熊貓6寶齊上陣送今日份療愈 盈媽變身曲奇味「富士山」家姐繼續「惡鬥木馬」

身為打工仔的你如果今日過得麻麻哋，強烈建議你睇一睇我哋熊貓6寶。

IG圖片

海洋公園小編攜熊貓6寶為大家送上今日份療愈 ，園方9日在社交網站分享熊貓大家族的最新相片，一人一張鬼馬得意相，只為博港人一笑，「笑吓啦！佢哋6個好畀心機氹大家開心㗎」

所謂「笑一笑世界更美妙」，大熊貓「盈盈」首先穩如「富士山」登場，小編解釋，今次盈盈扮緊曲奇味朱古力，至於牠的另一半樂樂，就一改平日威風俊朗的形象，抱住自己的「安撫被」亮相，小編笑言「每個人生命中都有一張小被被」。鏡頭一轉，「安安」試圖將自己龐大的身軀隱藏於一根細小的管道之後，以為眾人「睇我唔到，你睇我唔到」，而「可可」就藏匿於樹窿中開餐，引得小編亦忍不住問「係“貓”都鍾意捐窿？」

IG圖片

IG圖片

IG圖片

至於一對港產大熊貓孖寶就依然渾身是笑料，「細佬」一臉期待要玩「捉伊因」，號召奶爸奶媽「快啲嚟搵我啦」，而連續幾日同木馬「惡鬥」的「家姐」就依然未能成功上到木馬，最後撒嬌狀向鏡頭求助「可唔可以搵人幫我上隻木馬呀」，最後小編不忘送上彩蛋，只見「家姐」都係放棄求助，「求人不如求自己，算啦，我都係靠自己」，留俾大家一個倔強的黑白糯米糍背影，繼續同木馬糾纏。

IG圖片

IG圖片

IG圖片

小編亦不忘搞笑留言，笑問家姐究竟「幾時先上到隻木馬玩呢？」一眾契爺契媽亦瘋狂留言：「好正！本來返工返到懷疑人生, E+開心返哂」、「“麻麻地”都抹走哂喇。多謝可愛的6寶」、「盈媽想大家知佢湊兩個小朋友都一樣淡定，穩如「富士山」」、「我懷疑盈盈果張係植入式廣告」、「上木馬小幫手表示：我duck我duck啊」、「盈盈背脊似雪山朱古力」

中國野生動物保護協會與德國慕尼黑海拉布倫動物園，簽署大熊貓保護國際合作協議，約定選擇兩隻中國大熊貓赴海拉布倫動物園，開啟為期10年的大熊貓國際保護合作。

德國柏林動物園目前亦有飼養大熊貓。2017年，中國大熊貓「夢夢」和「嬌慶」抵達柏林動物園，開始為期15年的旅居生活。2019年8月，「夢夢」成功誕下雙胞胎「夢想」和「夢圓」，是德國首次迎來大熊貓誕生。2023年12月，這對雙胞胎返回中國。

Markus Söder X圖片

Markus Söder X圖片

2024年8月，「夢夢」再次順利產下雙胞胎「夢好」和「夢甜」。柏林動物園說，「夢好」和「夢甜」將在柏林生活2至4年，之後亦會回到中國。