富貴千團｜黃庭鋒演出浴戲做200下掌上壓力谷線條 姚宏遠僅穿肉色內褲演出

姚宏遠憶全女性幕後工作人員踎低「剪底褲」感尷尬！

由關文深監製，杜瑞榕、辛雅、郭建樂擔任編劇、一共十集的《富貴千團》，昨日（1月27日）起逢周一至周五晚八點半翡翠台播映，演員陣容包括黃庭鋒、湯洛雯、姚宏遠、傅嘉莉、張寶兒、黃子恆、蔣志光、Ben Sir（歐陽偉豪）、韋家雄、林穎彤、蘇皓兒等。

姚宏遠同黃庭鋒呢幕locker HeHe戲趣味十足。

姚宏遠同黃庭鋒呢幕locker HeHe戲趣味十足。

《富貴千團》劇情講述研究生哈利（黃庭鋒飾）因籌募科研資金，誤墮「燈神」古大師（Ben Sir飾）「股票群組」老千局，並與事件其他苦主—「財金詐騙高手」Simon Sir（蔣志光飾）、「生意奇才師奶仔」Katty（湯洛雯飾）及「古惑健身教練」Hook（姚宏遠飾）聯手追討損失，最後五人組成賺錢聯盟「OPM」，踏上玩弄財技之路。今晚（28日）播出的第二集，OPM目標是騙去Simon Sir半生積蓄的「倫敦金」集團，Hook勾搭倫敦金囡囡Sugar（林穎彤飾），另邊廂，哈利和Katty扮演新加坡富二代夫婦，包裝出一家海外超新星FinTech公司，終吸引到倫敦金公司老闆波哥。哈利不想以正義之名行騙，只想搜集波哥的罪證後收手，此時卻發現驚人秘密……波哥因哈利「說大了」，要參加女明星私人豪華派對，哈利等唯有設法應對；真正操縱倫敦金集團的黑幫老大滔爺現身，提出驚人要求……

黃庭鋒啲反應好抵死！

黃庭鋒啲反應好抵死！

劇集除了老千局夠話題性，當中還有不少無厘頭有趣場口，今晚其中一個搞笑情節，不得不提Hook和哈利在男更衣室裡的一場HeHe趣味情節，Hook不但在哈利面前除褲露鳥，嚇窒哈利之餘，又撳低哈利頭部從locker取物，畫面似足男男18禁動作！之後哈利又因不慎向Hook淺到沐浴露，搞到Hook硬闖哈利沖涼房，畫面爆笑。飾演哈利的黃庭鋒，指為了以最佳身形上鏡，事前孖住拍檔兼對手姚宏遠（Lucas）一同操練，續指這個場口於開機後第一天便拍攝，而且當天溫度相當低，大家都拍到腳震震。庭鋒亦透露兩人「共浴」的戲份，二人事前每人做了近200下掌上壓，才有這些線條成果。

至於飾演健身教練Hook的Lucas，直言當日有一大段對白要背，將所有專注力放到該場戲的對白上：「當時唔係好尷尬，但反而依家諗番有啲尷尬，因為當時我只係著住條肉色嘅內褲，去到要拍見到我半邊八月十五嘅鏡頭嗰陣，化妝師、服裝、副導演都係女仔，三個一齊踎咗喺我身後，幫我剪開條肉色底褲剪到鏡頭需要見到嘅範圍，再用膠紙黐住以防走光，仲要化少少妝等個八月十五上鏡啲。我記得我當時全程就企咗喺度好專心咁背緊對白，所以冇乜太大感覺，但依家諗番就覺得其實個場面好尷尬但又幾搞笑，真係辛苦佢哋幾位。」

仲有呢幕沖涼戲，兩位男藝人大騷結實肌肉，向觀眾大派福利呀！

仲有呢幕沖涼戲，兩位男藝人大騷結實肌肉，向觀眾大派福利呀！

仲有呢幕沖涼戲，兩位男藝人大騷結實肌肉，向觀眾大派福利呀！

Lucas在劇中有大量騷肌鏡頭，足見無論腹肌、麒麟臂都一樣結實，他透露平日雖然有操健身的習慣，但拍前因監製希望Lucas看起來再健碩點，不但聯同黃庭鋒密密操練，更在飲食方面落足功夫，因此拍到最後一場戲，收工即大吃大喝慰勞自己：「收工即刻去咗食潮州打冷再飲番幾枝啤酒！」Lucas 續對角色分享感受，指Hook一開始會予觀眾一種玩世不恭的感覺，其實背後是一個悲劇人物：「我諗Hook呢個角色最大嘅特點在於佢嘅感情線係同哈利嘅兄弟情，另外就係同Simon Sir同世民叔嘅父子情。之後觀眾就會開始同情佢，覺得佢其實係個悲劇人物。」

