破記錄澳門三十三場演唱會圓滿結束 張敬軒憶童年往事哽咽

新周邊勁Kam膠花歌迷爭住買

由上年唱到今年，場數一加再加，張敬軒於澳門倫敦人舉行、共三十三場的《Dahlia Blossom HINs CHEUNG PRIME CLASSICS LIVE 2024 張敬軒澳門演唱會》日前圓滿結束。這次演唱會，軒仔除了打破歌手於澳門倫敦人開show紀錄，同時亦打破了澳門演唱會史上紀錄，認真厲害。

共三十三場的《Dahlia Blossom HINs CHEUNG PRIME CLASSICS LIVE 2024 張敬軒澳門演唱會》日前圓滿結束

打破了澳門演唱會史上紀錄，認真厲害

再次重臨澳門倫敦人場館，軒仔特別為演唱會加入新元素，除了揀選一些之前未有獻唱的歌曲，又特別為加場訂造三套全新歌衫，務求為樂迷送上驚喜。阿Sa蔡卓妍、02年的親姊妹組合2R成員黃婉君（Rosanne）、女團VIVA及海兒（Hedy）亦專程到澳門欣賞演出。

阿Sa蔡卓妍

阿Sa蔡卓妍

海兒（Hedy）

軒仔特別為演唱會加入新元素，除了揀選一些之前未有獻唱的歌曲

務求為樂迷送上驚喜

甫開場，軒仔便笑問：「其實我想問吓係咪咁多場都係同一班人嚟㗎？」然後便說：「我要同呢個場嘅朋友say個hi， thank you。亦都要多謝入過場，再一次入場嘅朋友嚟支持我。」軒仔謂很開心完成上一輪的演唱會，加上主辦單位再次邀請加開四場，總共演出了三十三場演唱會，是他人生最長一次一個駐場演唱會。而世界各地歌迷亦專程飛到澳門睇show，「今晚都見到好多fans喺唔同嘅地方嚟，有香港、澳門、我老鄉廣州、北京、雲南、福建、重慶、台州、順德、深圳，咦！有觀塘嚟嘅朋友，哈哈、天津、悉尼、紐約，特登飛返嚟呀？咁咪好貴囉？我代澳門政府多謝你，哈哈，刺激澳門消費，仲有荷蘭。」

是他人生最長一次一個駐場演唱會。

世界各地歌迷亦專程飛到澳門睇show

一如以往，演唱會場外，都有售賣軒仔的周邊，以往有唱片、tee等等，這次亦有全新單品上架 - 「Dahlia 大麗花（膠花）」。當歌迷收到風這次會有膠花出售時，便於社交媒體瘋狂討論，笑說要抽出建議入貨膠花的「幕後黑手」，而軒仔亦於社交媒體上表示並非自己主意，十分搞笑。雖然如此，但膠花銷情十分理想，自開賣以來每日都售罄，對於這個「奇怪」的現象，令軒仔於開場跟大家打完招呼後忍不住問：「相信入場之前有好多朋友幫襯咗出面嘅merchandise，原來真係會有人買支膠花㗎 ！我知係$100呀，但咁你都買嘅，有冇搞錯？因為呢兩日台面啲機關要試行，同埋我肥咗，啲歌衫要改，所以我未追究到係邊個諗呢支膠花出嚟！但買還買，千祈唔好將兩支花擺喺我隻黑膠碟兩邊，坐喺度嘅時候我有啲驚，或者隻黑膠碟唔好楝喺前面。其實要講番，主辦單位同我講唔係膠花，係絲花嚟嘅。但有區別咩其實？」引來全場大笑。

