張敬軒在台上表示感謝慧嫻的歌曲在他細個時陪佢做功課。
陳慧嫻40週年演唱會《The Fabulous 40 Priscilla live in Hong Kong》昨晚（1月21日）假紅館展開第一場演出，慧嫻將會唱六場，最後一場將於大年初二舉行，與歌迷歡渡新歲！昨晚楊受成博士及夫人、李克勤及太太盧淑儀、毛舜筠帶同老公和媽媽、沈震軒及女友陳欣妍、Niki周麗琪 、鄧小巧、黎峻Kenneth 、 Hedy海兒等均現身棒場，張敬軒擔任首場嘉賓，將紅館變成跳舞街，氣氛熱鬧又開心。
點擊看圖輯
《The Fabulous 40 Priscilla live in Hong Kong》開鑼！
李克勤及太太盧淑儀、楊受成博士及夫人
毛舜筠
鄧小巧、Hedy海兒
沈震軒及女友陳欣妍
演唱會主題是「花期」。
慧嫻被一朵巨形大花包裹出場。
一口氣唱出多首經典歌曲。
慧嫻分享回憶。
慧嫻叫大家要好珍惜愛的人。
跳舞歌環節當然要唱《跳舞街》。
嘉賓張敬軒現身一齊唱跳。
嘉賓張敬軒現身一齊唱跳。
嘉賓張敬軒現身一齊唱跳。
攬攬好溫馨。
二人互動好有趣。
二人互動好有趣。
軒仔表示好榮幸可以在這個屬於Priscilla舞台上面表演比大家睇。
還選了《與淚抱擁》獨唱。
慧嫻在唱《陪伴》時，見到一直想要的手機燈海。
令慧嫻感動又開心。
慧嫻被全晚觀眾熱情感動得閃著淚光。
慧嫻又自言年紀大，直言未知幾時能再與歌迷見面。
有內地歌迷在紅館門口買黃牛，結果買到假票。
《The Fabulous 40 Priscilla live in Hong Kong》開鑼！
李克勤及太太盧淑儀、楊受成博士及夫人
毛舜筠
鄧小巧、Hedy海兒
沈震軒及女友陳欣妍
這次演唱會的主題是「花期」，所以昨晚opening，慧嫻被一朵巨形大花包裹出場，一口氣唱了《奇妙旅程》、《柯德莉夏萍穿過的鞋》、《不羈戀人》、《逝去的諾言》+《人生何處不相逢》等經典歌曲，繼而向觀眾打招呼，「嗨！冇見大家九年啦！ 時間過得好快，我記憶緩慢，覺得好似過左三年，啲人話中過Covid之後，記憶會差，我係咪愈來愈差？哈哈。今次演唱會係講花期，花開花落人生無常，希望大家用心聽歌，明白整個主題。」
演唱會主題是「花期」。
慧嫻被一朵巨形大花包裹出場。
一口氣唱出多首經典歌曲。
慧嫻又講到回憶，話自己以前唔鐘意影相，「所有嘢記係腦中就最好，但係發覺年紀愈來愈大，好多嘢我都唔記得咗。睇番舊相連自己當時做緊咩都未必諗到，依家反而鼓勵人影相，可以記番好多回憶。人記憶入面一定有開心同唔開心嘅事，好似我咁，我9隻貓已經死晒，呢個記憶真係好創傷，你哋又有冇試過曾經後生有一個伴侶，好鐘意你，但係你又冇好好珍惜，最後分咗手？有呢？咁你依家身邊嗰個係邊個？哈哈，每一個人，無論咩年紀，有一個心愛人係身邊要記著好好灌溉呢個關係，每日都要話佢知我愛你，咁關係先會長久。」歌迷聽到之後就不停對著她大叫：「我愛你啊！」
慧嫻分享回憶。
慧嫻叫大家要好珍惜愛的人。
到第五部份跳舞歌環節，《跳舞街》唱到一半，嘉賓張敬軒突然升上來，即時炸烈紅館，成個紅館變成真正的跳舞街，人人企起身跟住跳，氣氛熱烈。慧嫻大讚軒仔是一個好尊重前輩好提攜後輩嘅人，「佢開演唱會，我過左去睇，佢唱歌真係一流，好謙卑，好懂得照顧別人又溫柔，做朋友真的很窩心！」軒仔就笑道：「嘩，我應該去院舍做！哈哈」慧嫻即笑道，「係呀，我就快㗎啦，遲早入院舍。」軒仔又指二人是同公司，但論資排輩，一直唔知應該點稱Priscilla，叫慧嫻姐姐好？定....」陳慧嫻即謂：「阿嬸、Auntie……哈哈，梗係叫我Priscilla啦！你呀，你要多多提攜我添呀！」嚇得軒仔馬上跪地，兩人風趣幽默引得全場大笑。
