異空感應｜網民競猜「誰是Big Boss」炒晒車！最大嫌疑人何遠東小寶昨晚慘死！

網民大嘆「炒晒車」！

由王心慰（Amy姐）監製，戴德廣編審的《大灣區航空日本仙台航線呈獻：異空感應》，今晚8時30分翡翠台播出大結局。

呢幕東東又想笑又要扮嬲真係做得好好。

呢幕東東又想笑又要扮嬲真係做得好好。

東東話呢幕一Take過，叻叻。

東東話呢幕一Take過，叻叻。

昨晚（26日）播出的第24集，劇情出現極大反轉！自Duncan（阮浩棕飾）離世後，網民將Big Boss矛頭指向可嵐（陳曉華飾）師兄兼好友小寶（何遠東飾），更有網民發揮想像力指小寶應是首個單元「強拍個案」中消失了的的士司機的兒子！不過正當網民覺得答案呼之欲出時，小寶竟成為新連環殺手的槍下亡魂，令網民大嘆「炒晒車」：「小寶係死咗嗰個好朋友？」、「竟然小寶唔係兇手？！」

可嵐認屍時哭成淚人。

呢兩個眼神已夠晒Touching，無聲勝有聲。

呢兩個眼神已夠晒Touching，無聲勝有聲。

呢個笑容，展示了東東的好演技。

自劇集開播以來，何遠東（東東）在劇中一直是舒緩氣氛的搞笑擔當，即使多番向可嵐示愛失敗，仍決定以活潑開朗的狀態與可嵐相處下去，角色討好。不過在結局周小寶的角色出現了戲劇性變化，父親突然破產令他大受打擊之餘，可嵐亦未有將與Dr. Fong（陳家樂飾）拍拖的消息告知小寶，亦使這對死黨一度鬧僵，幸好「口硬心軟」的小寶很快便原諒可嵐，並陪伴可嵐尋找失蹤了的Dr. Fong…可惜就在二人四出調查期間，小寶成了可嵐替死鬼，可嵐則背上殺人之罪落荒而逃…

東東話Hera拍「顯靈」一幕時喊到豬頭咁，仲有相為證添。

呢幕激流戲真係好激。

呢幕激流戲真係好激。

原來個急流係工作人員炮製出嚟，好真。

主動加戲叫陳曉華嗌阿哥！拍動作戲親身上陣感滿意
出名好戲的東東，連續兩晚表現均相當亮眼，當中尤以在警局門口嘴gel gel與曉華鬥氣，及死後「顯靈」鼓勵可嵐兩幕最有記憶點。在警局門口一場，可嵐為了氹回小寶，不斷叫他「哥哥」、「哥哥」，令對可嵐恍榔樹一條心的小寶開心到爆炸，嘴角一再顯露藏不住的春風，但礙於面子又要扮厭惡，甚有喜劇。東東接受TVB.COM訪問時，透露場口是他主動提議曉華叫阿哥，並笑言受監製Amy姐所託要好好照顧曉華：「哥前哥後係我哋現場夾嘅，因為我知道之後要死，咁要呢兩個人冰釋前嫌咗，後面場口先會感動。雖然同Hera係第一次合作，但好感謝佢都好相信我，我就叫佢大膽啲試吓加嘢，好彩Amy姐都收貨，Amy姐交得個角色畀我，佢只係同我講，要好好照顧Hera。」東東又笑言自己「死得好」：「成個動作一Take過，我好開心呀，真係自己做架嘛！」至於顯靈部分，不少網民想到東東在《降魔的》經典一幕，對此東東亦有同感，並謂收到劇本後給予自己的功課，是絕對不能哭：「因為我知道陳曉華一定喊到豬頭咁，佢最後亦一如所料喊到變咗豬頭。」

呢位主角為咗效果都好瞓身，值得掌聲鼓勵！

陳曉華自爆出於本能狂撳家樂頭借力
昨晚另一焦點場口，是陳家樂遭尚未揭示真身的連環兇手扑頭兼跌入急流遇險的一幕，鏡頭所見，現場明顯風高浪急，但家樂及Hera均相當不錫身親身上陣，令網民亦忍不住大感驚嘆：「嘩，真落水，家樂仔咁搏命！」 昨晚，《東張西望》播出場口拍攝花絮，原來相關急流是劇組用數條大水喉炮製出來，直到效果滿意才將家樂仔推出去拍攝，家樂拍畢後受訪時表示：「都幾好玩，第一下有啲驚險，因為條威也扯得緊，唔係好夠力趷個頭出嚟，有少少難度。」他又笑言整個拍攝最不可控的「危險」因素是Hera，並因而「飲多咗兩啖水」，十分搞笑。原來不諳水性的Hera，拍攝時因緊張關係不斷撳家樂的頭借力，令家樂多了「負擔」，Hera接受TVB.COM訪問時說：「我真係好驚，但我跳落水嗰刻係一絲猶豫都冇，因為我知道就算幾驚我都要做好佢。亦因為我好驚水，我就好本能反應咁攞我隻手去撳家樂個頭，想以佢嚟做支撐；後來武指話咁樣唔夠真實，就叫家樂幫手扯番我落水，因為想拍到啲水浸過頭嘅效果，好彩我同家樂都好信任大家，我哋就順利完成咗場戲。好彩呢場戲有對手，唔係孤軍作戰，我都幾感動，呢場戲真係我人生之最。」

