《破·地獄》上映第11週許冠文衛詩雅父女檔謝票 Michael笑言望《破．地獄》票房收2.2億寓意香港人打破任何困難

Michael驚喜為Michelle送上結婚禮物場面感人

英皇電影鉅作《破·地獄》，由陳茂賢執導、編劇，黃子華、許冠文（Michael）及亞太影后衛詩雅（Michelle）攜手主演，朱栢康、周家怡、秦沛、金燕玲、韋羅莎、梁雍婷、白只、鍾雪瑩聯合演出。電影上映踏入第十一個星期，最新港澳累積票房數字突破1億5千8百萬。而昨日導演陳茂賢、許冠文及衛詩雅現身大圍出席謝票。

最新港澳累積票房數字突破1億5千8百萬

導演陳茂賢、許冠文及衛詩雅現身大圍出席謝票。

衛詩雅

Michael笑言望《破．地獄》票房收2.2億，寓意香港人打破任何困難，他於謝票後分享感言，語重心長祝願香港人及香港電影同樣向好，Michael說：「我同好多香港人一樣，一生都希望進步同埋破紀錄，一生人都曾經追求過幾次，喺呢位天才洋溢嘅導演（陳茂賢）嘅作品又令到我再感受到一次。不過今次未破得哂，仲有6000萬左右就可以破到香港所有電影嘅紀錄，嗰部係2億2千萬票房嘅《End Game》（《復仇者聯盟：終局之戰》），如果大家已經睇咗四次，唔爭在睇夠八次。呢個唔只係我嘅夢，如果香港可以有一部2億2千萬票房嘅香港電影，咁就證明香港人可以做哂任何野，雖然暫時環境比較惡劣，不過我哋好快就可以破任何困難，任何嘅紀錄。」

Michael笑言望《破．地獄》票房收2.2億，寓意香港人打破任何困難

香港人可以做哂任何野，雖然暫時環境比較惡劣，不過我哋好快就可以破任何困難，任何嘅紀錄。

而Michael昨日除了現身謝票，更為同場的Michelle帶來一支酒作結婚禮物，Michael表示事源自己下月跟家人外遊，未能親身出席Michelle的婚禮。因此於謝票期間驚喜送上心意，Michael更笑言：「之前我個女嫁之前，我都係同佢開咗支酒分享心事，仲同佢講咗好多男人嘅秘密，不過就唔方便喺呢度講，哈哈！」搞鬼的Michael更約定Michelle再聚，私底下分享。而Michelle接過Michael的禮物更眼泛淚光，她指：「好多謝Michael San，感覺真係多咗一個阿爸，好感動，我同Michael San個女一樣都係咁啱叫Michelle，所以特別有一份親切感。」

為同場的Michelle帶來一支酒作結婚禮物

合照

Michael表示事源自己下月跟家人外遊，未能親身出席Michelle的婚禮

搞鬼的Michael更約定Michelle再聚

搞鬼的Michael更約定Michelle再聚

至於同場的導演陳茂賢亦分享：「拍攝時因為每位演員都好專注演出，每場都要投入情緒，所以嗰陣其實大家都未有好多機會傾計，反而係拍完電影一齊經歷密集式宣傳，又多啲時間互相了解，所以形成咗呢股凝聚力。」

同場的導演陳茂賢

衛詩雅（Michelle）憑電影《破·地獄》「郭文玥」一角橫掃各大電影頒獎禮，成「七料影后」。早前她再下一城，於「第38屆大眾電影百花獎」中斬獲「最佳女主角」，成為首位獲得該獎項的香港女演員。昨晚（9月29日）英皇娛樂為她舉行慶功，英皇集團主席楊受成博士及太太陸小曼、英皇娛樂行政總裁霍汶希（Mani）、歐陽震華、方中信、曾比特（Mike）、溫碧霞、沈震軒（Sammy）、何佩瑜（Jeana）、VIVA成員Ada、Macy及VALC、黃明德（Dark）、黎展峯（Andy）、洪助昇（Aiden）、阮雅（Bonnie）、劉若寶（Polly）、黎峻（Kenneth）及黎紜蔚（Vivian）均有出席，場面墟冚。

衛詩雅憑《破·地獄》成「七料影后」，早前再奪百花獎「最佳女主角」，成首位獲此獎香港女演員。

昨晚（29日）英皇娛樂為Michelle慶功。

慶功宴高潮之一，就是楊博士親自推出蛋糕並送上花束，全場歡呼聲不絕。蛋糕設計十分有心思，最上層有Michelle拎獎的公仔，更用電影菲林由下至上貫穿整個蛋糕，底層則印滿Michelle跟家人、朋友的溫馨照片，Michelle見到蛋糕十分驚喜，「嘩！點搬過嚟㗎個蛋糕。」頻頻道謝。

合照期間，歌手黃明德（Dark）及黎展峯（Andy）即席為Michelle清唱《破·地獄》主題曲《普渡眾生》，點知二人唱到甩嘴兼笑場，場面搞笑，Michelle即笑住話：「等等先，仲唔係《少林功夫好嘢》嗰首呀，哈哈。」期間Andy又臨時充當司儀搞氣氛，Michelle笑着對Andy說：「如果我唔係結咗婚，我搵你做我結婚嗰個⋯⋯」話未說完，Mani即接口：「結婚嗰個老公呀？」弄得全場大笑，氣氛高漲。

楊受成博士與太太、霍汶希、歐陽震華、方中信、溫碧霞、沈震軒、何佩瑜及VIVA成員等出席，場面墟冚。

楊博士親自推蛋糕及送花，蛋糕以電影菲林貫穿，底層印滿溫馨照片，Michelle驚喜連連。

隨後Michelle於台上發表感言：「首先多謝公司英皇一路以嚟嘅栽培，多謝老闆楊博士，同埋多謝所有今日嚟到嘅朋友仔，陪我一個咁開心嘅慶祝嘅晚宴，希望大家繼續身體健康，同埋大家大紅大紫！」語畢全場即歡呼聲不絕，場面溫馨又熱烈。

Michelle感謝公司栽培及老闆支持，祝大家身體健康、大紅大紫。