ROVER用歌曲與粉絲歡度聖誕 平安夜遊走香港busking唱足7小時

大埔旺角站人數太多被腰斬！

樂隊ROVER的Kim （卓金樂）、Jason（雷濠權）、亨仔（陳鎮亨）及希晉（王希晉）昨晚（12月24日）平安夜舉行接力馬拉松式busking，由下午五時半唱到接近凌晨一時，遊走大埔、觀塘、旺角及中環，期間大埔站有亨仔妹妹十冰及ERROR成員Poki（吳保錡）加入，而期間大埔及旺角兩站因聚集人數太多，怕出意外被逼腰斬！

ROVER平安夜遊走香港busking。

唱足7小時！

ROVER今年平安夜接龍式走訪新界、九龍及香港busking，第一站 下午五時半，亨仔同妹妹十冰在大埔火車站行人隧道率先開始，一小時後Poki加入，與亨仔合唱了兩首歌，包括：《跑吧，小丑 》及陳奕迅《葡萄成熟時》，之後Poki再獨唱《祝君好》。二人的歌聲吸引fans、Poki大埔區跑友撐場外，還吸引不少途人駐足觀看，最後考慮到安全問題，Poki由三首獨唱被逼縮成一首。而首次與Poki busking的亨仔，席間公然挑機Poki跑步，說︰「師兄，幾時帶我跑步？下個禮拜跟你跑。」但當Poki表示,隨時歡迎，一眾跑友及fans追問︰「係咪先？」，亨仔又即耍太極︰「再講！再講！我驚我跑唔郁。」非常搞笑。

Jason

Kim

隨後晚上七時半，亨仔轉到觀塘海濱公園會合希晉，在fans的燈海下唱近一小時後，再轉場到第三站旺角，ROVER合體唱了新歌《陪我一路漫遊》及出道作《秒速8公里》，而新接力的Jason則獨唱了《Miss Call》，以及右眼剛做了小手術的Kim也獨唱了《 關於我愛你 》。最後ROVER在晚上十一時五十分趕到中環9號碼頭，與Fans倒數迎聖誕，及現場同fans拍照留念。

希晉

保錡

亨仔與保錡合唱。

馬拉松接力唱，ROVER都說是一個難忘經驗，由於是接力中間又有車程，所以都唔算太辛苦，希晉：「好多謝大家的熱情，雖然我哋準備咗50首歌唱唔晒，但約定大大家下次再唱。」Jason說：「好多謝佢哋跟足四站，又準備暖包、零食俾我哋，好暖心，係我香港過最難忘的聖誕。」至於剛做完右眼小手術的Kim，說：「因為眼瘡遲遲唔好，所以早兩日搵醫生處理，醫生有話盡量避免去人多地方，但今年係ROVER第一個同fans過的聖誕，好想出席，見到大家好開心。」

亨仔與妹妹十冰合唱。

亨仔

十冰

樂隊ROVER成員亨仔（陳鎮亨）、Kim（卓金樂）、希晉（王希晉）及 Jason（雷濠權）推出全新單曲《白日夢之旅》，今次四位成員展現極高創作自主度，全團一同包辦曲、詞、編、監重任。歌曲以白日夢為核心主題，並以水的四種形態—雪、雲、霧及雨，比喻四人雖然性格各有不同，但追求夢想的本質依然一致，陪伴每一位在現實與夢想之間掙扎的追夢者。除了音樂上的突破，四位成員今次更首次齊齊擔當MV監製與導演，將最真實的私下相處日常呈現給觀眾。

樂隊ROVER推出全新單曲《白日夢之旅》。

談到新歌創作靈感，Jason坦言社會往往對追夢的人帶有偏見，「會想用白日夢做呢首歌嘅主題，係有好多人會覺得我哋追緊夢嘅人，其實都係發緊白日夢或者發明星夢。其實喺個白日夢入邊，係咩都有可能會發生，可以做啲估唔到會做到嘅事，又或者係有啲意想不到嘅結果。所以對於我哋嚟講，白日夢係一個好好嘅機會，去比我哋幻想吓喺自己嘅人生之後會變成點樣。」

亨仔

Kim

希晉

Jason

今次新歌在概念上亦加入了獨特的比喻，Kim解釋水的不同形態正正代表著四人的特質，「呢首歌我哋用咗四種水嘅形態去代表我哋四個，包括係雪、雲、霧、雨。雖然佢哋係唔會喺同一個氣候出現，但係四種都係水。就好似雖然我哋四個性格、想法有時都好唔一樣，但四個嘅本質都係一樣，只係化作咗唔同嘅形態去展示俾大家睇。」

除了音樂概念特別，今次MV拍攝對ROVER來說更是一次全新嘗試。Kim說：「覺得今次拍MV同埋首歌嗰個題材都好特別，去拍我哋玩嘅過程，而唔係一啲好嚴肅嘅嘢，呢一個主題我哋都係想做好耐，所以今次建議由我哋自己操刀。」

觀看相關影片按連結：https://youtu.be/8ZacHdeOiG4

為了提高參與度，成員亨仔今次更首次擔任MV監製。在挑選拍攝地點時，亨仔建議大家一起到長洲取景。首次踏足長洲的Jason笑言感到非常新鮮,「亨仔建議話不如我哋去長洲，咁我就真係第一次去長洲！今次去到長洲就覺得所有嘢都係好有標誌性，長洲有少少似澳門嘅feel，大家嘅節奏比較慢啲，係一個好適合發白日夢嘅地方。」

MV圖片

MV圖片

希晉亦補充表示，自己構思MV是希望拉近與粉絲的距離：「今次嘅MV我哋親自操刀、自己構思。咁點解會有今次諗法呢？其實我哋係想將我哋平時最真實嘅相處模式去呈現比觀眾。」向來喜歡設計的希晉，繼之前為團隊設計crew T外，今次亦為新歌封面設計字體。

MV圖片

MV圖片

自從去年拍攝團綜及遠赴台灣拍攝MV後，亨仔、Kim、希晉及 Jason已有一段時間沒有一同過夜。正當大家滿懷期待以為今次可以趁長洲取景重溫兩日一夜之旅，豈料在民宿休息時遇到的突發危機，竟徹底破壞了這個美好計畫！Kim說：「MV執行嘅時候，都係自己諗邊個揸機、拍咩位，感覺還好，係唯一到我哋拍完，返民宿休息，點知有隻半隻手掌咁大嘅曱甴！搵來搵去都唔知佢匿埋喺邊，我哋最後鼓起勇氣，同公司講我哋都係買船飛返香港！」

MV圖片

MV圖片

除了突發狀況，四人在剪輯時亦遇到素材不足的挑戰。希晉分享解決方法，反而為MV增添了珍貴畫面：「完咗之後發現唔夠片，咁我哋就要構思吓究竟要點樣可以填補返。最後諗到返band房，大家一齊去傾吓偈，然後攞部camera就錄住我哋一齊傾偈，係好美好嘅回憶。始終係第一次執導，希望之後都會有多啲呢啲嘅機會。」