好有排場！
近期因電影《破‧地獄》而人氣急升的衛詩雅即將與醫美公司老闆周祉安拉埋天窗，據傳婚期定於下月16日。日前（9日），衛詩雅公開過大禮照片，場面陣容龐大，充分體現英皇「嫁女」的派頭。
罕有二人合照
衛詩雅罕有地曬出與未婚夫的合照，從照片可見，至少有6對龍鳳鈪，大小如拳套，各式金器琳琅滿目；同時還有傳統禮品如海味籃、水果籃、椰子籃和喜餅等，寓意吉祥美滿。衛詩雅按照傳統，戴上象徵兒孫滿堂的金豬牌頸鏈，笑容滿面，喜氣洋洋。禮品多不勝數，連攝影師都要企到最後才捕捉得到整個場面。
好有派場
6對大小如拳套龍鳳鈪
戴上象徵兒孫滿堂的金豬牌頸鏈
衛詩雅於社交平台發文感謝一眾贊助商，並寫道：「原來過大禮係咁嘅感覺㗎。#終於有時間搞吓婚禮嘢 #船到橋頭自然直 #多謝整個過大禮團隊」。英皇經理人霍汶希亦第一時間留言祝賀：「英皇又嫁女啦喜事重重」。
發文感謝一眾贊助商
當然唔少得嫁女餅
昨日（7月17日）是英皇娛樂集團行政總裁霍汶希（Mani）正日生日，一向愛錫旗下藝人的她，今次被公司上下聯手反過來驚喜！曾比特（Mike）、湯怡（Kathy）、楊天宇（Angus）、李靖筠（Gladys）、曾傲棐（Arvin）、海兒（Hedy）、黃明德（Dark）、劉若寶（Polly）及一班同事秘密籌備party，等Mani開完會返公司即場送上驚喜。
英皇高層霍汶希（Mani）昨日（17日）生日，獲曾比特、湯怡等藝人同事驚喜慶祝。
Mani一踏入公司門口，Mike便即刻拿着結他跟Dark合體自彈自唱生日歌，最後帶領全公司大合唱，連英文、廣東話及國語三個版本都唱勻，辦公室頓時變成小型演唱會般熱鬧。
Mani生日驚喜派對變「派錢大會」。
講到送禮物，Angus向Mani笑着自爆，「我買咗生日禮物俾你，但係唔記得帶擺咗喺屋企。」Mani一聽即刻追住Angus大叫：「拎個銀包出嚟，唔該。」場面搞笑；至於開餅店的Kathy就親手製作蛋糕送給Mani，Mani一見即大讚：「呢個係全香港最好味嘅蛋糕，我話俾你哋知，仲要係靚女嘅出品。」認真俾面。許願時，Mani就將願望送給大家，「祝各位所有藝人都大紅大紫、工作順利。」
Mani主動向同事派利是，現金不夠即場「籌錢」，場面搞笑。
影完大合照後，向來跟藝人同事打成一片的Mani即時自動波話：「拎個電話出嚟搶利是。」全場即刻瘋狂歡呼。不過因為並非所有同事都在同一個群組，最後決定改為派實體利是，同事們都乖乖排隊等拎利是，氣氛熾熱，派利是期間，Mani忍不住笑着說：「點解無端端變咗新年嘅？點解生日會係我派錢嘅？CFO快啲攞啲錢出嚟啊，有冇錢呀請問。」由於事前完全未有準備，手上的利是派完後，Mani霸氣話：「派現金。」點知連現金都不夠，她邊摷袋邊抱頭問：「有冇人有現金呀？」引嚟全場爆笑，不過她即刻補充話：「大家記住，唔係講錢嘅問題，係Lucky Money。攞到Lucky Money就大紅大紫身體健康事事如意要乜有乜。」認真識做。
曾比特與黃明德自彈自唱生日歌，更唱勻英文、廣東話及國語三個版本，辦公室瞬間變小型演唱會，全場熱鬧。
正當大家玩得開心之際，英皇集團主席楊受成博士剛好「路過」，楊博士即裝兕問Mani：「你好大膽喎！生日都唔請我！」Mani無奈回應：「唔係呀，我唔知道佢哋surprise我呀，我招架唔住啦，攞晒啲錢出嚟派啦。」楊博士見狀即刻問：「使唔使要錢呀？」更即時摷袋準備出手，非常豪氣。之後二人先合照，Mani邊拿着利是邊跟楊博士說：「老闆，今日嚟講，我三十三年一直都搶你啲錢啦，我今日個個都派咗一封大家都大吉大利嘅生日利是，祝你身體健康事事如意生意興隆。」然後便親手遞上利是給楊博士。楊博士接過利是就搞笑話：「可唔可以補償返我三十幾年嚟你呃我啲錢呢？多謝。影相先。生日快樂！」
隨後，老闆跟人傾偈期間，Mani突然問楊博士，「咦，你諗住俾利是我嗎？」全場即刻大笑兼拍手，向來有求必應嘅楊博士二話不說即時從褲袋拿出利是，場面溫馨又搞笑。
老闆楊受成博士路過笑問：「生日都唔請我？」Mani即遞上利是作「回禮」，楊博士亦豪氣掏利是派發。
Mani生日快樂！
