直播靈接觸｜拆解張國榮黃家駒擁「童子命」 楓燧道長︰精神長存影響幾代人

「童子命」即是前世守護天庭、服侍神明的童男童女，後來被貶到凡間或者有任務在身，能力越大，責任越大。

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》昨晚（12月17日）主題為「童子命」請來《通靈之王2》冠軍楓燧道長擔任嘉賓，「童子命」即前世守護天庭、服侍神明的童男童女，後來被貶到凡間或者有任務在身，總之能力越大，責任越大。

昨晚（17日）主題「童子命」，請來楓燧道長任嘉賓。

昨晚（17日）主題「童子命」，請來楓燧道長任嘉賓。

節目中思浩問到楓燧道長有那位圈中人、名人最有機會擁有「童子命」時，楓燧道長說︰「首先童子命唔一定犯錯，俾神仙貶咗落嚟（凡間），有任務都可以，完成之後就可以返嚟（仙界）。娛樂圈中有幾位我覺得係犀利，好似哥哥張國榮，佢做完嘢之後，就會返上去。而佢嘅精神係長期留咗係度，佢啲歌影視作品一路影響住一代代人，仲有係黃家駒啦，都好一樣。」另外師傅亦提到周星馳、金庸等都是典型「童子命」人。

楓燧道長表示不少圈中人擁有童子命。

楓燧道長表示不少圈中人擁有童子命。

楓燧道長透露從身體特徵亦可以辨別，一般特點是樣貌童顏、清秀如小朋友，手掌的掌紋亦有啟示，他說︰「最簡單是睇右手掌，代表人間、後天。如果食指下面藏有『十』、『米』、『井』字就代表你係童子命。」楓燧道長話以井字靈應能力最強，同天地間溝能力更加大，他說︰「係嚟世間濟世道人。」即場思浩及Jojo都不約而同發現有「井」字，思浩對Jojo說︰「所以我哋啱去做多啲善事，做多啲修行工作。」

思浩跟Jojo都有童子命。

思浩跟Jojo都有童子命。

楓燧道長表示擁有此命的人好處是「童子命」人，大多是靚仔、靚女，就算人到中年容貌都會很年青，他接住補充說︰「靈應能力同創造性較強，容易賺快錢。但壞處亦有，好多人驚童子命會短命，其實唔一定。係偷跑、貪玩走落嚟嘅至會『畀人捉返去』早夭。最大難關是童子命唔可以結婚，所以姻緣都唔會好。」楓燧道長表示被稱為「神的印章」的胎記，亦是一個強烈線索，但要配合出生的時辰計算，才可以斷定是否「童子命」。

楓燧道長表示胎記亦可顯示童子命。

楓燧道長表示胎記亦可顯示童子命。

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》，周一晚9點半及周二晚9點35分。黑白無常黃瀅仴、湯之欣，繼續任小編跟網民互動。

堪輿學家唐碧霞師傅擔任嘉賓。

堪輿學家唐碧霞師傅擔任嘉賓。

堪輿學家唐碧霞師傅擔任嘉賓。

昨晚（12月22日）主題為「九宮飛星」，九粒星順序為︰桃花星、病符星、是非星、文昌星、五黃災星、武曲星、破軍星、八白財星及喜慶星，各星位置每年都會出現不同位置。請來堪輿學家唐碧霞師傅逐粒星拆解，資訊量極為豐富。

唐碧霞師傅拆解明年九宮飛星宜忌。

唐師傅由第一粒「桃花星」講起，該星主人緣、貴人，明年會在整間屋的中宮位置，想催旺可放置水種富貴竹，她說︰「如果想催旺姻緣，可以喺呢個位放音樂盒。而第二粒星「病符星」位於西北方，所以出年間屋呢個位係最差，易導致受傷同有小毛病，要非常小心處理。此星屬性為土，所以忌放紅、黃、啡、紫、橙。」亦不宜放會動的物品如風扇、空氣清新機，要化解可以擺六帝錢化病化災，唐師傅補充說︰「假如床頭都係向西北，床單就唔好用紅、黃、啡、紫、橙5種顏色，可以用黑、藍灰、白，減低病星影響。

唐碧霞師傅拆解明年九宮飛星宜忌。

唐碧霞師傅拆解明年九宮飛星宜忌。

節目中接住講的「是非星」會在正西方，會招惹是非、爭執及麻煩事，亦不宜放植物同水，可以放粉紅色物品如地毯、海報化解。不過唐師傅表示有客人反而喜歡催旺此星，她笑說︰「好似從事娛樂圈同律師行業好着緊呢個位，因為是非就係佢哋嘅生意，對藝人嚟講，多人講、有是非即係多關注度。」而莘莘學子及家長非常重視的「文昌星」，來年會移往東北方，只要保持乾淨、整齊光潔名亮就可以，要催旺的話放4支水種富貴竹及擺放自己的相片便可。唐師傅提到明年要特別留意南位的太歲位，有「五黃災星」進駐，忌放紅、黃、啡、紫、橙，亦不可放置會動的事物，她解釋︰「因為太歲頭上唔可以動土，要化解都可以放六帝錢，如果大門開門向南嘅話，嚟緊農曆年唔好貼揮春，地下放一塊灰色地毯就可以。」此外，各星位置會在明年新曆2月4日立春後適用。

唐碧霞師傅拆解明年九宮飛星宜忌。