大熊貓BB細佬被封Pose王 趣萌乖巧搞笑樣冧死網友狂畀Like

各位大熊貓迷都非常留意兩隻熊貓BB的動態，日前官網貼出細佬最新萌照，短短15小時就有近2萬個Like！細佬魅力爆燈，不單媽咪家姐鍚到燶，更是贏得各粉絲的萬千寵愛！

大熊貓官網IG圖片

大熊貓官網IG圖片

粉絲們見到細佬各種可愛表情，都紛紛留言大讚太得意啦！「萬獸之王是獅子；萬獸最萌是大熊貓。佢哋敢認第二，無人敢認第一！」、「家姐同細佬真係得意到爆曬燈」、「圖二係幼稚園面試相」、「第四幅家姐，聯想起孟克的「吶喊」！」、「救命呀～～呢輯相搞到ee心臟爆裂啦！好得意呀，佬今次好似搶咗家姐風頭咁，表情同pose好QQ」更有網民笑說「細佬呀，唔怪得知盈盈媽成日都要咬住你唔放，因為你真係好得意呀！我都好想咬住你唔放」

大熊貓官網IG圖片

大熊貓官網IG圖片

大熊貓官網IG圖片

大熊貓官網IG圖片

一轉眼，海洋公園大熊貓「盈盈」的一對龍鳳胎在今日（15日）已經五個月大喇！海洋公園在社交網站突擊測驗大家：「今日係咩日子？今日係家姐同細佬誕生5個月嘅大日子！ (果然BB都係暴風式成長)！」

IG圖片

作為熊貓粉絲，相信大家都已睇過「家姐」同「細佬」瀡滑梯、玩木馬得心應手的影片，海洋公園指，這亦代表「家姐」同「細佬」已經準備好在有樹、石頭、草地及斜坡的新環境探險了！

邁入5個月大的「家姐」同「細佬」最新片段亦曝光，兩人終於走出育嬰室，踏上海洋公園戶外草地這片熱土！只見「家姐細佬」都極度興奮，趴在石頭上盡情玩樂，細佬趴在樹樁上瞬間變「樹熊」，更搞笑感歎「草地真係好正呀！」。

IG圖片

IG圖片

IG圖片

IG圖片

而「家姐」亦極度活躍，爬上爬下，一個不小心，同「細佬」雙雙跌下，不過絲毫不損二人玩樂的雅興，響邊度跌低就要響邊度起翻身，兩舊黑白「糯米糍」繼續在玩樂中探索世界，為下個月正式見公眾熱定身！

IG圖片

IG圖片

IG圖片

IG圖片

IG圖片

網友們紛紛留言，祝福我哋一對港產大熊貓BB邁入5個月大：「恭喜家姐細佬寶貝五個月大大個仔大個女好多，兩姐弟還可以第一次去外場草地玩，不過奶爸奶媽小心照顧保護牠們畢竟外場地方比較大」、「正呀，兩姊弟出草地玩啦」、「第一次外場啊！」、「已經睇到佢地通山走，奶爸奶媽對腳要裝轆兼叉好電，辛苦哂」、「好嘢，孖寶可以出去玩啊！你哋要跟實盈盈媽媽，要好好聽媽媽話，要學好所有生活技能做隻叻叻熊貓」