MIRROR Chef｜姜濤度身訂造創作飯團生日蛋糕 Ian親自整窩夫大受歡迎

姜濤、Ian、Jer與Anson Lo製作創意飯團料理，勢要贏取小朋友歡心！

ViuTV全新節目《森下仁丹Bifina Si益生菌 呈獻：MIRROR Chef》逢星期一至五晚上10時30分播放。12子將會化身廚師進行廚藝大比拼，發揮佢地嘅創意同想像。節目以不同的遊戲競賽考驗MIRROR的廚藝，在「廚神」的美譽和「地獄廚神」的封號之間決一勝負！

Jer、Anson Lo、姜濤和Ian看到兩位小朋友即時面露笑容！

姜濤用炸雞引誘熹熹。

姜濤和熹熹十分合拍傾過不停！

姜濤作品「Monna的生日蛋糕」。

今晚（12月26日）播出的一集，姜濤、陳卓賢（Ian）、柳應廷（Jer）和盧瀚霆（Anson Lo）將會為兩位小朋友嘉賓薛然熹（熹熹）和霍曉澄（Monna）度身訂造飯團，勢要奪取他們的歡心。而得知Monna生日後，姜濤更特別做了一個飯團版的「Monna的生日蛋糕」，又唱生日歌，氹得Monna十分開心！面對著同樣為食的熹熹，姜濤用炸雞誘惑熹熹隔空交流，成功令到他主動上前試食。

Ian作品「海底動物園」。

Ian非常專心地製作腸仔八爪魚。

柳應廷（Jer）的「怪獸大戰」就吸引到熹熹舉手主動試食，令Jer不禁大讚他有品味。另外，一心想改變小朋友偏食習慣的Anson Lo製造了「以實力取勝」的飯卷配搭雞胸，可惜慘遭最討厭食雞胸的Monna堅決拒絕。最後，Monna表示最喜歡姜濤的飯團料理。熹熹就表示最喜歡Jer的料理，笑言會俾二百萬分。在旁的姜濤隨即笑言：「一千萬滿分，仲有8百萬分呢？」，熹熹十分識做指8百萬分會全給姜濤，令到他十分開心。

Ian餵Monna食腸仔，慈父上模樣十分有愛！

Ian牌窩夫大受熹熹和Monna歡迎。

Jer作品「怪獸大戰」。

Jer跟熹熹同樣喜愛吃炸雞，二人興奮擊掌！

之後，陳卓賢（Ian）整作專給小朋友吃的窩夫，獲得大受歡迎，令熹熹和Monna吃不停。本來已吃完一份的Monna眼仔碌碌地望住Ian暗示想再吃多份。可愛的模樣令Ian冧爆甜笑。而熹熹亦十分貼心地餵Ian食窩夫，埸面十分有愛。

盧瀚霆（Anson Lo）和柳應廷（Jer）。

Anson Lo作品「以實力取勝」。

MIRROR成員盧瀚霆Anson Lo今年以「雙單曲」企劃形式推出主打歌，繼上周推出首支個人國語單曲《goofy》，並挑戰全新曲風與輕柔唱法後，10月20日正式推出「雙單曲」企劃內的主打歌《午夜場》。歌曲以深夜愛情的獨特視角出發，MV更特別於酒店泳池取景，Anson Lo除了在池邊Solo獻舞外，更身穿白色恤衫落水濕身展現修身成果，配合極具親密感的音樂氛圍，為歌迷帶來視覺與聽覺的雙重享受。

Anson Lo盧瀚霆推出今年「雙單曲」企劃主打歌《午夜場》，以深夜愛情視角出發，MV於酒店泳池取景。

《午夜場》由孫廷作曲、T-Rexx填詞、Edwin Tong編曲及Edward Chan監製。談及今次「雙單曲」企劃的意念，Anson Lo說：「今次雙單曲嘅第二首歌叫做《午夜場》，係一個2026年第三part嘅雙單曲，入面想用愛情去貫穿住今次呢個project。可能《GOOFY》就係day time嘅，《午夜場》就係night time嘅，即係夜晚深夜午夜嘅時候嘅愛情角度。點樣去睇到你都係活在當下，去享受呢一個moment，唔好諗咁多嘢，即係同我一齊就已經足夠。」

他全程獨自Solo獻舞，更身穿白色恤衫落水濕身，若隱若現展現修身成果。

MV故事及畫面就像《goofy》一樣，由Anson Lo親自主導創作，並繼續與合作無間的導演鍾偉權（權導）團隊攜手打造。雖然《午夜場》與《goofy》的MV安排在同一天拍攝，但在有限的時間與預算下，團隊依然交出高品質作品。Anson Lo感激說：「真係辛苦晒所有工作人員！喺有限嘅時間同預算之內要做晒我哋心目中想呈現嘅畫面，其實真係好難，辛苦權導幫我拍攝兩隻MV！其實《午夜場》嘅MV，每一個拍攝角度、每一個angle、long shot、畫面，係由自己決策、自己去構思嘅。喺權導揸機拍攝下嘅每一個鏡頭，可以呈現到自己腦海中一直好渴求嘅畫面。」

不過今次MV比過往特別，未有邀請舞蹈員參演，由Anson Lo全程獨自Solo演出，背後蘊含著他對歌曲的獨特理解：「今次呢隻MV自己都堅持係唔需要邀請dancer朋友一齊跳，因為呢一首歌其實我自己覺得好似係有人喺你耳邊、臨瞓之前唱歌畀你聽，所以我覺得呢個咁親暱嘅感覺，由自己一個solo去跳晒所有跳舞嘅部分，係可以拉近到同聽眾、拉近到同睇緊MV嘅每一位，你哋都可以更加之貼近。」

Anson Lo透露半年前展開地獄式修身，控制飲食兼做gym，望線條更slim。

MV特別安排於酒店泳池拍攝，Anson Lo除了在池邊獨自跳舞思念另一半，更身穿白色恤衫落水濕身，若隱若現展現肌肉線條。他透露早在半年前已展開地獄式修身：「咁啱今次MV適合著一啲較為revealing（顯露身材）嘅服飾。而呢幾年一直係有做gym，想自己一個人厚實啲，半年前開始地獄式修身，因為今年嘅目標就想有啲唔同，slim啲、想收返啲線條。去到而家一個狀態就係想keep，所以大家可能都會見到我仲有keep住做gym、去跑步，甚至係飲食控制，都純粹係自己想keep。」

他親自主導MV創作，指歌曲如有人在耳邊唱歌，故堅持不邀舞蹈員，以solo拉近與觀眾距離。

除了發行「雙單曲」，Anson Lo更驚喜宣布今年的重磅音樂計劃，預告將會推出第二張個人專輯：「2026年有一個音樂大計都可以劇透畀大家，就係將會有自己個人嘅專輯，係自己第二次嘅個人大碟！今次大碟嘅美術風格會同第一次好唔同，想呈現一個比較成熟少少嘅Anson Lo會係一個咩感覺，所以大家可以期待下。」

Anson Lo亦預告今年將推出第二張個人大碟，美術風格與首張截然不同，呈現更成熟的Anson Lo。