政府低調救人 余德寶高調攞彩 高人: 前「公民黨」骨幹扮代表意欲何為?

內地演員王星被誘騙到詐騙園區後，令外界關注有28位受騙港人被禁錮在非法集團的園區內。特區政府本來一直低調救人，事件曝光後，政府最近更派出由保安局副局長卓孝業帶隊的專責小組前往泰國，採用所有合法合理的手段，盡力拯救受騙港人。

但前「公民黨」骨幹的余德寶就借助幫受害港人家屬的機會，搶佔道德高地，聲稱過往一向協助受害人家屬，並不斷主動安排家屬接受媒體訪問，陪同家屬到不同國家駐港總領事館請願等等。到政府營救受害者有成果通知家屬時，他收到消息又第一時間通知傳媒，把自己打扮成發言人那樣。

高人話，政客唔做實事專搶風頭都唔出奇，但這個余德寶就擅長踩低人哋抬高自己，搞到好似建制派議員唔做嘢只有佢做嘢，搞到外界以為政府唔理要佢施壓才採取行動。特別是每當有成功返港的例子時候，他又將成功案例包裝到好像他個人一手促成。

高人話，這些海外營救行動涉及不同國家，還有詐騙園區在緬甸等國的「三不管」位置，要救人殊非易事，並不是余德寶講兩句詐騙園區就怕咗佢放人回來，而是背後經過不同政府不懈努力，過程還要考慮過份高調的行動，究竟會否影響受害者的人身安全。救人不是「塘邊鶴政客」講咁容易。

網民都製作圖片，諷刺余德寶亂搶救人光環。

33歲的余德寶是前公民黨執委會成員，前油尖旺區議會副主席兼前富柏選區議員，現職物業管理，從政野心一直不死，落馬後繼續借助民生議題亂吹，最終瞄準「東南亞誘騙港人案」，針對特區政府。

睇番余德寶Facebook專頁，過去一年有關誘騙港人往東南亞事件的貼文只得9篇，但在今年1月6日爆出王星事件後，兩星期內便連環推出17篇帖文。顯然因為佢嗅覺好靈敏，知道這是自吹自擂的大好機會。

但高人就質疑，余德寶咁高調日日曝光，究竟真係熱心幫助受害人，抑或想為自己帶上政治光環，為未來參政舖路？

Ariel

** 博客文章文責自負,不代表本公司立場 **

有時睇香港的失業數字，真係有啲啟發。

政府統計處今日發表的最新失業數字，去年10至12月香港失業率為3.1%，與9至11月的數字相同，失業率維持在低水平。

由於總就業人數的基數增加了7100人，所以即使同樣是3.1%失業率，去年10至12月香港失業人數其實下跌了6100人至11.4萬人。

高人話，雖然有人話香港零售經濟唔好，但係唔見有好多人搵唔到嘢做，同2003年經濟衰退時有好大差別。睇現在的失業率只得3.1%，接近全民就業，很多行業仍然在呻請唔到人，請到新人返工亦好易就走。

各地失業率比較。

香港已是成熟經濟體，但同歐美成熟經濟相比，香港3.1%失業率好低。法國失業率7.4%，加拿大失業率6.4%，英國失業率4.3%，美國失業率4.2%，佢地就業情況都差好多。

高人話，好多英美媒體不斷唱衰香港經濟狀況，其實佢地自己更差。外國失業率咁高，香港人仲諗住移民去外國，同當地人搶嘢做，真係搵自己笨。佢聽到好多真實例子，香港高級中產移民英國，好難做番本行，好多人去咗做Uber司機、工廠工人、甚至通宵看貨倉即係看更，真係發夢都無諗過要做呢啲基層工作。