大熊貓龍鳯胎BB寫真大放送！肉緊家姐攬實細佬狂錫溫馨又有愛

日前大熊貓官網又大派福利！10張熊貓BB的最新寫真，搞到粉絲們個個都心心眼。只見相中家姐一如既往好肉緊地攬實細佬，係咁錫他的「面珠墩」。

大熊貓官網IG相

對住熱情的家姐，細佬都好識做，挨實對方嗲完又嗲，畫面非常有愛又溫馨！小編都忍不住寫到「見住佢哋慢慢長大，真係好感動啊~」

大熊貓官網IG相

大熊貓官網IG相

大熊貓官網IG相

粉絲們當然第一時間留言狂讚「我膽敢講一句, 香港嘅大熊貓, 小熊貓, BB熊貓係全世界最最最可愛」、「 超可愛呀！感謝工作人員照顧佢地到咁肥肥白白！」、「好得意呀！能夠健康成長，都係靠奶爸奶媽及一眾保育人員努力去照顧，多謝你地」不少網友都不忘留言多謝奶爸奶媽們的辛勤照顧，令兩姐弟可以健康快樂成長，為市民帶來很多美好感動的一刻！

大熊貓官網IG相

大熊貓官網IG相

另外，官網也PO出近日另一段姐弟倆得意的互動畫面同樣贏得大家不少關注！

一轉眼，海洋公園大熊貓「盈盈」的一對龍鳳胎在今日（15日）已經五個月大喇！海洋公園在社交網站突擊測驗大家：「今日係咩日子？今日係家姐同細佬誕生5個月嘅大日子！ (果然BB都係暴風式成長)！」

IG圖片

作為熊貓粉絲，相信大家都已睇過「家姐」同「細佬」瀡滑梯、玩木馬得心應手的影片，海洋公園指，這亦代表「家姐」同「細佬」已經準備好在有樹、石頭、草地及斜坡的新環境探險了！

邁入5個月大的「家姐」同「細佬」最新片段亦曝光，兩人終於走出育嬰室，踏上海洋公園戶外草地這片熱土！只見「家姐細佬」都極度興奮，趴在石頭上盡情玩樂，細佬趴在樹樁上瞬間變「樹熊」，更搞笑感歎「草地真係好正呀！」。

IG圖片

IG圖片

IG圖片

IG圖片

而「家姐」亦極度活躍，爬上爬下，一個不小心，同「細佬」雙雙跌下，不過絲毫不損二人玩樂的雅興，響邊度跌低就要響邊度起翻身，兩舊黑白「糯米糍」繼續在玩樂中探索世界，為下個月正式見公眾熱定身！

IG圖片

IG圖片

IG圖片

IG圖片

IG圖片

網友們紛紛留言，祝福我哋一對港產大熊貓BB邁入5個月大：「恭喜家姐細佬寶貝五個月大大個仔大個女好多，兩姐弟還可以第一次去外場草地玩，不過奶爸奶媽小心照顧保護牠們畢竟外場地方比較大」、「正呀，兩姊弟出草地玩啦」、「第一次外場啊！」、「已經睇到佢地通山走，奶爸奶媽對腳要裝轆兼叉好電，辛苦哂」、「好嘢，孖寶可以出去玩啊！你哋要跟實盈盈媽媽，要好好聽媽媽話，要學好所有生活技能做隻叻叻熊貓」