大熊貓BB拆禮物開心到飛起 家姐飛擒大咬同細佬講sorry

大熊貓龍鳳胎聖誕節大豐收，Boxing Day(拆禮物日)開心到飛起，見到五顏六色的禮物名副其實的來個「飛擒大咬」！

大熊貓龍鳳胎齊齊拆聖誕禮物。ig圖片

海洋公園社交平台26日鋪出新片，家姐細佬對奶爸奶媽送的禮物期待指標爆燈。只見家姐邁步走向結了靚靚蝴蝶花帶的禮物袋，但腳仔始終未夠力，不時跣腳，但都無阻家姐拆禮物的心急。兩隻BB熊貓圍住禮物，手口並用，好奇探索到底熊生第一個聖誕，會收到甚麼禮物呢？

大熊貓BB中的家姐飛撲向細佬。ig圖片

大熊貓龍鳳胎齊齊拆聖誕禮物。ig圖片

呢次輪到家姐化身「心急熊」，一個飛撲撞向細佬，但一向疼錫細佬的家姐，好快就同細佬講：「唔好意思，心急咗少少」。龍鳳胎對奶爸奶媽送的禮物愛不釋手，而奶爸奶媽抱住兩姐弟，同樣係愛不釋手啊！

有網民留言說：「倆姐弟就係全香港人最佳嘅聖誕禮物」，又有人話，「家姐不停失重心，好搞笑」、「細佬傻更更，見家姐飛撲去拆禮物，自己先識去?件禮物」、「佢哋差唔多可以企起身啦！好快就可以行㗎啦，好期待」、「家姐飛撲有潛質打摔角」。

大熊貓龍鳳胎好喜歡奶爸奶媽送的聖誕禮物。ig圖片

大熊貓龍鳳胎齊齊拆聖誕禮物。ig圖片

萬千寵愛的大熊貓龍鳳胎「加加」、「得得」好食好住好玩，最新消息兩姐弟體重已經超過35公斤！而且，告別BB餐，開始食窩窩頭了，讓契爸契媽既感欣慰，又捨不得兩個寶貝大得太快。

家姐細佬體重超過35公斤啦！香港大熊貓官方專頁ig截圖

家姐「加加」同細佬「得得」已經15個月大，由老鼠仔一樣的BB，長大到現在肥嘟嘟，識得「費媽」，識得打架，又識得撒嬌。

家姐細佬接受護理訓練。香港大熊貓官方專頁ig截圖

海洋公園的香港大熊貓官方專頁最新帖文帶來好消息，家姐細佬有不少成就解鎖，例如接受護理訓練，奶媽吹著哨子，加上手指指示，細佬就懂得朝奶媽方向走去，準備飲盆盆奶；又例如奶媽叫「加加」，家姐聽懂自己被點名，就馬上「應機」，聽明白指示自己走去正確的地方。

家姐細佬接受護理訓練。香港大熊貓官方專頁ig截圖

大熊貓家姐細佬開始食窩窩頭了。香港大熊貓官方專頁ig截圖

家姐細佬每日都探索和學習新事物，在奶爸奶媽、契爸契媽眼中，是越來越聰明和勇敢了。「睇到好感動，但ee唔想你地大得咁快」，「係盈盈媽媽，奶爸奶媽教導有方又有愛心細心，所以兩個寶貝無論身型同學習都進步好多」，「升中學了啦，接受正式訓練了！家姐叻叻！細佬開始食窩窩頭呀，唔怪之得有35kg重呢！兩姊弟加油！各位奶爸奶媽辛苦了」，「身形就嚟追得到盈盈啦」，「奶爸奶媽們準備要抱不動兩姐弟了」。

大熊貓家姐「加加」同細佬「得得」已經15個月大。香港大熊貓官方專頁ig截圖

另外，海洋公園宣布多項門票優惠方案。即日起至12月17日，香港居民可購買「一票雙遊」門票，以成人票價538元、小童票價269元，一個價錢可自由選擇兩個日子入園。由即日起至明年1月4日，推出「二人同行」成人優惠套票，兩位成人票價為915元。今年12月1日至明年1月4日期間，購買兩個或以上「全年會籍」，不論成人、學生或小童會籍，均有85折優惠，即成人年票為1173元，學生或小童年票為833元。