「綁架」花姐落區派傳單 ERROR不擇手段催谷門票博加埸

花姐在ERROR指導下與他們大跳新歌《野舞士》谷飛！

宇宙天團ERROR事隔兩年，宣布明年1月25日假香港會議展覽中心Hall 5BC再次開騷，舉行Live Show《Katch音樂娛樂平台呈獻: ERROR “WHAT’S GOING WRONG??” 2025》，繼續以包羅萬有的現場演出，為一眾粉絲樂迷送上爆笑一夜。而為催谷門票博加埸有望，ERROR四子12月16日「綁架」花姐開live，大愛的花姐更處女下海接受dance challenge ，與ERROR四子指導下與他們在鏡頭大跳新歌《野舞士》谷飛！

ERROR明年1月再次開騷。

《Katch音樂娛樂平台呈獻: ERROR “WHAT’S GOING WRONG??” 2025》海報。

演唱會門票日前正式開賣，門票雖然未去到被秒殺，但銷情理想，ERROR自然順勢想谷飛，賣晒加埸玩多晚！為逼公司加埸，ERROR前日宣布會齊人開live，當一眾fans坐定定準備睇四子久未齊人live，驚喜出現！

ERROR「綁架」花姐。

四子開Live笑料百出！

ERROR帶同五花大綁的花姐出現，突發Re-U《花姐ERROR遊》。花姐身上的麻繩明顯縛得很鬆，但配四子的嘴賤，笑料百出，唔少得當然仲有大家期待花姐鬧人畫面。

至於全個live高潮，是花姐要四子各人即席solo跳舞外，花姐更加獻出處女下海大跳ERROR新歌《野舞士》，霸氣叫話：「唔買飛正X街！」而Dee哥預告會落區派宣傳單張，希望為演唱會成功加埸！

ERROR帶同五花大綁的花姐出現。

《Katch音樂娛樂平台呈獻: ERROR “WHAT’S GOING WRONG??” 2025》演唱會資訊：
日期：2025年1月25日（星期六）
時間：晚上 8時 15分
地點：香港會議展覽中心Hall 5BC
票價：$1180 / $880 / $680
門票現正於快達票公開發售
網址：http://www.hkticketing.com

193後悔沒有親口多謝外公。

ERROR成員郭嘉駿（193）昨日（1月14日）迎來35歲生日，本應是開心事，不過他在IG上載與外公外婆的舊合照，發長文指外公在前晚離開人世，並感慨表示：「呢幾日係我腦海不停徘徊住呢四個字，愛得及時」。

193粉絲日前為他舉辦生日會，慶祝其35歲生日。

193提起與外公外婆的相處點滴：「我細個有段好長嘅時間都係公公婆婆湊我，因為爹哋媽咪日頭要返工，所以我每日放學都會去公公婆婆屋企，到食完晚飯先跟爹哋媽咪返屋企。以前一直都覺得公公好犀利，到咗呢個年紀都仲可以身體咁健康冇病冇痛周圍走，個腦仲係轉得咁快可以睇財經炒股票，但係近一兩年佢身體狀況突然急轉直下，以前每次上去佢屋企食飯我都食好多嘢，因為佢煮餸嘅味道出面係食唔到。」

他續寫道：「以前每年新年都好期待食到佢親手整嘅蘿蔔糕，因為好足料好好味同出面買嘅蘿蔔糕根本冇得比，但係近年因為佢身體狀況越嚟越差，所以已經好耐冇食過佢親手煮嘅嘢食，不過食唔食到都係其次，大家都覺得佢身體健康先係最重要。」

193發長文悼念外公。

分享兒時與外公外婆的合照。

他指自己自6年前入行以來，外公外婆一直追看他的節目、劇集，甚至報道：「我開始覺得終於可以令佢安心令佢自豪，就算遇到咩唔開心咩挫折，佢問起我都會話冇事所有嘢都好順利唔使擔心，直到真係賺到錢想請佢去旅行，先發覺佢身體條件已經唔許可。」

193坦言因工作忙碌，忽略了外公，錯過陪伴他的時候：「搬咗屋想帶佢上嚟睇，買咗新車想帶佢兜風，開咗新餐廳想帶佢去食，一直覺得仲有大把時間唔使急住做，但原來所有嘢都要愛得及時。有時會責自己唔夠叻，如果我叻啲就可以喺頒獎台上面多謝佢。但原來時間係唔等人，佢前兩日望住我話多謝我嚟探佢，但我見到佢咁辛苦真係好心痛，本身想話多謝佢一直以嚟咁錫我哋就真，不過因為唔想畀佢見到我喊所以轉身行開咗，到尋日再去醫院佢已經冇再郁過，我仲未來得及多謝佢，佢就已經走咗。」

3妹亦貼出家庭照。

昨日正日生日的193回憶：「以前每年生日都會收到公公畀我嘅生日利是，突然發覺原來以後都冇機會再收到。」

而193的媽媽及妹妹「3妹」郭嘉盈（Michelle）都分別在IG發文悼念，3妹寫道「My Supper Grandpa」，而193的媽媽則感謝爸爸的教導，寫道「You are my hero」。

193的媽媽