現實中，Lucas畢業於美國華盛頓大學金融系（University of Washington；Major in Finance），2013年參加無綫電視第27 期藝員訓練班入行，參演過逾120個角色；憑綜藝節目《七線人棄王》及劇集《解決師》裡演高中欖球隊隊員周仲朗而為人認識。

姚宏遠平時有操開gym，社交網站有腹肌相任睇。

姚宏遠拍攝《富貴千團》獲劇組台前幕後送蛋糕慶祝生日。

姚宏遠拍攝《富貴千團》獲劇組台前幕後送蛋糕慶祝生日。

「樂壇織女」陳蕾升級為鉤織藝術家！多年來於個人社交平台以及不同活動中展現濃厚鉤織興趣與實力的陳蕾，獲邀參與南豐集團「世界之約」年度企劃 — 南豐紗廠第三屆「約好織物祭」，首次挑戰鉤織近3米高大型作品《荒島之幻象》，以包攬曲詞唱的原創同名歌曲作為題材與靈感，跨越聲音視覺觸感三重界限，將音樂之境鉤織成震撼感官的巨型實體作品。

陳蕾獲邀參與「約好織物祭」，首次挑戰鉤織近3米高大型作品《荒島之幻象》

大型鉤織作品《荒島之幻象》於南豐紗廠地下紗廠坊懸掛展示，錯落有致的鉤織線條所編成的作品如瀑布傾瀉而下，震撼感人。以藍綠交融作為主要色調，模仿大自然一呼一吸。觀賞者無論以沿線條探索或從整體感受，都能夠找到陳蕾透過作品傳遞靜謐而流動的藝術創作心境。

作品《荒島之幻象》於南豐紗廠地下紗廠坊懸掛展示

以藍綠交融作為主要色調，模仿大自然一呼一吸

首次以鉤織藝術家身份出席活動的陳蕾，親身見到作品於現場展示時非常感動：「好多謝南豐紗廠搵我參與今次『約好織物祭』，畀個咁好嘅機會同推動力我去鉤咁大型嘅作品。呢個作品接近三米高，用咗好多時間去鉤，真係打破晒自己嘅紀錄，用咗好多心血，希望大家都鍾意。」

首次以鉤織藝術家身份出席活動的陳蕾，親身見到作品於現場展示時非常感動

鉤織作品《荒島之幻象》與陳蕾包攬曲詞唱的音樂作品同源。陳蕾：「我喺鉤織嘅時候會好放鬆又好集中，全身心投入咗去鉤織世界咁，好似一個心靈回復平靜嘅冥想過程。今次收到南豐嘅邀請之後，我立即諗到《荒島之幻象》呢首歌。首歌喺五年前推出嗰陣，有樂迷話編曲好迷幻但歌詞好有畫面，我想試吓將個感覺鉤出嚟，再睇吓大家嘅反應。大家嚟到可以一邊聽住《荒島之幻象》，一邊投入感受吓個作品，再話我知你哋嘅感受。」

陳蕾：「我喺鉤織嘅時候會好放鬆又好集中，全身心投入咗去鉤織世界咁。」

陳蕾除了於鉤織藝術有所突破，音樂創作方面亦馬不停蹄。陳蕾：「今年真係好澎湃，年頭推出咗第四張個人大碟《凝》，三月做咗一連四場《完整的我》音樂會。過幾日我就會起程飛去英國，6月5日喺倫敦有《完整的我》巡迴首站嘅演出，真係未出發先興奮，因為呢次係我第一次海外巡迴！希望大家都睇得開心。記得留意之後其他巡唱地點嘅資訊，多謝支持。」

陳蕾過幾日就會起程飛去英國，6月5日於倫敦有《完整的我》巡迴首站演出

陳蕾首個大型鉤織作品《荒島之幻象》將於5月30日至7月5日免費於南豐紗廠六廠地下紗廠坊舉行之第三屆「約好織物祭」中展出。由南豐集團社區項目「世界之約」策劃的年度企劃「約好織物祭」以編織為主題，帶大家走進織人的世界，一起發掘編織的無限可能。現場除了展示陳蕾的大型鉤織作品《荒島之幻象》，亦同步展出另一重點藝術作品：由劇場編劇及導演甄拔濤與美術指導馬家銘聯手，基於作家陳慧短篇小說《木棉情書》創作而成的沉浸式裝置聲音體驗《想聽 - 木棉情書》。