奔跑吧！勇敢的女人們｜為求好效果自掏腰包兼自找攝影團隊 賴慰玲超弗運動Look罕晒性感狂吸好評

賴慰玲超強腹肌勁搶焦！

由林瑋澄監製、黎倩儀編審的無綫新劇《奔跑吧！勇敢的女人們》（以下簡稱《奔跑吧！》），逢周一至五晚八點半翡翠台播映，主要演員有蕭正楠、吳若希、朱敏瀚、賴慰玲、鄧智堅、何遠東、唐嘉麟、黃瀅仴及張詩欣等。

拍《奔跑吧！》時，阿賴雖然尚未懷孕，但當時亦已係一子之母，可以練出咁嘅身形，真係一啲都唔容易。

拍《奔跑吧！》時，阿賴雖然尚未懷孕，但當時亦已係一子之母，可以練出咁嘅身形，真係一啲都唔容易。

由第一集開始，已在演員造型方面花了不少心思的《奔跑吧！》（例如首集的「AI校園片」），本周繼吳若希Jinny的「Seven大媽」造型引發熱討，賴慰玲Winki的美艷廣告女星形象亦廣為網民受落。日前，劇集閃現了阿賴弗到漏油的運動Look廣告海報，由於當時相關海報只以布景形式出現、兼且真的只是曇花一現，故未有引發太大迴響。不過無綫官網日前曝光海報原圖，海報主角阿賴亦有在個人社交網分享照片，還同場加映從未曝光的「海棠春睡」style靚相，阿賴寫道：「劇本寫：『見牆上是澄（阿賴劇中角色沈洛澄）當模特兒的內衣廣告，澄散發著自信與健康性感…』，然後我就約了攝影棚和攝影師，去找那沈洛澄的自信和健康性感。」

廣告照原來喺劇集入面只係閃現。

原圖一出，旋即吸引大量留言，除了阿賴好友陳嘉寶大讚：「做咩咁索？」其他網民亦喪讚阿賴靚出新高度，並對她結實的腹部線條大感佩服：「Omg！突破性感關口！！超叻超靚」、「迷人pink lady」、「wow個腹操到好fit」。劇組透露，阿賴之所以自己找攝影班底，全因甚少走性感路線的她、為了能在百分百安心的情況下拍出有效果的照片，才自掏腰包兼一手一腳找來攝影團隊開拍，相當專業又認真。

阿賴喺劇入面經常大晒柔軟度。

呢條運動教材片，睇劇只係出現得嗰兩、三秒，但其實阿賴私下係好認真咁拍咗足足兩條加埋兩分鐘嘅教材片。

其實阿賴為了演好沈洛澄，確是花了不少時間及心機。為了配合洛澄的當紅廣告女星身份，阿賴早已立定決心變靚啲。平時懶做皮膚護理的她、開劇前一反常態「一日一mask」，阿賴接受TVB.COM訪問時說：「我知呢個角色要靚，要狀態好好，所以嗰時每日都敷mask。」又不忘感謝服裝部同事說：「佢哋搵咗好多好靚嘅衫畀我，幫補咗個角色好多。」確實阿賴無論是出場的Sunglass紅星Look、慶功宴搶鏡Look、可愛居家Look、成熟套裝Look等，不但每件都勁sharp勁有details，而且衣著甚少重複，完全符合劇中紅星身份，單是陪襯用的頭箍，也至少有六至七款，相當厲害！

唔單止做足三十吓，而且仲有好認真咁教啲姿勢應該點做！

無綫官方社交網徇眾要求上載Full version片，正呀！

賴慰玲為2-3秒鏡頭拍攝完整運動教材片
另一向有做開瑜伽的阿賴，在劇中除獲安排間唔中露兩手大晒柔軟度，還有以KOL身份拍片教做運動，其中一名「學徒」更是吳若希飾演的林采琳！相關運動片原來亦吸引了網民的注意，有網民於阿賴社交網搞笑留言：「我嘅建議係放翻（番）沈洛澄做瑜伽嘅full version出嚟，我願意日日跟（嚟）練。」幾經查問，原來在劇中只閃現了兩至三秒的運動片，真的有兩條分別時長一分鐘的Full Version，阿賴在兩條片中均十分認真地做足Full Set減大腿及提臀基本keep弗動作，足證台前幕後均是製作認真！今日，無綫官方社交網更率先發布其中一條阿賴的Full Version運動片找數，雖然只是「道具」，但阿賴在教材片中仍十分認真地教大家擺姿勢，而且更是一口氣、氣也不喘地做足30吓鍛鍊動作！