二人事後齊齊接受《東張西望》訪問。

黃偉聲監製、馬焱、麥世龍編審的時裝懸疑法證劇《死有對証》，昨晚（10月9日）八點半翡翠台播映大結局，劇情講述程芷昕（陳曉華飾）希望親自替好友單佩嘉（吳若希飾）進行解剖，卻遭林琛（韋家雄飾）拒絕，其後在方文琪（陳熹潼飾）游說下，林琛終答應讓芷昕接手。另邊廂，詹柏宇（阮浩棕飾）與母親馮瑜（韓馬利飾）被孔國全（方紹聰飾）禁錮在貨倉內，期間國全和盤托出真相，承認自己正是殺害甘世宏（譚坤倫飾）與單佩嘉的兇手。與此同時，剛路祭完佩嘉的芷昕碰見國全，憑其水鞋鞋印認出他是兇手。芷昕隨即尾隨對方，卻不幸被發現，遭國全捉到貨倉。幸好危急關頭，高俊（馬貫東飾）及時趕到，成功救出眾人。

摺紙青蛙寓意跳過難關。

韋家雄最初不准陳曉華為吳若希解剖，但在陳熹潼游說下，韋家雄改變主意，批准陳曉華執刀。

韋家雄最初不准陳曉華為吳若希解剖，但在陳熹潼游說下，韋家雄改變主意，批准陳曉華執刀。

韋家雄最初不准陳曉華為吳若希解剖，但在陳熹潼游說下，韋家雄改變主意，批准陳曉華執刀。

陳曉華路祭吳若希時遇見方紹聰，但跟蹤期間被對方發現及捉到貨倉，與韓馬利和阮浩棕一齊被困，幸馬貫東及時趕到，上演英雄救美一幕。

陳曉華路祭吳若希時遇見方紹聰，但跟蹤期間被對方發現及捉到貨倉，與韓馬利和阮浩棕一齊被困，幸馬貫東及時趕到，上演英雄救美一幕。

陳曉華路祭吳若希時遇見方紹聰，但跟蹤期間被對方發現及捉到貨倉，與韓馬利和阮浩棕一齊被困，幸馬貫東及時趕到，上演英雄救美一幕。

陳曉華路祭吳若希時遇見方紹聰，但跟蹤期間被對方發現及捉到貨倉，與韓馬利和阮浩棕一齊被困，幸馬貫東及時趕到，上演英雄救美一幕。

前晚（8日）一集，陳曉華（Hera）於殮房撫屍對話的一幕搞喊無數網民，昨晚結局劇情「再接再厲」！Hera在喪禮上，先是細心地擦拭吳若希的遺照，再溫柔地幫她整理遺容。隨後Hera於講台上強忍哽咽、帶着微笑說出感人悼詞。她眼泛淚光表示身為法醫，早已見慣生離死別：「但原來喺棺材度，見到自己最好嘅朋友瞓喺度……個心都會好難受、好痛」、「嘉嘉絕對唔會想大家愁雲慘霧，帶住一副喊樣去送佢走」、「所以我哋一定要笑住送佢走，唔好畀佢見到我哋喊苦喊忽。」Hera全程眼泛淚光但面帶微笑，以第一身「心底話」的平實聲調，向台下親友訴說與吳若希的往事，完美呈現她既傷心，又想為好友保持堅強的複雜心情。

而結局一幕亦充滿心思，韋家雄與陳曉華在解剖室內討論死者死因，韋家雄突然提醒：「你唔好當呢單Case，就係當年你爸爸單Case一樣先得㗎。」陳曉華才驚覺原來恩師一直默默把她的身世放在心上，緊張追問：「你一早知我係程大東個女？你幾時知㗎？」韋家雄只淡淡然拋出金句：「呢度係解剖室，唔係聊天室，我哋要尊重死者。生死之外無大事，呢度交畀你喇。」說罷便瀟灑轉身離開。陳曉華目送恩師背影，眼神由驚訝轉為無比堅定，無聲地向對方許下承諾，自己可獨立承擔重任。

