公共交通工具上的關愛座一直有「批鬥座」之稱，而最近有女網民在社交平台發文，指早前搭港鐵有位年輕乘客坐關愛座即被1對夫婦怒斥。
年輕乘客一坐關愛座被「指一指」
樓主在社交平台Threads上發文，表示早前乘搭港鐵到旺角時，因有許多乘客下車，所以車廂上有不少空位。後來1名年輕乘客上車並坐在關愛座，隨即被1對同樣剛上車的老夫婦「指一指」。
港鐵圖片
「位係畀老人家」 老婦斥年輕男「讀屎片」
老夫婦「指一指」似乎係示意對方往旁邊非關愛座坐，「仲講咗句『你坐咗senior嘅位，this is for senior』」。樓主續指，本來該名乘客似乎都唔係想坐關愛座，而係「預備緊坐過一格」。罵人的老婦坐低後，仍罵不停，「話咩個位係畀老人家㗎，又無端端話個個人讀屎片？」。
資料圖片
老婦身份大揭祕 「鬧到本身另一個坐關愛座嘅人都走」
樓主表示，老婦看似是有學歷或曾移民外地再回流的港人「成程得佢自己狂鬧，鬧到本身另一個坐關愛座嘅人都走」。
《愛回家之開心速遞》劇照。
樓主斥不良關愛座風氣
樓主在帖文批評現時有奇怪的關愛座文化，「究竟幾時有吉位都唔可以坐關愛座，係邊個畀啲錯誤訊息佢哋得老人家可以坐，點解後生一坐就好似有罪咁？」，又指不論所坐的位置是否關愛座，看到有需要的人，也應自動讓座，反批「而家搞到成日驚畀人鬧，避開啲關愛座，好似坐咗就係罪人咁」。
示意圖。設計圖片
日前不少獲安排入住屯門新公屋顯發邨的居民，陸陸續續入伙，有街坊19日發現大門外被劃上神秘記號，於是在社交平台分享，指擔心是賊人「踩線」所留下的。20日事主指「房署有回覆」，指事情並非他所諗的。
FB截圖
門鐘「白色板」上有「×」記號
顯發邨顯發樓日前有居民19日在討論區上載相片並發文，指由「昨晚開始發現，每個單位門鐘上面塊『白色板』都有不同的記號。實在令人好擔心。大家留意下自己屋企上面塊板。有冇記號？好怕有不軌企圖的踩線。希望大家一齊回報一下」。而由所上載的照片所見，單位門鐘上的「白色板」右下角被人打了一個「×」記號，而事主也已向保安及房屋署報告事件。
FB截圖
不少街坊回應同樣見神秘記號
帖文一出，即引來不少街坊回應。大家紛紛都表示自家門口也有類似的標記「我家也有，紅色筆」、「真係喎」、「我昨晚用酒精擦掉了，係紅色原子筆畫的，我家和左鄰右舍都係×」，「真的很像踩點」、「啱啱入伙就嚟踩線咁恐怖」而大家後來才發現原來除了「x」外，也有單位被打了一個「#」及「off」等記號。
FB截圖
部份網友認為與踩線無關
不過有網友就認為此等記號與踩線無關，「應該係之前建築公司執漏時留低，早期喺門做記號」、「似驗收marking(記號)，off交叉應該要換，方格應該只係個粒有問題。」
FB截圖
樓主轉告房署回覆：證實不是踩線
第二日(20日)樓主再貼文指，房署已有回覆，「我簡單啲回覆一下大家，門鐘上邊『白色板』嘅圖案，係起樓嘅時候方便工人知道拉咗線未。警方都已證實不是踩線。大家可以放心。房署將會搵職員上嚟清潔晒全幢樓有圖案嘅符號。請大家放心」原來只是一場誤會，虛驚一場！
FB截圖