跳舞歌環節當然要唱《跳舞街》。
嘉賓張敬軒現身一齊唱跳。
嘉賓張敬軒現身一齊唱跳。
嘉賓張敬軒現身一齊唱跳。
攬攬好溫馨。
二人互動好有趣。
二人互動好有趣。
軒仔昨晚選了《與淚抱擁》獨唱，他表好開心，好榮幸可以在這個屬於Priscilla舞台上面表演比大家睇，演出再又再翻睇自己睇過無限次慧嫻姐姐「幾時再見演唱會」，能夠以一個歌迷身份企係舞台上面唱佢嘅歌，生命安排真係好奇妙，「多謝每一位比我這個機會，我係一個不折不扣嘅陳慧嫻歌迷，係我讀書年代，佢每一首歌都係陪住我做功課，我諗來諗今晚揀咩歌唱比大家聽，我揀左以下佢冇揀的一首歌，送比大家 《與淚抱擁》」現場即掌聲雷動。
軒仔表示好榮幸可以在這個屬於Priscilla舞台上面表演比大家睇。
還選了《與淚抱擁》獨唱。
慧嫻曾經表示，非常希望擁有紅館的手機燈海，因為以前手機未出咁利害，自己咁多年都未試過，昨晚她選唱《陪伴》時，就見到全場亮手機燈，令她又感動又開心，她又表示，「其實有很多人都同我講過，如果你當時冇去讀書，可能你的事業會更加好。但係呢個只不過係一個假設而已。可能唔係呢？其實，我已經好幸福。我覺得我依家擁有嘅嘢，我已經好滿足。特別係我擁有你哋嘅陪伴。係呢四十年裡面，擁有你們俾我嘅愛。無論你哋係佛遲加入，或者係一早已經加入，我都好感謝你哋。」 然後為觀眾獻上一首自己深愛的英文歌《I Need To Be In Love》。
慧嫻在唱《陪伴》時，見到一直想要的手機燈海。
令慧嫻感動又開心。
演唱會來到尾聲，慧嫻被全晚觀眾熱情感動得閃著淚光，「作為一個歌手，我嘅天命，上天派我落嚟呢個地球係為乜？作為一個歌手，做好我嘅歌，可以用我嘅歌，去幫助大家，係感情上面有咩傷痛時侯，可以療癒，可以療傷，亦都可以鼓勵到大家的人生。其實我作為一個歌手，我覺得我係咪都應該做得不錯啦？大家都知道啦，實在我今年本身應該有『兩蚊』，我相信佢認為我唔需要『兩蚊』住，係咪延遲左改變左計劃？哈哈。年紀愈來愈大啦，我真係唔知下次幾時再係紅館開演唱會啦，甚至乎重會唔會開呢？但係到時如果你哋要我再開，我未必可以跳到跳舞街喎，咁係咪你哋答應我，你哋跳？希望到時真係見到你哋，大家都又係起晒身，唔好綁著安全帶喎，哈哈....好啦，正正經經，我唔知道幾時重會再見到大家。送俾大家，這一刻最後呢首歌《幾時再見》。」
慧嫻被全晚觀眾熱情感動得閃著淚光。
慧嫻又自言年紀大，直言未知幾時能再與歌迷見面。
此外，有內地歌迷在社交平台出PO，表示在紅館門口買了黃牛，並順利通過安檢進場，但到座位再發現有兩張一模一樣的票，結果該歌迷被趕離場。對此，演唱會總監馮貽柏表示，昨晚一共發現八張假票。經由紅館負責幫忙識別，事主亦已報警處理。問到依家假票像真度咁高，觀眾點樣可以避免中招？馮貽柏表示，騙徒手法層出不窮，避免中招的唯一方法，就是經由合法途徑購票，陳慧嫻演唱會上星期剛加場，還有少量門票於城市電腦售票網公開發售。大家可以去城市電腦售票網購票，千萬不要幫襯非法、或不名來歷網站，否則無法得到任何保障。而紅館點樣分辨到假票？馮貽柏就表示：「紅館負責入場嘅保安會用QR code scanner掃描票上面嘅QR code，發現無效，QR code scanner會顯示無效（二維碼），用作推斷呢啲係無效嘅假票。」
有內地歌迷在紅館門口買黃牛，結果買到假票。
