大熊貓家姐爬樹咬手指擺Pose賣萌 細佬四肢並用盡展「力的表現」網暈：可以出道了！

大熊貓官網日前再上載三母子最新動態，曬出牠們各自爬樹的英姿，片段中家姐依然可愛到令人暈晒浪、細佬就活潑好動無時停，已是爬樹老手的盈媽當然是淡淡定！

大熊貓IG影片截圖

大熊貓IG影片截圖

大熊貓IG影片截圖

已有5個月大的熊貓姐弟，成長速度驚人，學會爬行後，現在就已開始學習爬樹了！而且爬樹根本就是大熊貓的天賦技能，怎會難倒這兩位新人王呢？只見家姐一邊爬樹一邊不忘望鏡頭，眼仔碌碌，笑笑口，仲咬手指，一副十分討人憐愛的模樣，天生「鏡頭感十足」！而細佬就好落力，四肢並用掹實樹幹，力爭上爬，盡顯力的表現。

大熊貓IG影片截圖

大熊貓IG影片截圖

另一邊已是爬樹老手的盈媽，就懶洋洋地躺在樹枝上享受午後陽光，還不時輕拍腳掌，似乎為兩隻小寶寶打氣！淡定得來又不失氣勢。

大熊貓IG影片截圖

大熊貓IG影片截圖

網民留言大讚兩姐弟簡直是熊界童星，可以直接出道了「家姐家姐，你咬手指，犯規啊！可愛到咁，我好暈呀」、「家姐嗲到我暈左」、「家姐咬手手，好得意，可愛到頂點。好似人教擺pose咁。細佬努力都不容忽視，好有意識手勢腳仔不停網上爬，好叻仔」。

大熊貓IG影片截圖

網民亦表示兩孖寶日漸長大，盈媽開始過得較輕鬆了「現時盈媽即刻輕鬆晒，可以同樂爸鬥chill」、「無幾耐之前先識企起身，而家已經識爬高高，大得太快啦」、「家姐細佬一如以往將我融晒，但係依條片我最鍾意就係見到盈盈喺度fing 腳仔。」

萬千寵愛的大熊貓龍鳳胎「加加」、「得得」好食好住好玩，最新消息兩姐弟體重已經超過35公斤！而且，告別BB餐，開始食窩窩頭了，讓契爸契媽既感欣慰，又捨不得兩個寶貝大得太快。

家姐細佬體重超過35公斤啦！香港大熊貓官方專頁ig截圖

家姐「加加」同細佬「得得」已經15個月大，由老鼠仔一樣的BB，長大到現在肥嘟嘟，識得「費媽」，識得打架，又識得撒嬌。

家姐細佬接受護理訓練。香港大熊貓官方專頁ig截圖

海洋公園的香港大熊貓官方專頁最新帖文帶來好消息，家姐細佬有不少成就解鎖，例如接受護理訓練，奶媽吹著哨子，加上手指指示，細佬就懂得朝奶媽方向走去，準備飲盆盆奶；又例如奶媽叫「加加」，家姐聽懂自己被點名，就馬上「應機」，聽明白指示自己走去正確的地方。

家姐細佬接受護理訓練。香港大熊貓官方專頁ig截圖

大熊貓家姐細佬開始食窩窩頭了。香港大熊貓官方專頁ig截圖

家姐細佬每日都探索和學習新事物，在奶爸奶媽、契爸契媽眼中，是越來越聰明和勇敢了。「睇到好感動，但ee唔想你地大得咁快」，「係盈盈媽媽，奶爸奶媽教導有方又有愛心細心，所以兩個寶貝無論身型同學習都進步好多」，「升中學了啦，接受正式訓練了！家姐叻叻！細佬開始食窩窩頭呀，唔怪之得有35kg重呢！兩姊弟加油！各位奶爸奶媽辛苦了」，「身形就嚟追得到盈盈啦」，「奶爸奶媽們準備要抱不動兩姐弟了」。

大熊貓家姐「加加」同細佬「得得」已經15個月大。香港大熊貓官方專頁ig截圖

另外，海洋公園宣布多項門票優惠方案。即日起至12月17日，香港居民可購買「一票雙遊」門票，以成人票價538元、小童票價269元，一個價錢可自由選擇兩個日子入園。由即日起至明年1月4日，推出「二人同行」成人優惠套票，兩位成人票價為915元。今年12月1日至明年1月4日期間，購買兩個或以上「全年會籍」，不論成人、學生或小童會籍，均有85折優惠，即成人年票為1173元，學生或小童年票為833元。