晉安近年熱愛網球，更獲推選為香港藝人網球聯盟會長。他透露團隊約有50位會員，包括李思雅、洪永城等，李思雅因曾是港隊代表，實力最強。他笑言：「我哋以娛樂為主，唔一定係贏輸心態，希望推廣網球俾唔同階層，其實康文署租場好平，唔係有錢人嘅運動。」

他笑言無論拍任何戲，特別是內地劇，總有幾集要他重演阿旺，甚至發夢夢見自己傻咗，但他坦言若今日再演，已無法重現當年感覺。

一對子女各有發展 兒子考入英國皇家音樂學院
談及家庭，郭晉安透露大仔18歲，已考入英國皇家音樂學院主修法國號（French Horn），細女則15歲，留港讀中學。他笑言兒子小一選樂器時，他建議吹色士風「可以搵到食」，但兒子堅持選法國號，原因竟是：「我揀個大個啲咪好抵囉！」引來全場爆笑。

郭晉安又分享送長子到英國讀書時，臨別一刻兒子突然不捨，他感性地說：「佢話：『點解唔係上次去德國吹樂團嗰個心情嘅？』我話：『你係咪好唔捨得我？你記住呢份感情。』」他透露兒子由12歲起已不讓他抱，但當日緊緊相擁，兒子更回頭三次，場面感人。

當被問到長子性格像他還是媽媽時，郭晉安表示兒子性格像他，會從較多角度去想事情，不只是想自己。

至於幼女，郭晉安表示她自4歲開始熱愛跳舞，曾試探叫她放棄，她仍堅持繼續跳。郭晉安說：「我問佢點解咁鍾意跳舞，佢話『我跳舞嘅時候就好開心』，開心係永遠嘅元素。」被問到會否擔心女兒拍拖，郭晉安大方表示：「我自己小學已經暗戀人啦！冇話中學生唔准談戀愛，佢要出現就出現。」

至於自己的感情生活，他表示不會刻意追求，因為自身是基督徒，相信天父自會為他準備；到那一天便避無可避，亦無從選擇。

郭晉安又透露18歲長子已考入英國皇家音樂學院主修法國號，送兒子赴英時對方不捨回頭三次，場面感人。

曾因拍劇傷膝「碎片留喺入面」 靠意志擺脫「與痛共存」
談及做運動習慣，郭晉安透露多年前因拍古裝劇經常跪地、吊威也，導致膝頭留下嚴重傷患。他憶述：「嗰時鼎爺同我講：『你帶返個Pad啦！你咁樣砰一聲跪落地下，第時老咗你就知死！』但嗰時後生，覺得冇事。」 郭晉安坦言，拍攝《忠奸人》前曾接受手術，惟康復後打網球時再度受傷。不過，郭晉安從未放棄，他後來在物理治療師指導下，一星期練兩次，半年後痛楚完全消失。

重溫節目，請於8月28日上午11:00登入知訊台《放飯ICU》：https://www.metroradio.com.hk/MetroInfo/