林襄全程投入「揈乒乓」技驚四座郭珮文「毁容式反白眼」勁爆笑

娛圈事

林襄全程投入「揈乒乓」技驚四座郭珮文「毁容式反白眼」勁爆笑

2025年01月12日 15:58 最後更新：01月13日 13:43

一集《大師兄》有齊四大女神—高海寧、陳靜、郭珮文、林襄，實屬難得

特備節目《鄰住買特約：大師兄新春感謝祭》今晚（12日）8點翡翠台播映，「大師兄」錢嘉樂率領「獎老」阮兆祥、麥美恩、林秀怡和林正峰齊齊以新春造型亮相。今集節目繼續優惠多多，除有大量感謝祭貨品於節目播出後在網購平台「鄰住買」開售外，觀眾於收看節目期間只要嘟一嘟螢幕上的QR Code、或登入相關連結：www.tvb.com/p100008，投選三個你最喜愛的獎門人遊戲，就有機會參加抽獎得到觀眾入場券！

點擊看圖輯

「麻雀女王追男仔隊」：（左二起）郭珮文、文佐匡、陳靜、葉念琛、高海寧、林襄、安德尊，而呢套賀歲片，尹詩沛（左一）都有份演架。

「奔跑吧勇敢的女人們隊」：（左起）鄧智堅、朱敏瀚、蕭正楠、吳若希、尹詩沛、KT唐嘉麟

高Ling「林襄」上身嗲聲嗲氣大叫「麻雀女王追男仔」，又自封女王，好識搞氣氛。

Super！

「麻雀女王追男仔隊」：（左二起）郭珮文、文佐匡、陳靜、葉念琛、高海寧、林襄、安德尊，而呢套賀歲片，尹詩沛（左一）都有份演架。

「奔跑吧勇敢的女人們隊」：（左起）鄧智堅、朱敏瀚、蕭正楠、吳若希、尹詩沛、KT唐嘉麟

高Ling「林襄」上身嗲聲嗲氣大叫「麻雀女王追男仔」，又自封女王，好識搞氣氛。

林襄玩遊戲時全情投入，仲要連「平板」姿勢都做埋，勁！

到底佢最後有冇因為咁特別好成績呢？

高Ling同林襄玩起遊戲上嚟零包袱。

郭珮文忽然主動搶答問題，搞到麥美恩勁興奮。

咁樣先係郭珮文嘅正常表現。

個白眼反到哩

呢個「辣辣壽司」樣都好吸睛。

蕭正楠幾乎係全場食得最多辣辣壽司嘅一位，食到佢狂標眼淚。

阿蕭盡顯奀皮一面

佢對住襄襄大做「啦啦隊」動作，笑咗。

朱仔呢個「濕身三連環」咩事，唔講以為拍洗頭水廣告。

吳若希有腹肌架！

呢兩張揮春係正嘅。

今集參加遊戲的分別有「奔跑吧勇敢的女人們隊」的蕭正楠、吳若希、朱敏瀚、尹詩沛、鄧智堅、KT唐嘉麟，及「麻雀女王追男仔隊」的高海寧（高Ling）、林襄、陳靜、郭珮文、文佐匡、安德尊、葉念琛，一集《大師兄》有齊四大女神—高海寧、陳靜、郭珮文、林襄，實屬難得，四人亦各施各法搶焦點，當中過江龍襄襄、郭珮文及高Ling均相當出位！先說襄襄，雖然因為廣東話問題令襄襄看似乜嘢都慢半拍，但在動作題「揈乒乓」環節，襄襄不但出盡全力起勢係咁揈，揈到興起更爽性趴下來一邊做平板、一邊繼續揈。至於高Ling，玩遊戲時全情投入的她，在自我介紹環節中「七情上面」地「林襄」上身嗲聲嗲氣大叫「麻雀女王追男仔」已成功出位；之後在「開心無敵爭櫈仔」中，更奸賴地向同隊的安德尊瘋狂通水，事後更死口唔認，十分搞笑。而出名「天然呆」的郭珮文，本集不但出奇不意地主動搶答問題、引爆全場喝采，在回答大師兄的爛Gag IQ題時，郭珮文竟因為不滿答案做出毁容式反白眼動作，相當玩得！

至於「奔跑吧」，整隊焦點落在即將升呢爹哋的蕭正楠（阿蕭）身上！未知是否為將來與BB拉近距離做熱身，阿蕭不但外貌有「逆齡」趨向，行為舉止亦相當大細路，在「開心無敵開口中」一度激動至衝上觀眾席，嚇得被鎖定的目標小朋友尖叫亂走，氣氛熱鬧。而在「撞機機」的起花朵部分，阿蕭雖然明知「爸爸」及「爹哋」等封號容易被記住，但為了感受被叫爸爸的喜悅，阿蕭還是決定一意孤行，結果慘吞三大件「辣辣Wasabi壽司」，谷到成眼眼淚的阿蕭更不忘搞笑謂：「原來做爸爸係要付出好大嘅代價！」笑爆全場。而向來出名玩得的吳若希，在「落大閘」及「爭櫈仔」盡展活潑跳脫面，除了失驚無神向葉念琛導演搲撈，更因玩得勁投入關係不時意外展露纖腰，值得留意的是，吳若希雖已生了兩個小朋友，但腰肢不但仍然纖幼，而且近乎零贅肉，保養得宜。

