大熊貓BB細佬被封Pose王 趣萌乖巧搞笑樣冧死網友狂畀Like

各位大熊貓迷都非常留意兩隻熊貓BB的動態，日前官網貼出細佬最新萌照，短短15小時就有近2萬個Like！細佬魅力爆燈，不單媽咪家姐鍚到燶，更是贏得各粉絲的萬千寵愛！

大熊貓官網IG圖片

大熊貓官網IG圖片

粉絲們見到細佬各種可愛表情，都紛紛留言大讚太得意啦！「萬獸之王是獅子；萬獸最萌是大熊貓。佢哋敢認第二，無人敢認第一！」、「家姐同細佬真係得意到爆曬燈」、「圖二係幼稚園面試相」、「第四幅家姐，聯想起孟克的「吶喊」！」、「救命呀～～呢輯相搞到ee心臟爆裂啦！好得意呀，佬今次好似搶咗家姐風頭咁，表情同pose好QQ」更有網民笑說「細佬呀，唔怪得知盈盈媽成日都要咬住你唔放，因為你真係好得意呀！我都好想咬住你唔放」

大熊貓官網IG圖片

大熊貓官網IG圖片

大熊貓官網IG圖片

大熊貓官網IG圖片

Happy Friday開心星期五又到，海洋公園6隻大熊貓一齊出動，陪一眾打工仔輕輕鬆鬆賀收工！

大熊貓BB家姐。ig圖片

大熊貓BB細佬。ig圖片

周末在望，加上氣溫驟降，天寒地凍，年紀最細的兩隻熊貓BB就一於瞓覺覺豬，家姐仲要瞓到成隻熊仔伏在飲水器上，細佬就來個瑜伽式睡眠，趣緻指數再爆燈。

大熊貓盈盈。ig圖片

大熊貓樂樂。ig圖片

霸氣「安總」安安就不在乎日子，只在乎能否滿「竹」；可可就幾時都係擺出可愛甜美甫士最重要。至於樂樂爸B和盈盈媽咪，就各自精彩，相同的是，呢對新手爸媽都仍然非常年輕，盈盈媽更加同大家玩躲貓貓呢！

大熊貓安安。ig圖片

大熊貓可可。ig圖片

大熊貓龍鳳胎孖B瞓覺至上。ig圖片