張天賦因患感冒取消澳門尾場演唱會。
歌手張天賦（MC）因感染嚴重流感，上星期臨時延期舉行澳門演唱會的尾場演出，回港後留家靜養的MC笑言終於有假期，不過是最不喜歡的「病假」，「真係要學識好好照顧自己身體，希望歌迷朋友都係，以後每一次可以放假，我都希望自己係可以健健康康個種放假，可以開開心心去玩個種放假，我好多地方重未有時間有機會去玩過，好希望可以去滑雪呀！但當務之急係快啲好返，然後返場澳門再見大家！」
MC張天賦
出道以來，一直忙於工作，沒太多機會放假，早前他化身信用卡紅日假期主持，預報2025年的所有紅日假期，教大家趁假期精明消費賺著數，首次做主持的MC坦言都幾好玩，「其實我好喜歡同聲音有關工作，無論唱歌啦， 做DJ、主持、報導員，都鐘意做，用唔同語氣表達講述一件事，係幾好玩㗎。但係做紅日預報主持，自己就冇假期啦。依家我重係併搏期，暫時都冇假期呀。」
MC化身信用卡紅日假期主持。
回顧2024一年，MC不單憑藉兩齣電影登上大銀幕，在樂壇亦保持一貫水準，先後奪得2024年度Spotify本地年度專輯第一、第五位，《永久損毀》和《隔牆有耳》的MV更擠身YouTube香港2024年度的十大音樂影片。除了在串流平台之外，在各大搜尋引擎的年度十大排行榜，也能找到MC的身影！《隔牆有耳》和《小心碰頭》成為Google「熱搜歌曲歌詞」頭十位；《永久損毀》則成為Yahoo!「熱搜歌曲」頭十位。
首次做主持的MC坦言都幾好玩。
對這些成績，他直言，「結果永遠對我嚟講係後話，音樂上我只有一個目的，就係樂迷聽得開心，自己又做到自己想做嘅嘢，我已經好滿足。24年我音樂上產量唔算高，因為做咗好多其他新嘗試，化身紅日假期先生啦，又拍咗兩部電影，同丹哥(甄子丹)合作最難忘，第一次接觸動作電影，真係學咗好多嘢同好開心，我覺得係自己星途上面一個大突破！未來我希望可以有更加多新嘗試囉！」
MC去年最難忘就是跟甄子丹合作拍動作電影。
MC張天賦今年7月於香港紅館完成五場《E=MC²演唱會2026》，門票一開售即告售罄。承接首站強勁勢頭，MC正式展開巡演之旅。繼11月21日前往馬來西亞雲頂世界雲星劇場舉行第二站演出後，今日（9月24日）正式宣佈巡演第三站將於11月27及28日登陸澳門銀河綜藝館，一連開唱兩場。
MC張天賦完成紅館五場《E=MC²演唱會2026》後展開巡演，繼11月21日雲頂站後，宣布11月27及28日登陸澳門銀河綜藝館連開兩場。
除了澳門站即將開售，將於11月21日舉行的馬來西亞雲頂第二站亦正熱賣中。MC透露馬來西亞站同樣準備了新歌首唱。回想兩年前攜《This is MC》前往當地開唱，台下歌迷的反應令他歷歷在目。MC表示：「我好喜歡雲頂20度左右嘅溫度，涼涼哋，最適合怕熱嘅我。但台下嘅熱情，絕對同香港fans不遑多讓！最記得在台邊與每一個『賦二代』嘅表情。」MC亦特別預告，只要到時現場情況許可，非常希望可以再次走到台下，與馬來西亞的「賦二代」近距離握手接觸。
至於澳門作為《E=MC²》巡演的第三站，MC透露希望將香港首站的原汁原味帶到澳門。他說：「上次香港演唱會嘅鋪排、舞台效果同揀歌，團隊都用心計劃咗好耐，所以我好希望澳門站可以盡量貼近香港嘅流程。好似嗰啲討論度好高嘅道具同舞台效果，我都好想原汁原味帶過去畀澳門觀眾睇，以最大化呈現返個主題。」
票價$1,588至$688，9月30日Trip.com優先訂票，10月7日公開發售。
那「賦二代」（粉絲暱稱）緊張的腹肌又會否原汁原味帶到澳門？MC隨即「wow！」了一聲，笑言整個演唱會唯一最不想多的是體脂，並說：「體脂嚟講呢，我發現越少越好，盡力啦！依家嚟講都有兩個月，準備應該係可以夠時間。」
雖然整體架構以紅館站為藍本，但提及歌單安排，MC透露將再有新歌曲推出，MC說：「演唱會前應該會再有新歌推出，加上延遲咗嘅新專輯都希望年底前出到，入面有好多歌係之前未唱過嘅。所以我哋正考慮喺澳門站換一換歌單，加入呢啲新作品，帶點不一樣嘅感覺畀現場觀眾。」
MC希望將香港站原汁原味舞台視覺及道具帶到澳門，並預告換歌單首唱新專輯曲目，正極力爭取延續驚喜嘉賓環節。
提及紅館站邀請多位嘉賓的熱烈反應，MC直言澳門站正極力爭取延續豐富的嘉賓環節。他形容嘉賓出場能讓節目內容更為豐富，亦能為觀眾帶來驚喜。談到整晚自己最期待的環節，道：「我自己最期待嘅，一定係Part4好似『曬冷』環節，有齊道具、樂隊、Dancer同結他solo，玩得最過癮。」對於澳門站能否突破上次紅館給予自己的7.5分評分，他肯定道：「應該冇，唔會高過7.5分，因為要俾空間自己進步，其他就由觀眾加。」
貼近澳門演唱會，即將踏入30歲的MC，會否想與觀眾一齊慶祝？MC說：「長大後就唔太會特別慶祝生日，但如果到時澳門歌迷現場推蛋糕出嚟同我大合唱生日歌，我應該會好尷尬，不過心裡一定好感動！踏入30歲，希望自己無論體態、心境同精力都可以保持住最佳狀態，繼續喺舞台上努力。」
他笑言最期待Part 4「曬冷」環節，又指體脂越少越好，會盡力操練。
演唱會詳細資料如下：
MC張天賦《E=MC² 演唱會 2026》澳門站
主辦單位：棋人娛樂
協辦單位：光尚娛樂、寶輝娛樂、小金鹿娛樂
唱片及經理人公司：香港華納唱片有限公司
演出日期：11月27至28日（星期五及六）
演出時間：8PM
演出地點：銀河綜藝館
門票價格：HKD/MOP $1588 / $1288 / $888 / $688
優先訂票及平台：9月30日 11:00 -Trip.com
公開發售及平台：10月7日 13:00-銀河票務、MPay澳門錢包、澳門售票網、大麥、貓眼、uutix