Tags:

吳若希蕭正楠林襄

往下看更多文章

璀璨之城｜澳門日與夜靚景＋新興打卡熱點率先睇張智霖吳卓羲戲裏權鬥戲外「互寸」笑料百出！

頭炮台慶劇《澳娛綜合澳門上葡京綜合度假村呈獻：璀璨之城》，將於明晚（10月12日）隆重首播。《璀璨》賣點，除了有張智霖（Chilam）與吳卓羲（Ron）「世紀合體」，兩大女主角高海寧張曦雯鬥靚鬥演技，兩大好戲之人姜大衞及江美儀鬥霸氣鬥飆戲，新鮮感十足的CP配搭，以及近期演技屢獲好評的陳煒、陳曉華、陳瀅大鬥法，還有就是劇中氣派悅目兼備的澳門靚景！緊湊劇情，再加靚人靚景，追看《璀璨之城》絕對賞心悅目。

《璀璨之城》六大賣點新舊交替靚景打造「人情味」視覺盛宴

《璀璨》走勻澳門多個著名地標取景，透過製作組精心設計的鏡頭及拍攝角度，呈現澳門璀璨繁榮與地道情懷「新舊交替」的城市風貌，並為觀眾推介澳門靚到爆的新興打卡熱點。今日（10月11日），無綫官方公布了《璀璨之城》頭五集重點靚景，包括澳門高爾夫球村俱樂部（鄰近路環海天酒店）、君臨舫、議事亭前地、澳門上葡京綜合渡假村酒吧「味賞」、澳門觀光塔、澳門上葡京綜合渡假村「御花園」、康公廟、十月初五街及大堂前地等，將澳門日與夜最美一面完美呈現之餘，亦拍出了澳門的人情味及舊情懷，值得期待。

四大主角張智霖、吳卓羲、高海寧、張曦雯早前接受《東張西望》訪問時便曾提及，在澳門取景印象最深刻的，是「十月初五街」，高海寧：「我最鍾意、最溫暖嘅戲都係喺十月初五街發生，嗰度好有愛，佢哋呢個家庭（指官家）好冷酷呀！」十分搞笑。

CP配方面，暫時以張曦雯（Kelly）及吳卓羲（Ron）的配搭最備受關注，不少網民熱議Kelly於宣傳活動中對住Ron冧樣滿瀉，連帶官方早前釋出的二人NG花絮，亦獲不少網民力指「好甜」，並期待Kelly「承包全劇糖分」：「這對CP真甜」、「全劇的糖分該不會都給二少二奶承包了吧」、「他倆真的好有火花」、「二少二少奶日常好甜」、「二太太好靚」。

其實相關片段，是《璀璨》首集超大型宴會場面的拍攝花絮，為配合劇集拍攝手法，Kelly需於Ron與關嘉敏閒聊期間突然「殺入」，但Kelly卻因人多關係錯過了最好的「殺入」時間，遭Ron搞笑吐槽：「你早啲入得唔得呀？」Kelly即笑著撒嬌：「我入唔到呀，好多人呀後面」，看二人一來一回兼表現率真，相信是次合作一定甚有火花。

《璀璨之城》劇中演員雖然為了權鬥日日你死我活，但私下眾人其實感情要好，就算在鏡頭前互嗆亦「零芥蒂」。其中張智霖與吳卓羲，日前便在tvb.com搞笑玩「互數」，單看表象，張智霖的「懶Cool」VS吳卓羲的「忍俊不禁」已夠晒喜感，加上二人互嗆對方「衝動」兼「愛打牌」，令到觀眾對這對「活寶兄弟」更添期待。

相關宣傳短片以「官家即將選出下屆主席，邊個會做到主席？」為題，並由官家大少官孝賢張智霖，及二少官孝君吳卓羲進行爭辯，先由張智霖發言：「我覺得孝君個人就女人緣太強，咁就唔係好適合做主席咯，因為佢好容易會分心，為愛衝昏頭腦，我覺得主席都係要冷靜啲好，佢個人比較衝動。」吳卓羲則接招：「阿哥太過忙喇，忙喺邊度呀，打麻雀咯，所以佢冇資格做呢個主席」、「佢份人又過份優雅，優雅過頭呢，有啲暴力嘅戲呀，打嘅戲呀，完全都掌握唔到，呢個人！」配以全程忍唔到笑狀態，觀賞指數甚高。

《璀璨之城》劇情：

「欲成王者，必先成魔。」豪門鬥爭，勝者為王，敗者失去的除了權力與地位，分分鐘賠上性命！《璀璨之城》講述澳門豪門兩兄弟官孝賢與官孝君，為爭權自幼日夜惡鬥。隨著家族版圖擴張，加上「虎毒吃兒」的父親官志琛（姜大衞飾）野心膨脹，以及大少奶洪海允與二少奶王雪瑩的捲入，兄弟間的廝殺更趨白熱化，身邊所有人隨時淪為棋子甚至犧牲品。

你或有興趣的文章

林襄全程投入「揈乒乓」技驚四座 郭珮文「毁容式反白眼」勁爆笑