Tesla阿叔遭阻路狂發飆馬路大戰一觸即發 南亞大漢以柔克剛一招速拆彈

一提到馬路的事，十有八九逃不過司機罵戰。日前就有駕駛Tesla的躁漢在旺角街頭，懷疑因前方車阻路而怒火中燒，直接衝落車當頭大罵對方車司機，粗口橫飛，一場馬路大戰一觸即發。

網上圖片

有目睹整個過程的網友將事發經過分享到fb社交專頁「車cam L（香港群組）」，拍攝地點在旺角廣華街一帶，影片中可見一部白色七人車停在燈位前，行人燈號為綠燈，此時一名已經極度憤怒的阿叔走到七人車車頭前，張口便開始指罵七人車司機，二人的罵戰揭開序幕，而身後馬路亦開始出現大塞車。

網上圖片

網上圖片

此時，一名駕駛電單車送外賣的南亞裔鐵騎士剛好駛至，只見他以秒速停車，瞬間化身和事佬，以流利廣東話開始安撫Tesla司機：「朋友，唔使啦！」仍在氣頭上的Tesla阿叔當然未有理會，繼續沉浸在憤怒中，瘋狂指罵七人車司機。

網上圖片

網上圖片

南亞鐵騎士未有放棄，指指後面車龍勸道：「喂，朋友，好多車啊，唔使理佢啊！朋友，算啦，好多車啊！」，南亞鐵騎士邊講邊靠近Tesla狂躁司機，更伸手輕拍其膊頭：「朋友，算啦，好多車啊，唔使理佢！」

網上圖片

網上圖片

在南亞鐵騎士的連番「朋友」攻勢下，Tesla狂躁司機態度終於軟化，轉身邊罵邊走回自己座駕，而南亞鐵騎士亦全程護送其離開，並不厭其煩的安撫道：「OK，OK，知啦，知啦，好多車啊，後面！」，最後，一場馬路大戰順利化解，七人車司機和Tesla大叔分別駛離現場。

網上圖片

網上圖片

對於南亞漢成功以柔克剛，化解馬路衝突，網友們紛紛表示讚同：「南亞真英雄！」「呢位南亞朋友好可愛。」「好方法化解一場打鬥。」

一位孝順女在社交平台發文，大呻雖然自己每月都「嘔15k家用」，但父母仍不滿足，當阿妹提出分擔部份家用時，父母更發爛渣，批評她「俾得幾個錢施捨」。

示意圖。愛回家劇照

樓主：羡慕父母對子女0經濟回報期望

女網友發帖第一句寫到「好羡慕啲屋企父母對子女0經濟回報期望」，她提到自18歲起已沒問屋企拿錢，學費全靠政府資助，做兼職搵生活費之餘，還要每月給父母$2000家用。時至今日她出來社會工作，月入$35000，但每月仍要給逾四成人工即是$15000當家用。

示意圖。愛回家劇照

妹妹提出與姐姐分擔家用即觸怒父母

父母還反對她去旅行，認為「日日出街洗曬啲錢，仲不如俾黎做家用」，還埋怨她給的家用不夠，認為她應該儲多些錢，留給父母養老。當她的妹妹提到想與姐姐分擔一半家用，認為姐姐以後搬出去住都需要有錢旁身，怎料卻觸動了父母的神經，罵到「搬出去唔洗俾伙食養我地？」「仲不如宜家我地退休 劃掂都冇人理我地」、「你係咪以為俾得幾個錢拖捨俾我地？」、「咁姐係逼我地冇人理做乞丐靠政府」令事主感到崩潰。

示意圖。愛回家劇照

父母有兼職「每人都有月入起碼14k」

她坦言父母的說話「唔會令我想俾多啲錢」「只會覺得更加堅定有能力就搬出去住」事主還透露其實父母親都有固定的兼職，「每人都有月入起碼14k」，但依然覺得女兒給的家用不夠。雖然事主曾提出只負責家中租、水、電、煤等開支，卻要求她要連買餸、日用品等費用都「負責埋」。她大感不惑，點解「你哋人工就唔洗拎出嚟完全係自用就得？邊到合理㗎」。

示意圖。愛回家劇照

網友怒批父母行為如「當子女ATM」

帖文一出，網民都為樓主感不值，紛紛留言力撐，更批評她的父母，如「當子女ATM」網民怒斥「四肢健全行得做得pt仲要問個女攞15k真係cls」、「即係你屋企人依家仲返緊工仲要食你萬$5家用？」「佢2個既人工做零用架，咁爽？」「自己有職業，仲虎視眈眈你啲錢」

「養兒防老」觀念已過時

亦有網民覺得舊時老一輩「養兒防老」觀念已過時，坦言「養兒防老係以前農業社會觀念」「窮人+傳統思想父母先會咁」、「好藍領父母feel」。有網民指「呢類上一代知識差距過大導致溝通唔到真係好常見」。