不少網民大讚《死有對証》結局安排：「十分欣賞片末交代林醫生一直知道程醫生是之前的女孩子」、「林醫生把File交給程醫生，離開解剖室時超帥」、「簡簡單單便做到傳承感覺。」而Hera的感人演出，亦收穫不少好評：「最後看到程醫生對着嘉嘉的遺體哭，有眼泛淚光，陳曉華做得幾好」、「陳曉華洗脫花瓶之名了」、「程醫生不停搞喊人」等。亦有很多網民集氣跪求拍續集：「大結局好唔捨得，會唔會有續集」、「近期難得的佳劇，很希望拍續集。」

陳曉華為吳若希整理遺容。

陳曉華為吳若希整理遺容。

陳曉華為吳若希整理遺容。

曉華喊住笑的表情感動不少觀眾。

曉華喊住笑的表情感動不少觀眾。

阮浩棕與吳若希的道別戲亦相當感人。

阮浩棕與吳若希的道別戲亦相當感人。

阮浩棕與吳若希的道別戲亦相當感人。

摺紙青蛙寓意跳過難關
Hera接受官方訪問時透露，拍攝喪禮戲份期間，腦海不斷浮現程芷昕與單佩嘉的回憶，但同時又清楚知道對方已不在人世，雖然情緒傷感，但她知道對方不希望看到自己不開心：「我係抱住呢個宗旨去演呢一場戲，用第一身感受，冇特別設計任何嘢，真係一take拍出嚟，因為我覺得第一個感受係最真實。」她又稱另一場在家中懷念吳若希的戲份，她特別拿起摺紙青蛙，全因劇中童年時，韋家雄向她說的一席話：「寓意一啲難關，好似呢隻青蛙咁可以跳得過嘅。所以我雖然好傷心，但都想提醒自己，嗰隻青蛙就好似我依家咁，我會跳得過。」

談到拍《死有對証》的得着，Hera表示正如劇中經常說的一句話「生死之外無大事」，覺得自己比以前更有同理心：「其實都改變咗陳曉華嘅一生，因為有時我遇到啲困難或者唔開心都會同自己講，生死之外無大事，即係所有嘢都可以過到。特別係吳若希嗰場戲，令我好深深感受到一個最好嘅朋友，人生最好嘅朋友，由細到大我唔開心嘅時候，都有佢喺身邊，原來有一日係可以突然之間消失。現實中係好難做得到，但係會提醒自己。」她更補充，拍攝期間全心全意投入角色：「嗰幾個月我連陳曉華嘅生活都冇咗！」

雖然劇情沒有交代二人是否在一起，但馬貫東與陳曉華的曖昧關係依然甜度爆燈。

雖然劇情沒有交代二人是否在一起，但馬貫東與陳曉華的曖昧關係依然甜度爆燈。

最後韋家雄完全信任陳曉華，將工作交給女方後瀟灑離開。

最後韋家雄完全信任陳曉華，將工作交給女方後瀟灑離開。

最後韋家雄完全信任陳曉華，將工作交給女方後瀟灑離開。

至於觀眾最關心的馬貫東與陳曉華（Hera）的感情線會否有進一步發展，結局終於給出交代。馬貫東專程到殮房找Hera，尷尬地表示自己將會調往其他環頭，意味兩人日後在工作上見面的機會大減。Hera眼神難掩失望與不捨，淡淡回應：「係喎，你升咗職……」之後馬貫東害羞地邀請女方吃飯，Hera眼神瞬間亮起來，開心答：「好呀，幾時呀？」馬貫東隨口說「再約你」，但轉身走了幾步，突然回頭說：「程醫生呀，今晚食好唔好呀？」Hera即時應承，更主動踏出關鍵的第一步：「不過你要應承我一樣嘢，你可唔可以唔好再叫我程醫生，叫我芷昕呀？」馬貫東意識到「得米」，隨即露出燦爛笑容說：「好呀，芷昕。」兩人的感情終於跨出一大步。

不少網民都大讚馬貫東與陳曉華（Hera）這段曖昧關係甜蜜滿瀉，讓人彷彿重返學生時代，猶如Puppy Love一樣。馬貫東接受官方訪問時透露，自己非常喜歡這個結局，雖然劇情沒有明確交代高俊與程芷昕最終是否走在一起，但正是這種曖昧，最能勾起觀眾的共鳴，當時全憑直覺演出：「嗰種互動嘅感覺，好似兩個人都想跨出嗰一步、但又膽怯唔敢觸碰，隱隱約約帶點初戀嘅青澀。大家嘅對話表面上聽落好保守、好克制，但字裏行間又藏住另一層意思。曖昧嘅精髓或者就係咁——唔講透、摸不透，反而最令人心癢癢。」