海洋公園「熊貓六寶」一人一個新年願望 「安安樂樂」講中晒打工仔心聲

踏入新的一年，回望剛剛過去的2024年，全香港人最開心的其中一件事，莫過於海洋公園大熊貓「盈盈」的添丁之喜，為港人們帶來兩隻鬼馬精靈的港產大熊貓BB。

海洋公園ig圖片

海洋公園小編就在新年之初，在社交網站公開了園中熊貓 6寶的新年願望，海洋公園祝福大家新年快樂，來年也請繼續多多指教，並指雖然「家姐細佬」同「盈盈」媽咪尚未可以出來與大家見面，但「樂樂」爸爸、「安安」同「可可」則已經ready好，等打來公園開心與牠們Say Hello!

新的一年，向來知道如何氹大家開心的「細佬」就指，想快點出來同一眾契爸契媽見面；勤奮好學的「家姐」，就巴不得趁「細佬」瞓覺時快過佢多學識新嘢；至於媽媽「盈盈」的新年願望就道出了100%媽媽們的心聲，「希望家姐細佬健康成長」，過得逍遙自在的「樂樂」爸爸亦現身，繼續期待自己可以「日日都咁好瞓」；而向來走不羈路線的安爺「安安」，就一邊歎竹子一邊祈禱新一年「食極唔肥」，美少女「安安」的願望亦都好簡單，「想有更多人讚我可愛啊！」。

海洋公園ig圖片

海洋公園ig圖片

海洋公園ig圖片

海洋公園小編搞笑總結，一眾熊貓們的新年願望應該都中了不少打工仔及吃貨的心聲，網友們亦紛紛留言，一人一個新年願望，期待早日「一次過見曬6美熊」！

海洋公園ig圖片

海洋公園ig圖片

海洋公園公開熊貓孖寶的育嬰室，對於好動的「家姐」同「細佬」來講，絕對是放電無難度！

海洋公園大熊貓「盈盈」的一對孖寶集萬千寵愛於一身，大家平日見得最多的便是「家姐細佬」在BB床上活動，或是被送到媽媽「盈盈」身邊的親子時光。海洋公園小編最新就公開了熊貓孖寶的育嬰室，對於好動的「家姐」同「細佬」來講，絕對是放電無難度！

IG圖片

海洋公園小編笑言，「家姐」同「細佬」每日的生活，便是主打一個「玩」字！隨著育嬰室相片的公開，大家才發覺原來熊貓育嬰室內有如此多的小玩意，絕對是室內也精彩啊！小編又集思廣益，詢問一眾契爺契媽，「大家覺得仲有咩啱家姐細佬玩呢？不妨提議下」

網友們紛紛留言，有不少網友建議：「可以加個韆鞦仔？」、「好期待第日俾棵樹佢地爬。大熊貓係爬樹高手呢！」、「車軚」、「現在可以加搖搖板，等佢哋比拼。仲有可以加個千秋。到戶外後，再加一顆高樹，等佢哋學習向上爬。」

還有一種野生契爺契媽搞笑留言：「簡直係紫薯會所」、「第一張概家姐同細佬同啲熊貓公仔完全冇違和感，搵咗陣先認到佢兩個，真係太似公仔啦佢哋」、「細佬醒知星期日就是hea，家姐活出香港人精神！無論咩日子都要練做女強熊！」、「好期待第日俾棵樹佢地爬。大熊貓係爬樹高手呢！」

IG圖片

IG圖片