相當幸福!
現年33歲的陳凱琳與比大22年的鄭嘉穎於2018年在峇里島結婚,並四年抱三育有三子大仔鄭承悅(Rafael)、二仔鄭承亮(Yannick)以及三仔Carlos。陳凱琳亦經常分享一家人的生活日常,近日一家五口到豪華遊輪享受海上假期。
陳凱琳轉型做KOL。
並積極運營社交平台。
兩公婆好恩愛
一家五口
陳凱琳貼出一家人到郵輪上度假的影片,並分享自己如何把旅遊期間所住的房間佈置得有家的感覺,她留言:「你旅行時會這樣做嗎?或者您更喜歡脫離手提箱生活? PS:真的很享受這次2024年底的自發性旅行……?我無法強調在大海中醒來的感覺是多麼平靜!東海某處」影片一開頭就見到兩公婆激情咀咀放閃,鄭嘉穎肉緊摟實老婆,sweet爆燈,足見兩人相當恩愛。
影片截圖
影片截圖
影片截圖
影片截圖
影片截圖
內地人氣綜藝《乘風2026》(浪姐7)熱播中,作為今季唯一香港代表的陳凱琳(Grace),一登場已經成為焦點。不過最新一集播出後,她的表現就引發網民激烈討論。
Grace一登場已經成為焦點
今次Grace聯同李心潔、徐潔兒同謝楠合唱雨愛,佢以一身白色長裙上陣,造型仙氣滿分。不過一開口唱歌,就因為過度投入而成為話題。演出時佢表現非常「肉緊」,不時閉眼皺眉,加上用力唱腔,觀眾反應兩極。
今次Grace聯同李心潔、徐潔兒同謝楠合唱雨愛
演出時佢表現非常「肉緊」
唔少網民直言佢唱得太用力,甚至笑指有種「老派唱腔」,更有人毒舌話似汪明荃唱歌風格:「合埋眼以為聽緊汪明荃」、「好似唱緊《那些年》」。亦有人批評佢咬字唔清,懷疑刻意模仿內地唱法,反而搞到不倫不類。仲有留言笑指:「個表情似生BB多過唱歌」。
有人毒舌話似汪明荃唱歌風格:「合埋眼以為聽緊汪明荃」
觀看相關影片按連結:https://youtu.be/XCF_wUVKVxw
不過亦有不少人為Grace平反,指出佢並非專業歌手,今次已算落足心機準備。有指佢為咗參賽,事前特地報讀歌唱課程進修,表現其實已經合格:「第一次上咁大舞台算唔錯啦」。
另外,早前有網民分享後台片段,見Grace收到粉絲送花感動爆喊,一度眼紅紅。不少人誤會佢已被淘汰,隨即引發熱議,其後粉絲澄清只係感動落淚,並非出局。
雖然今次表現評價兩極,但陳凱琳成功打入內地觀眾市場,其立體五官同「濃顏系」外貌更被封為「新一代女神」,甚至有人稱佢為「迪麗熱巴接班人」。無論唱功如何,話題度就肯定贏晒。
其立體五官同「濃顏系」外貌更被封為「新一代女神」
有人稱佢為「迪麗熱巴接班人」