馬騮仔嚴冬下闖港鐵顯徑站避寒 網笑：或成馬騮站長吸引遊客來港

近日天文台不時發出寒冷天氣警告，不只市民凍到不想出街，連住在郊外的馬騮仔都要躲入港鐵屯馬綫顯徑站避寒！

資料圖片

馬騮仔坐港鐵站欄杆寫意梳毛

日前就有網民影到一隻馬騮仔出現在港鐵屯馬綫顯徑站，並以「顯徑站有馬騮。猴子問：要買飛先入閘嗎？？？」為題在臉書群組中貼文，只見相中一隻馬騮仔坐在港鐵站欄杆處梳理毛髮，旁邊並沒有市民經過。

FB群組截圖

網民指天寒地凍估計入站避寒

不少網民對闖入港鐵站的馬騮仔相當寬容，亦對牠表示同情「冇騷擾人咪由得佢喇」、「香港其實佢哋都有份⋯」、並指外天寒地凍，馬騮仔都是入站內避寒而已「凍、太凍，入去避一避。」、「想想出面有霜凍警告吖，佢點頂吖，想知最後馬騮仔係咩結果呢？希望馬騮仔你會平平安安啦！」並有網民指出這隻馬騮可能只是BB「好似未成年咁，可能又凍又餓又迷路」並感到擔心。

FB群組圖片

或成為馬騮站長 顯徑站變身旅遊熱點

亦有網民借此開玩笑，指牠生活「好寫意」，又有人笑說「逃票呀！港鐵職員快啲捉佢」，更問會否「約咗人交收」，更有網民覺得馬騮仔可能就因此成為了站長「由得佢坐下啦，或者可以成為馬騮站長，令香港成為動物友善城市，吸引遊客來香港呢」更指日本，台灣一些熱門旅遊點都是如此而來！

日本和歌山電鐵貴志站的人氣貓站長，每年都吸引不少遊客前去拜會。(ANA網頁圖片)

近年香港人都喜歡北上消費，除了貪其價廉物美，用餐時還不會限時限刻催三催四，可以慢慢享用。但反觀香港，很多餐廳老闆為了做多幾枱客生意，在繁忙時段都會限時用餐，近日就有網民指九龍城一間酒樓於繁忙時間指明4位或以下要限1小時交枱，入座時她並沒有為意，及後被「態度好差」催交枱，十分激氣，大呻「就算食物正常都無下次了，好趕客」。

threads圖片

繁忙時段會設特別交枱時限

女網民在社交平台Threads有發帖表示，「估唔到依家一個人一盅兩件，都唔可以坐太耐了」，並上載一張顯示了某間酒樓門口「溫馨提示」告示牌，牌上寫著由於檯位有限，繁忙時段會設有特別的交枱時限，4位或以下只限1小時、5至7位限1小時15分，8位以上限1小時30分交檯，客人需有一半人數到場，方可入座。

示意圖。AI生成圖片

樓主大呻：食得仲趕過茶記！

有網民認出相中是位於九龍城的一間酒樓，樓主表示當時門口已有幾個人等候緊，但她入座時卻未留意到此限時安排，「入座無留意，到一個鐘多少少個知客態度好差咁話要走，我先知，下次係門口要望清楚有無限時先入」，但大呻「真心，就算食物正常都無下次了，好趕客」，又坦言時間好短，食得好趕「老實講，飯茶1個鐘真係有太短，啲水又熱，點心入紙蒸都要20分鐘，食得仲趕過茶記，90-120分鐘合理啲」。

threads截圖

網嘆：所以點解個個都北上消費

有其他網民都遇到相同經歷，「我都試過，聽到話個半鐘要交檯立即掉頭走」，「去飲茶就係想同朋友家人慢慢傾下計，限我時間甘我咪去第二間囉」、「所以點解個個都北上消費」、「咁好生意唔好入去阻住佢了」、「香港垃圾餐飲業，規矩多多，見到一定不消費」、「講真佢唔寫出黎，可能我都係呢啲時間走，但你寫出黎我就唔去食，因為覺得你係到計緊。」

近年香港人都喜歡北上消費。資料圖片