Macy@VIVA同Mani炒大鑊面臨被換危機 由海兒頂上做新成員？

VIVA面臨「換人危機」？！

女團VIVA真人show「VIVA Medium Rare House」，上集講到VIVA玩遊戲整蠱Mani（霍汶希），今集輪到Mani整蠱VIVA，找來女高音歌唱家海兒（Hedy）夾計，暗示要踢走VIVA其中一位成員兼取而代之，實行玩大佢！

觀看相關影片按連結：https://youtu.be/M-8I_pQjGfk

一開始節目組向Hedy講解整件事的背景，事緣在拍攝前，成員馬思惠（Macy）因工作安排出現誤會而跟經理人開火，隨後被Mani召回公司「照肺」。了解事件後，Mani表示明白Macy離鄉別井隻身來港工作的孤單，但有不開心的事情亦要說出來，公司一定偎幫忙解決，說到這裏，Macy便忍不住落淚。

影片截圖

影片截圖

影片截圖

影片截圖

影片截圖

了解整件事的來龍去脈後，原本節目組打算讓Hedy教VIVA唱歌的點子，立即「轉橋」，改為假裝好想加入VIVA。首次「飾演」奸角，Hedy笑言十分喜歡，「我要成為令到佢哋團結嘅契機，最鍾意做奸角，哈哈。」雖然如此，但Hedy直言怕Macy嬲，「驚呀，我好驚人嬲我。但係完咗今日即刻可以解釋番㗎嘛。」

影片截圖

影片截圖

隨後，大整蠱馬上閕始，Hedy上到VIVA宿舍，閒聊一輪，Hedy立即出招，「其實公司而家要我學咗你哋隻舞。唔係一隻，係全部三首歌都要學。」VIVA十分驚訝並詢問原因，Hedy表示不知情，「我都係兩日前（Macy見Mani當日）先知，Mani講。」這時VIVA還不以為意，更十分踴躍表示可以教Hedy；見VIVA未有反應，Hedy再「落藥」，「我下個禮拜就要上跳舞堂啦，一對一，阿姐搵俾我。」

影片截圖

影片截圖

Hedy繼續進擊，「我兩個星期要學晒三隻舞，最重要係《Morning Call》。」VIVA再次追問原因，Hedy見機不可失，再重申自己是兩日前才知道。這時Macy彷彿意識到甚麼，睜大雙眼兼張開口，原來兩日前見Mani時，Mani對她說過：「其他藝人都係等緊機會㗎，唔好等到資源俾人拎咗或者俾咗第二個之後，你先嚟後悔。」Hedy續說：「突然間收到order，『總之你諗辦法整掂佢』。你哋睇我跳舞就會知我情況有幾惡劣。」這時Macy突然小聲地說：「我覺得我嘅情況都好惡劣。」

影片截圖

影片截圖

隨後便播出下集預告，Hedy說：「我可能要食咗（女團）其中一個位。」這時VALC向拍攝團隊提出：「等等先，其實係咪真係要錄我哋而家講嘅嘢？我覺得係完全唔出得街。」看來四人已真正墜入「VIVA換人危機」的陷阱。

影片截圖

影片截圖

女團VIVA隊長Carina李晞彤與VIVA成員完成啟德主場館唱歌成就解鎖，得到網民留言鼓勵；Carina在演出前一天曾在網上為自己及隊友打氣：「VIVA 會有一日可以唱到自己歌的，所有過程都係必須，得到嘅時候就係上天覺得最適合同準備好嘅時候！」怎料翌日「開口中」得到演出唱歌機會，Carina希望突如其來的幸運延續至其個人首支單曲《讓路》，新歌已於日前正式上架。

VIVA隊長Carina獲公司力捧成為首位單飛代表。

今次整個新歌的宣傳企劃其實由Carina主動提議兼親自主理，她主動向公司爭取做一個月的期間限定「Marketer」。新歌上架當日，Carina拿着印製好的一千張宣傳單張，由下午兩點開始，走勻尖咀星光大道、小輪碼頭、葵芳廣場、旺角銀行中心，到最後一站的銅鑼灣時代廣場，足足派足八個鐘。Carina一開始已經開行turbo，完全不怕醜，見人就派，就算被拒絕都完全打擊不到她士氣，繼續笑住落力派，passion滿滿。期間更有不少途人要求合照。

事後Carina分享感受時第一句就話：「派到靈魂出竅，哈哈。我完全忘記咗要食飯呢件事，可能今日太熱啦，所以覺得完全唔食都OK，但係個感覺係想係咁飲嘢，啱啱有個fans拎咗支水俾我。」她繼續笑着說：「好多人讚我靚，好開心，因為多數都係女仔讚，男仔多數唔理我。」至於被拒絕的感覺如何？Carina直言：「我又冇乜嘢感覺喎。」最令她難忘的是一位姨姨，「佢唔知我派緊乜嘢，喺好遠行過嚟問我：『你派緊乜嘢啊？』我同佢講咗啦，然後佢同我講：『好啦，加油啦，我見你都企咗好耐啦。』好sweet呀，我發現我都係啱女仔嘅market多啲，哈哈。」

新歌《讓路》由KW朱敏希、Y.Siu作曲，梁嘉茵填詞，陳考威監製，曲風與VIVA截然不同。

歌曲不單止是Carina solo的開端，更是一首屬於新世代的態度宣言，不再跟舊有的單一航道，大家一齊學會「Do It Solo」，叫所有舊規矩統統讓開。《讓路》由KW朱敏希、Y.Siu作曲，梁嘉茵填詞，Y.Siu編曲，陳考威監製，曲風跟Carina於VIVA的感覺大不同，連她自己也說：「今次用咗一個平時VIVA唔會用嘅tone嚟唱，比較cool啲嘅tone。」

新歌上架當日，Carina拿着印製好的一千張宣傳單張，由下午兩點開始走勻尖咀星光大道、葵芳廣場等街頭，足足派足八個鐘。

即使被途人拒絕亦完全打擊不到她的士氣，繼續笑住落力派。

MV中，Carina挑戰了從未試過的舞風，導演特別想跳多一點Voguing或者用手的動作，所以整個chorus都見到Carina不停伸長手腳地舞動。Carina笑着說：「呢樣嘢喺VIVA入面都冇點樣試過，亦都係第一次嘗試Voguing，係有啲困難。」除了跳舞，記歌詞都成為一大難關，Carina自爆，「我第一、二段有啲撈亂咗嚟唱，因為平時VIVA嘅lip sync都係一人負責一啲，今次成首都係自己，所以成日都忘詞，呢個壓力都幾大。」

造型方面，一個全新髮型令Carina特別興奮，「我從來都冇諗過自己會爆炸頭！喺化妝車攰到瞓着咗，一擘大眼就換咗一個新嘅妝同埋新嘅頭，覺得：『Nice！』」亦有很多的新嘗試，「好似Hair Band或者一啲好2000年嘅look，之前都好少機會試，今次試到好開心。」

VIVA隊長Carina獲公司力捧成為首位單飛代表。