逾1億六合彩頭獎號碼暗藏「神秘規律」？ 神人網友：呢2號碼係關鍵

牽動全城打工仔心的1.28億元六合彩攪珠已經落下帷幕，相信除了兩位中頭獎的幸運兒，其他人亦跟小編一樣，白日夢醒不得不面對現實的生活。

巴士的報記者攝

此次被財神爺欽點的兩位頭獎得主，每10元1注各自獲派彩6923萬，網民們除了用無法以語言可形容的羨慕之情，圍觀有關頭獎得住的新聞外（相關報道：歷來最高彩金六合彩頭獎兩注中 據悉36歲水警$10電腦飛贏6923萬），亦有認真努力，始終相信人定勝天的網民將目光投向了最終的攪珠號碼，經過仔細揣摩，竟有網友發現，這次攪出的頭獎號碼，隱藏驚人神秘規律！

周二晚的六合彩攪珠，攪出最終號碼為：8、13、18、23、31、47；特別號碼為16。有網民就在網上發帖，指發現此次六合彩頭獎攪出號碼，竟然隱藏驚人規律，「今期六合彩開出號數幾有趣，8+5=13，13+5=18，18+5=23，23+8=31，31+16（8+8）=47，睇到啲咩？」。

Getty示意图

貼文曝光引來網民的關注，學霸型網友現身總結：「即係重點係5同8」，不少人相當驚訝，紛紛留言：「犀利咁都畀你揾到規律」、「你係個天才！」、「好邪」、「好聰明！」、「開心大發現」，但不少保持清醒的網友也指出，即使找出規律，也難以中獎：「馬後砲邏輯推理！」、「就算係畀你知道係關鍵，你可以點做？」。

《愛回家》劇照。示意圖片

還有不少網友跟小編一樣認清現實，唯有自嘲：「睇到啲咩？我知道啱啱多咗兩個七千萬富翁」、「睇到我冇中到」、「我睇到聽日準時番工」、「睇到7個我無買嘅number 」、「睇到聽日又要努力返工」、「睇到樓主應該唔係頭奬嗰位」

下個月21日就係父親節，連鎖餅店美心今年推出兩款創意造型蛋糕，點知蛋糕相片一出，即時喺網上掀起熱烈討論，網民反應兩極，有人直指造型似足「祭品」，亦有人大讚夠晒創意。

threads圖片

有網民日前喺社交平台分享喺門市影到嘅蛋糕相，配文寫道：「豆腐火腩飯蛋糕好似上香做忌咁，好地獄」。從相片所見，兩款蛋糕分別係「豆腐火腩飯蛋糕」同「出前一丁餐蛋麵蛋糕」，全部以碗裝造型呈現。其中「出前一丁餐蛋麵蛋糕」直接用上經典紅色出前一丁包裝設計，頂部用奶油擠出密密麻麻嘅「公仔麵條」，再鋪上兩隻荷包蛋同一塊厚切午餐肉造型甜點；而「豆腐火腩飯蛋糕」則喺表面鋪滿模擬米飯嘅脆米，上方堆疊着像真度極高嘅「火腩肉塊」、「豆腐」同綠色蔬菜做點綴，賣相相當逼真。

threads圖片

帖文一出即引來大批網民留言，意見兩極。部分網民對蛋糕造型大感不解，紛紛留言狂轟：「好似祭品」、「真係唔知邊個approved」、「係咪同紙紮舖搞cross over」、「好核突，買唔落」，反應相當負面。

threads圖片

不過，另一邊廂亦有大批網民力撐產品夠晒新意，留言反擊：「又幾有創意喎，多個選擇啫。香港人真係厭尖聲悶，永遠只有彈，唔會讚」、「算係整得幾靚」、「其實好有創意」、「好有創意喎，邊度似啊？幾有諗頭呀，欣賞下得唔得，成日食嚟食去都係嗰啲懶靚嘅蛋糕，呢啲男人鍾意喎」。更有網民表示「好特別，想試晒兩款」、「坊間都好多呢啲造型蛋糕，以呢個價錢算係好抵」，甚至有人搞笑問：「有冇沙嗲牛肉麵？我老公鍾意食呢個」，令討論區瞬間變成「創意蛋糕點評大會」。