最近日本爆發流感，日前有網民搭日本返港的航機，目擊居然有一家三口強行帶病上機，不僅導致航班大延誤，該家庭上機後甚至連口罩無戴！
港爸帶住額頭貼退熱貼的妻女上機
有網民在「HK Express 香港快運及旅行資訊關注組」Facebook專頁發文，指近日搭乘香港快運於周一（30日）由日本高松返港的航班，有港爸「拖住個oversize（過大）嘅喼」，帶住「額頭貼住退熱貼，明顯病樣」的妻女上機。
FB圖片
網民形容，一家三口均為港人，身穿紅色外套的港爸帶同當時額頭貼著退熱貼的妻女，其女兒目測約5、6歲，在排隊過安檢準備辦理登機手續時，「個男人排隊時，係咁話自己check in唔到，有冇人好心畀佢插隊排入去」。
地勤不允許上機 港爸「繼續扭計」
網民估計，初時地勤不允許他們上機，只是後來港爸「繼續扭計」，成功硬闖候機室。但兩名日本地勤一直於港爸周旋，似乎在了解其妻女病況，指「地勤一路同佢有嘢講」。從照片中可見，穿著紅色外套的港爸正叉腰與地勤交涉，而其妻子則站在一旁，額頭貼著退熱貼，但未有戴上口罩。
溫泉浸到微燒眼紅？
網民補充，「無耐有個日本地勤上機講一堆嘢，又量體溫，我聽到結果係『SLIGHTLY FEVER』，咁問佢幾時發，佢話呢幾日，原因極好笑，話自己個家庭浸得溫泉太多，又發現個女隻眼紅晒。」
FB圖片
網民續指，港爸態度囂張，「仲講風涼話話『咁都話唔到事』」。經過一番交涉及簽署文件，港爸一家最終獲放行，但態度明顯不友善，「係咁用佢嘅港式英文溝仲要不滿，話無理由唔畀佢上機」，甚至氣定神閒拿出手提電腦睇片等待登機。
延誤超過1小時終於起飛
由於航機人員要檢測他們一家的健康情況，導致航班無法即時起飛，飛機「一直都打開門，駕駛艙都打開」。網民直斥港爸一家自私，指「全機嘅安全健康時間就係佢個家庭度」，航班最終延誤超過1小時終於起飛。
航班原定於當日下午2時35分，由日本高松起飛返港，預計返抵香港約為晚上6時。因這一家三口強行登機，導致誤逾1小時至3時42分方可起飛，抵港時間足足延誤至7時多。
上機全程無罩 女兒疑因灌水降溫急去廁所
網民續指，港爸一家起飛後「成程機4個鐘完全無戴口罩」，「個女唔係瞓就咳，個男人係咁睇片，仲不停去廁所。」當飛機飛抵香港準備降落之際，機長已宣佈乘客返回座位扣好安全帶，該港爸指女兒內急，竟然擅自解開安全帶，「話要同個女去廁所」，但即時被空姐拒絕要求「佢坐定」。
FB圖片
事後，港爸又想起身去廁所，空姐自然因安全理由拒絕，但港爸以女兒為盾，指女兒「就瀨」，而且女兒更開始扭計喊。落機後，網民一直聽見其女兒「就話要去廁所」，估計為硬闖搭機疑用大量灌水降溫法。到取行李時，終於見不到該三口家，樓主估計是因為過海關時「量體溫度封咗佢」。
網民批評發燒仍堅持上機的行為自私，「好歹你帶返個口罩，仲要話浸得太多溫泉發燒？我都有浸，做埋桑拿添。」，直斥「呢啲咁嘅人，影衰晒成機人。」，又指「咳，帶口罩係常識」。
FB圖片
網民直斥行為缺德
事件惹來不少網民熱議，「浸溫泉浸到發燒都係第一次聽，當人白痴咩，中咗流感呀」、「有病唔戴口罩真係好缺德」、「呢家人上上下下都自私到一個點，以為全世界都圍住佢，要配合佢，不知所謂」、「算啦，人哋真係病又未去到好嚴重！重點係沒有戴口罩，周圍傳染人，係呢下衰啫！（功德心沒有）」、「下次有人病，影響航機安全！請出聲叫地勤/空姐 call 『medlink』......只要有醫生護士講一句Not Fit for flight，咁佢地就要落機。」。
