楊卓娜獲老公手寫心意卡表白 貼心甜蜜舉動冧到爆

好sweet。

47歲楊卓娜在《黑色月光》中飾演楊茜堯姐姐，演藝備受關注，可惜無緣最佳女配角，不過返到屋企獲老公最大支持。楊卓娜老公在台慶頒獎禮當晚已準備了一隻可愛名牌熊公仔匙送給愛妻，並親自手寫心意卡表白：「老婆：你是我的女主角  老公」。

楊卓娜有「人妻女神」之稱

楊卓娜deepV到肚臍（本網記者攝）

楊卓娜在社交平台留言：「今朝（1.20）凌晨五點瞓落床，但係比楊生叫醒，佢問我點解睇唔到？我矇住眼問睇到啲乜嘢，原來佢喺我床邊放住呢一啲嘢！禮物靚唔靚唔緊要，貴唔貴重都唔緊要，最緊要係嗰一份心意，多謝楊生！幾年前，當我都入咗最佳女配角最後5強，凌晨返到屋企，都同樣收到一張卡，一份禮物，女兒嘅短訊，內心好滿足！我們都不是最好的，但是我們擁有彼此，卻比擁有什麼都更好。」

獲老公手寫信

好sweet！

有禮物收

有禮物收

現年48歲的楊卓娜與身家豐厚的「燈箱大王」楊志翹相戀18年，兩人雖然至今未正式註冊結婚，但早已以夫妻身份相處，感情穩定甜蜜。楊卓娜除了為男方誕下愛女，更將兩名繼女視如己出，一家人生活幸福美滿。

楊卓娜與楊志翹相戀18年

為男方誕下愛女

雖然冇正式名份，但楊卓娜生活絕對富貴無憂。近年她復出直播帶貨吸金力驚人，早前更飛到巴黎豪掃LV、CHANEL及DIOR等名牌手袋，獲VIP級待遇，財力相當驚人！

早前更飛到巴黎豪掃LV

又掃CHANEL

 日前楊卓娜再被發現飛到東京掃貨，並在社交平台上載影片。片中她戴Cap帽、紥孖辮、配搭超闊牛仔褲及大耳環，打扮相當年輕又潮味十足。她與男友人在名店內左揀右揀，原來竟然係研究竹籃，連同行朋友都忍唔住笑她：「買菜嘅籃都唔放過！」

打扮年輕

竹籃都唔放過

之後楊卓娜更向店外招手，叫其他姊妹入店幫手畀意見，場面勁似闊太團掃貨日常。她其後搞笑發文：「我身邊好多間諜，個個都養唔熟，藝術嘅嘢，佢哋識條鐵咩？」字裡行間充滿富貴又Chill的生活感。

其實楊卓娜過往亦曾有捱苦日子。她早年在TVB節目透露，曾與妹妹楊茜堯夾份供樓，當年月薪只有6000元，為咗供樓幾乎放棄所有娛樂，更直言入行十幾年都未試過旅行。如今苦盡甘來，持有物業已升值超過500萬，生活質素全面升級！