阿賴喺劇入面嘅造型真係好靚好多變，仲要連婚紗Look都有！

由曹永廉、蕭正楠、吳若希、車婉婉任主持兼「婚姻求生教練」的TVB全新綜藝節目，一共十集的《K Cash找數王呈獻：夫妻肺片》逢周一至周五晚10點30分翡翠台播映。《夫妻肺片》每兩集便會請來一組星級嘉賓，暢談婚姻生活、拆解夫妻日常「炸彈」，輔助大家邁向永恆恩愛之路。

蕭正楠、車婉婉、曹永廉、吳若希主持風格鮮明，好好笑。

大家有講有笑，好開心。

昨晚（6月5日）一集內容集恩愛、爆笑兼血淚史於一身。除了「求婚/被求婚過程」，昨晚探討「女人陀B後人生有咩改變」內容亦相當精彩，其中「餵人奶」話題更是「笑中有淚」。自封「依戀兒子型」、恨生仔恨到發燒的賴慰玲，坦言自從生了小朋友後便再沒有任何不開心，十分誇張：「我一陀咗（B）我人生180度轉變，變咗好開心，我冇任何唔開心，直至依家」、「生咗之後，我個人善良咗好多，以前我成日會唔開心，『幾時可以生仔呀！等幾耐呀要！』」、「同埋我善良咗，先可以令我小朋友善良。」餵人奶的賴慰玲，又指塞奶「痛過生仔」，並揭出連有風吹過都會覺得痛：「餵人奶好大壓力，好容易塞奶，我好記得個感覺係痛過我生仔。我記得我坐喺張床度，我老公開門，開門有風架嘛，個風吹過（都痛）。」

媽媽們大講「餵人奶」血淚史。

賴慰玲同車婉婉大玩「婆媳上身」超爆笑。

車婉婉難忘當年「餵人奶」被無心質疑。

同樣堅持餵人奶的車婉婉，則指餵人奶極需要私人空間和休息，但老公不但曾試過「唔識做」地邀請了媽媽及細佬上屋企坐足成日，更因二人無心的一句：「嘩，佢（BB）食得飽唔飽呀？」令婉婉壓力爆煲情緒崩潰，最後獨自匿埋工人床上爆喊：「我啲眼淚爸爸聲，好Hurt！」談到「餵人奶」，一眾男嘉賓均坦言做媽咪十分偉大，陳展鵬（煎Pan）：「女人大肚係靚咗架喎」、「見到自己太太好有母愛，會覺得有咗光環咁。」

賴慰玲講慘痛經歷時都好好笑，呢啲可能就係喜感。

雨僑都講到七情上面。

爸爸們都認同人母偉大。

陳展鵬大讚太太單文柔有母愛。

至於雨僑，則透露陀B後變得易喊又脆弱，並大爆羅力威不為人知的「暖男事件」：「我老公都好好，頭一、兩個月（陀B），胃口變咗好多，我以前最鍾意食辣米線。有日佢好驚喜咁帶我去食，首先沿途我已經好想嘔，見到碗米線我突然所有嘢都唔想食，跟住我對住個米線喊，跟住啲人係咁望住我。」又大爆羅力威會講故仔氹她瞓覺之餘，還會唱埋「間場音樂」，浪漫到暈：「佢夜晚會講故事氹我瞓，多數佢自己作嘅，同埋間場嘅配樂會唱埋出嚟」、「我陀住時我老公真係100分。」並續指生B後，羅力威亦做了不少實際行動默默支持及愛護自己：「全部BB衫都係佢親自洗，佢用好多行動證明（佢嘅愛），所以有時我都覺得又鬧佢多咗。」