四位主演惡搞《魷魚遊戲》《進擊的巨人》《神鵰俠侶》！
《痞子殿下》2022年播出時叫好又叫座，連帶四位主角周嘉洛、陳瀅、朱敏瀚及JW王灝兒亦成為不少觀眾及網民心目中的最佳拍檔。今年，四人領銜主演的《痞子殿下》續集《馬百良安宮牛黃丸呈獻：痞子無間道》載譽歸來，並由2月10日起，逢周一至五晚八點半翡翠台播映。
JW呢個造型贏晒。
JW大叫：「射佢哋！」
由陳耀全Andy監製、張世昌編審的《痞子無間道》，顧名思義與「無間道」有莫大關係，而在之前釋出的網絡預告片，亦有多場疑似向經典電影《無間道》致敬的場面，尤其曹永廉從高空墮下壓落轎頂、並剛好讓站在轎旁邊的嘉洛目擊全程的一幕，更是與《無間道》經典場口有90% 相似，大大點燃了觀眾及網民的期待值。
昨晚，無綫在黃金時段播放《痞子無間道》首支正式官方宣傳片中，雖然宣傳片只有短短40秒左右，但資訊量卻相當之高，嚴格來說可分成四部曲的同時，更先後向知名影視作品《魷魚遊戲》、《進擊的巨人》及《神鵰俠侶》等致敬，令人更加期待劇集播出時「咩葫蘆賣咩藥」。
朱仔呢位巨人係咪進擊得嚟好夠搞笑？
陳瀅公主曼妙嘅歌聲，連鵰兄都畀佢吸引到過嚟。
在官方宣傳片第一部曲中，JW疑似化身《魷魚遊戲》的巨大化木頭孖辮公仔，並以極詭秘的聲音「唔啱音」地唱出：「痞子四人組，我哋返嚟喇～」，原本靜止中的陳瀅，因為受到烏蠅干擾打了嘉洛仔一巴，Detect到有異動的JW即時雙眼變綠兼大叫：「射佢哋」，同一時間更有弓箭陸續射向嘉洛仔等三人；第二部曲內容則是，進擊的巨人朱仔來勢洶洶食人咁款，令陳瀅JW及嘉洛仔大為驚恐，但經過一輪擾攘後，朱仔原來只是拿出潤唇膏搽嘴及獻吻，認真反高潮；第三部曲主角輪到化身白雪公主的陳瀅，陳瀅一出場即展現曼妙歌聲，不過引來的卻並非可愛小鳥，而是傳說中的鵰兄，一心趕會佳人的鵰兄最終因不敵陳瀅身上的惡臭不支暈倒，再一次反高潮；第四部曲輪到主角嘉洛仔出場，嘉洛仔甫現身即以油膩自信Tone一輪嘴謂：「宣傳《痞子無間道》 使乜搞咁多嘢呀，啲人都係睇我架咋嘛」，隨即引來另外三位主角不滿，並懶理嘉洛仔褲都未著（畫面經特別處理）便對其拳打腳踢，相當抵死，就連宣傳片旁白最終亦頂不住四人的無厘頭，以投降Mode宣布：「唉！你哋玩飽佢啦」，短短的40秒頭炮宣傳片經已創意無限，令人更期待正劇播映。
點知呢位公主臭得滯，搞到鵰兄捱唔住暈咗。
周嘉洛如廁期間「打住格」被圍毆超破格。
周嘉洛如廁期間「打住格」被圍毆超破格。
而向來出盡法寶與觀眾及網民互動的《痞子無間道》，早前發布了首張官方宣傳海報，望落十足十經典港產片賀歲報紙廣告，懷舊味濃；海報除以「痞子來，畫蛇添福；財神到，全年富足」向觀眾及網民拜早年外，還曲線披露了八位主演名單。相關宣傳海報中，除了有四位主角，另外四位主演還有車婉婉、曹永廉、麥美恩及黃子恆，絕對是新鮮感十足的組合。
周嘉洛呢個樣，又真係好抵打嘅。
最新懷舊味濃宣傳海報。
圍繞汪明荃（阿姐）出發看世界為主題的台慶綜藝節目《中國建設銀行(亞洲)呈獻：帶阿姐看世界》，本周二起晚上十點半翡翠台繼續播映。
阿姐為是次災民打氣及慰問的片段。
「我同大家一樣，心情非常沉重」
上周三大埔宏福苑五級火災情嚴重，《帶阿姐看世界》亦因而停播四集，並於今晚（12月2日）十點半翡翠台重啟播映。節目重啟前，加插了阿姐為是次災民打氣及慰問的片段，並祝福所有港人平安、重新出發：「大家好，我係汪明荃。上星期三大埔宏福苑嘅火災，我同大家一樣，心情非常沉重。喺度我代表我哋節目團隊，向所有受今次火災影響嘅朋友，送上最深切慰問；同時亦向各位消防員、醫護人員同埋參與救災嘅每一位致敬。作為藝人，我都希望盡一分力，呼籲大家關心今次嘅事件；而另一方面，我亦都希望以演員嘅專業，藉住做好嘅節目，陪伴大家，將溫暖送畀你哋。祝願大家都平安，我哋一齊再出發。」
周嘉洛先帶阿姐到Central Market，二人挑戰用有限金額買意粉及蜆。