「Dahlia 大麗花（膠花）」

當唱到《故園花茶》時，亦勾起軒仔不少童年往事。他小時候很喜歡恐龍﹐小學時廣州天河體育館舉行了一個恐龍展，恐龍展開幕不久，他很多同班同學已經去過，更將要去過展覽才有的postcard帶回學校炫耀一番，軒仔當時羨慕不已。一天，軒仔便跟爸爸說想看恐龍展，爸爸說好，然後問多少錢，軒仔說五十元一張門票，「五十蚊喺嗰陣時已經係我哋屋企一家三口差唔多三分一個月、甚至乎係半個月嘅口糧。爸爸冇出聲，然後話星期六同我去。」星期六，軒仔跟爸爸到了體育館門口，望了門口一陣子，剛好有位在展覽工作的阿姨經過，張爸爸便問可否帶軒仔入展覽，「爸爸話：『我哋屋企比較困難，但係我個仔又好想去，所以好希望你可以幫我呢個忙，你帶咗佢入去就得㗎啦，你唔使理佢㗎。』個Auntie好好咁帶咗我入去，行咗幾步擰返轉頭見到我老竇，佢係一個殘疾人，鋪咗張報紙喺地下坐喺街邊、坐喺部單車隔離，等我睇完出嚟。我已經入咗閘㗎啦，我喺閘入面沖返出嚟，『爸爸我唔去啦，你唔同我去我都唔去。』然後我老竇就有少少發憫憎：『我已經厚住面皮叫個阿姨接你入去，你都唔去！』」說到這裹，軒仔開始有點哽咽，然後續說：「我話唔好啦，我唔想抌低爸爸。所以琴晚綵排唱呢一首《故園花茶》嘅時候，尤其我爸爸媽媽最近重新搬番嚟香港，其實佢哋走咗唔係好多個月㗎咋，佢哋三個月返咗去，跟住返番嚟，我見到我老竇又老咗一圈⋯⋯ 所以我想藉住呢首《故園花茶》、藉着內心呢份情感，喺度同各位真心講一句，當大家有時間多啲返去陪吓爸爸媽媽，因為佢哋唔係事必喺我哋身邊。」不過，原來恐龍的故事還有後續，軒仔隨後補充，「其實之後我同爸爸離開體育館準備返屋企嘅途中，見到體育館外圍嘅鐵絲網穿咗個㝫喎，最後我同爸爸就喺呢個窿入咗去睇恐龍展。」全場頓時爆笑，他又笑說：「我諗現場應該唔會有人睇霸王飛啩，嗱！我唔係鼓勵人睇霸王飛呀。」

張敬軒憶童年往事哽咽

又特別為加場訂造三套全新歌衫

又特別為加場訂造三套全新歌衫

又特別為加場訂造三套全新歌衫

張敬軒星期五（7月31日）正式推出全新粵語單曲《靈魂相願》，由他親自作曲、香港著名填詞人小克執筆，編曲由어영수操刀，製作人為張敬軒與Isaac Chan。這是繼2014年經典作品《靈魂相認》後，張敬軒與小克再度以「靈魂」為題合作，相隔十二年，以一字之差，道盡從「相遇」到「告別」的成長歷程。

張敬軒

張敬軒

《靈魂相願》的創作背景源自張敬軒在2024年經歷的兩次重大失去——在最痛的時刻，張敬軒寫下了這首曲的雛形，旋律先於文字存在，像一道尚未命名的傷口。直至小克聽畢，以詞句為其賦予形狀與重量。

相關影片可以按以下畫面觀看：

影片連結：https://youtu.be/1gV5Ij8e4rg?si=csjKPmXJxezIjoPw>

張敬軒

歌詞從遺體告別寫起，描寫心跳停止後最後一次擁抱的瞬間，再到火化後骨灰散入山河的畫面——「你散落四方山河 / 淡然喚晚風提醒我」。整首歌不談虛假的重逢，而是誠實面對「永不回來」的事實，將情感聚焦於「掛念」本身，祈願逝者在每一個維度、每一個宇宙都能自由自在，如風如葉。

小克表示，從《靈魂相認》到《靈魂相願》，兩首歌雖只差一字，卻代表了他與張敬軒在十二年之間對「靈魂」命題的兩次不同回答——年輕時相信靈魂終會重逢，成熟後只願靈魂能夠自由。張敬軒則形容這首歌是「送給所有經歷過告別的人的一份安靜的陪伴」。

張敬軒

《靈魂相願》已於各大音樂平台上架，MV同步首播。