許靖韻爆媽咪勁冧洪卓立 間接撮合兩人合唱

許靖韻找來洪卓立推出合唱版《作賤．矛盾》。

歌手洪卓立（Ken）和許靖韻（Angela）到新城廣播接受黎莉主持的《勁爆樂勢力》訪問，上個月推出新歌《作賤》的Angela，找來Ken推出合唱版《作賤．矛盾》，而撮合二人合唱的，竟然是Angela的媽咪。

許靖韻與洪卓立接受黎莉「勁爆樂勢力」節目訪問。

Angela在訪問中透露自己主動邀請Ken合唱，兩人的歌聲更出奇的合襯，Ken表示：「我哋兩把聲好似好唔同，但合拼埋一齊，原來又好有化學作用。Angela則自爆是她的媽咪促成兩人合唱，「因為我阿媽好鍾意佢，上次我音樂會邀請Ken做嘉賓，平時叫佢嚟後台影合照，佢會話唔使啦，但知道Ken喺到即刻話過嚟。（媽咪知道你同Ken合唱有咩感想？）佢覺得合唱版好聽過獨唱版。」

Angela透露自己主動邀請洪卓立合唱。

洪卓立聲帶又出現問題。

至於早年身體響起警號而一度停工的Ken，於2021年推出一曲《你那邊好嗎》後便沒有發表新作品，而疫情期間聲帶又出現問題，令他十分失落，「直至遇到一個新嘅唱歌老師，佢嘅唱歌方法顛覆晒我十幾年嚟所學嘅知識，佢有啲似Opera嘅唱法，醫生主張我休息，佢就叫我要練歌，要練番啲肌肉，我一開始覺得畀人呃咗，因為佢嘅練習方法好奇怪，佢會無啦啦叫我好大聲嗌，但上咗大概一個月我就有番把聲，開始見到曙光。」

Ken直言尋回聲線後第一件事便是減肥，他笑言：「原本冇諗住㗎，個天見我十幾年都唱夠啦，小弟都出咗十隻碟，個天想我停；之後走去練大隻，但太過重，身體支撐唔到，加上傷咗條腰冇晒肌肉，依家齋減肥。」

許靖韻爆媽咪勁冧洪卓立 間接撮合兩人合唱

《許靖韻「Glowing」巡迴音樂會廣州站》日前已經順利完成，許靖韻（Angela）繼續保持勁歌熱舞及自彈自唱的高強度演出。今次她專誠請來吳映香及劉人語擔任嘉賓，三人都是八年前參加內地人氣選秀節目《創造101》而認識，更是同一個宿舍的宿友。Angela每次到北京工作，都會找二人食飯聚舊。

許靖韻廣州站演出繼續保持勁歌熱舞。

許靖韻

三位好姊妹於音樂會上組成其中一個環節，一齊跳唱《別人家的小孩》及《Pick Me》，又回憶當年宿舍趣事，整part充滿「101回憶殺」。環節尾聲，三人合唱《逆光》及《仰望星空》，全場歌迷跟着大合唱，場面感動。

今次專誠請來吳映香及劉人語擔任嘉賓。

許靖韻

隨後，Angela於台上分享自己的「神奇事」，每次演唱會她都擔任自己的stylist，為自己準備不同服裝。由於每一次quick change都超時，所以今次她特別要求團隊要綵排換衫。綵排換衫期間，眾人發現其中一套衫拉鏈故障，因為服裝都是按每一part而準備，並沒有後備服裝。正當同事打電話四處找後備服裝時，Angela突然在行李箱中很神奇地拿出另一條裙，連她自己都不知為何出門時會在家中多帶一條裙，就是這條「神秘後備裙」，令到整個演出最終順利完成，認真驚險。

全場大合照