原來「驚喜名廚」就是嘉洛本人，阿姐：「你得唔得呀？入廚幾多年？」
嘉洛一本正經答：「我入廚兩堂。」
嘉洛落手煮的時候，阿姐更在旁提點：「落意粉唔好咁大力。」
嘉洛笑稱：「我煮嘢係憑感覺。」
第一關開火已經一度卡關，但嘉洛仍死撐：「我係唔識開火姐，其他咩都識。」
阿姐忍不住出手撩兩下。
白汁變豉椒炒意粉。
沿路遇到不少當地華人，大家都認得阿姐！
今（2日）、明（3日）兩晚的《帶阿姐看世界》，繼續是首站澳洲及「澳洲站旅伴」周嘉洛。今晚（2日）播出的第三集，阿姐與周嘉洛繼續行程豐富，除了走入Central Market玩限額買食材、到訪嘉洛很想回味的唐人街燒臘店、兼到Gilles at The Grounds市集Shopping，今集焦點，絕對是嘉洛帶住「畏高」阿姐，登上Adelaide Oval 50米高空的橢圓球場體驗Roof Climb，獻出人生第一次Roof Climb；眼前阿姐埋位前後不斷抖大氣，嘉洛仔馬上再發揮「暖男」本色，幫阿姐體貼穿上保護裝備之餘，還不忘為阿姐打氣：「唔使擔心呀阿姐，我會一路喺你後面。」
事事要確保絕對安全才敢試的Liza姐，試玩Roof Climb前有半開玩笑叫嘉洛「你試咗先試咗先」，之後阿姐依足指示靠住安全扣及繩索支撐，懸空向後仰擺出雙手放飛姿勢，雖然挑戰初段阿姐仍是勁緊張攬實嘉洛高呼「我好驚」，但經嘉洛一輪安慰後，阿姐終於豁出去完成創舉！阿姐事後坦言以往拍攝騎馬及吊威也戲時亦不免緊張，但最終仍憑藉演員的重要初心—「一roll機就要嚟啦」一一捱過，盡顯專業。
嘉洛帶阿姐登上Adelaide Oval 50米高空的橢圓球場，體驗Roof Climb。
暖男嘉洛知道阿姐畏高，先替她穿好保護裝備。
二人黑超Look！
再邊行邊安撫給予安全感，上落樓梯時不時提醒：「唔使擔心阿姐，我會一路喺你後面。」
阿姐沿路一路自我打氣：「我得嘅我得嘅。」
阿姐一度緊張，要扶實嘉洛。
阿姐最後成功克服畏高，相當勇敢。
嘉洛完全唔畏高！
嘉洛另外還帶了阿姐到Central Market試飲試食，期間有Cheesecake店員認出Liza姐，並笑言是劇集《我的野蠻奶奶》粉絲，阿姐人氣果然遠至海外。另二人又按製作組要求、挑戰以有限金額買意粉及活蜆煮意粉，並由臨急抱佛腳上了兩堂事前進修堂的嘉洛擔任「大廚」。結果嘉洛不但第一關開火已「卡關」，更將原本好地地的白汁意粉，煮成地獄料理「豉椒意粉」，令阿姐大感「驚」艷。
二人去到Gilles at The Grounds市集Shopping！
阿姐醒嘉洛零用錢。
明晚一集，二人去到動物園。
樹熊貼身的一刻，阿姐忍唔住輕輕一震。
嘉洛抱樹熊。
阿姐一見紅唇糖即刻少女心爆棚：「好得意喎呢個，陣間試吓先！」
阿姐童心大爆發變「行走表情包」
明晚（3日）播出澳洲之旅最後一集，嘉洛帶阿姐Chill住遊澳洲，二人先到動物園親親樹熊、袋鼠等，再到德國村1839年建立的老店歎咖啡，再轉戰糖果店及Rundle Mall商店街大掃有趣美食及手信。最後一集，阿姐被嘉洛感染後愈玩愈投入，變成行走「表情包」，在親親小樹熊時，由於獲小樹熊貼身一抱，阿姐竟激罕露出「少少驚」表情！之後在糖果店，阿姐又瞄準「紅唇糖」與嘉洛大玩「扮錫錫」，少女心大爆發。二人逛德國村期間，羅家英更「突襲」視像阿姐，相當甜蜜。
二人之後更即場咬住糖扮錫錫，甜到漏！
見到印有樹熊嘅款式即刻心心眼。
結果掃咗一堆杯，嘉洛忍不住搞笑問：「有冇買埋畀家英哥？」
阿姐笑答：「夠㗎啦佢！」
二人去到海灘睇住日落談心，互相送上禮物。
家英哥視像「突襲」阿姐。
阿姐一條問題盡顯率直本性：你覺唔覺得我難相處？
最後，二人搭電車到海邊談心睇日落，阿姐一嚟便單刀直入問嘉洛：「你覺唔覺得我難相處？」到底嘉洛會點答？盡訴心中情後，二人大玩交換小禮物，期間阿姐向嘉洛送上親筆心意卡，並認真地寫下對嘉洛的Comment，之後阿姐還坦言睇好嘉洛：「前程無限呀你，睇好你呀！」
